今晚目睹極大不公義，壓在心口好難受。
話說，黃昏時，在深水埗目睹海關用詐騙方法呃一個少數族裔青年。
一位便裝探員拎住個紙皮箱，不斷要求個印度青年簽名「收貨」。
個位青年不明所以，多番拒絕。該探員轉而用哀求語氣，表示係「第一日返工」，「一向都係咁」，「幫幫手簽個名」等。
印度青年不堪其擾，欲以簽名打發佢走，此時即有四五個海關探員撲出，將其拘捕。對於途人詢問其罪狀，或其將押解之警署，海關俱拒絕回答，並將青年押上私家車。
我嘗試重組案情，個紙箱內應該係淘寶假貨（都唔知會唔會係毒品添，海關做過㗎），所以就用賣假貨同非法擺賣嚟拉佢，但根本係栽贓呀！係公權力栽贓在冇權力嘅人身上，好似菲律賓啲警察咁呀！
我第一次目睹此種暴行，難道以往海關執法都是以此詐騙手法嗎？專揀最弱小最不能反抗的人嗎？
並且，拒絕透露罪行及押解之警署，豈非剝奪受害人家屬保釋的權利嗎？
我一心想到這位二十多歲青年即將面臨的法律煎熬，就好難過。尤其係今年睇多咗 Rayne Yuen Wai Yin 報導CIC 的狀況，他會就此出唔返來嗎？
https://www.facebook.com/photo/?fbid=5023471614331737&set=a.510252125653731
