中學生廣東話懶音問題

DSE 頭幾年都要

你廣東話點讀都唔會係中古漢語啦

「懶音」應該係何文𣿬創立既 term
條友 80 年代開始刷存在感，係香港電台拍節目
佢用「廣韻」做最高原則，唔理時代既變化

時姦 賊魚涌

「懶音」應該係何文𣿬創立既 term
條友 80 年代開始刷存在感，係香港電台拍節目
佢用「廣韻」做最高原則，唔理時代既變化

時姦 賊魚涌

以我所知就唔係，佢「發明」嘅 terms 係「正音」、「正讀」，當中嘅「正音」就係呢道主要講緊嘅問題（撇除聲母唇形變化）。「懶音」應該係啲傳媒人用開先嘅。而我記得何文匯曾經都話過佢唔係好鍾意用「懶音」呢個詞語，可惜唔記得係邊個節目，我只記得佢太致上係話就算用「懶音」頂多都係 n- 變 l- 同 ng- 變零聲母兩個變化。

至於你呢道嗰啲廣韻、時奸佢係歸類為「正讀」問題，拉埋嚟講只會 sidetrack 件事（留意，話佢唔理時代既變化不完全正確、「涌」字佢本書有標 [cung1 充] 音、時奸佢喺電台講過佢冇喺公開場合話要講但佢本字彙都係咁標）。

另，何文匯等的確有成立過一個「粵語正音推廣協會」去推廣「發音準確、吐字清晰」嘅。不過究竟係咪醉翁之意，當中有幾成係推廣啲社會普遍接受嘅「吐字清晰」（即係「正音」），有幾成係推廣佢嗰套「發音準確」（即「正讀」）我就唔知嘞，因為好有趣嘅係，咁多年啲有好幾款「正讀」我認為係推廣得好成功嘅（例如「綜合」「綜藝」讀「眾合」「眾藝」），但「正音」呢，你見有呢個 post 就知咩一回事啦。

書 sü
好似粤語殘片先有，三十年前都冇人咁讀。

難忍（男人）都講得出口仲要好開心好自豪
學譚仔阿姐。

偽命題本身廣東話都唔係古漢語 只係接近
本身都無野可以讀到正音

首先想問下，「是否 predictable 同埋 logical」同「有冇需要理」個學理上嘅關係？

因為照我理解，如果係企喺描述性範疇，就係做旁觀者去觀察，啲變化是否可預測、是否合規律唔係考慮重點喎。而如果企喺規約性嘅範疇，問題就係，第一步係大家都同意如果粵音要用嚟「教人」就要有一套標準，跟住就係依循邊一套標準嘞。

再返返你個講法，即係「 predictable 同埋 logical」就「唔需要理」，我就會有以下嘅問題：

照你講法，舉例好似「譚仔話」將「凍檸水」讀成「鏈」水。其實呢個嚴格上唔係廣東話嘅「鏈 (lin2)」，而係廣東話 -ng 前個韻腹 -i- 係短嘅所以「應該」讀 IPA: ɪŋ（同鏈個 IPA: lin 不同），而譚仔話係受到普通話影響個 -i- 係用返讀「鏈」嗰個長 -i- 變成 IPA: iŋ ，然後我哋用文字記錄時由於粵音冇同呢個 liŋ 等價嘅字音於是取諧音寫做「鏈」（又或者嗰啲人根本唔識分 -ng 同 -n 於是就以為係「鎖鏈」個「鏈」，當然我都唔敢排除有啲譚仔阿姐會真係讀成 lin2）。呢個變化完全係合規律嘅（所有短 -i- 變長），而喺香港嘅新移民人口越嚟越多、廣東話又唔會正式去教、反而有好多普教中嘅課程嘅情況下，我諗唔到個變化點唔 predictable 同 logical。同理，普通話成個 -m 韻尾冇咗，譚仔讀坦仔、 三哥同山哥，呢啲都係 predictable 同 logical 嘅。至於「十小辣」變「實小辣」，其實如果用北方話發展做參考，只係入聲消失嘅開端咋嘛，雖然我冇研究過，但《中原音韻》https://ytenx.org/trngyan/cio/1/37/ 都將「十、實」視為同音啦，同埋又符合你嘅 logical 定義（甚至可以話既然《中原音韻》已經記錄相類似變化，證明粵語發展滯後，更加唔應該干涉）。

如果我話，假如上述變化有擴散、普及嘅趨勢，根據你嘅意思，喺你嘅角度，都應該「唔使理」嘅。唔知咁樣講有冇誤解你嘅意思呢？

安真係ngon而唔係on?

另一方面，s/z變sh/zh似係支話影響多

應該真係ngon
我以前有個中文miss 讀正音， 記得呢d 字都係重鼻音

啱啱爬文，好多人都指出on先係啱，樓主錯

Btw, 想探討吓ben sir歐陽偉豪，成日聽佢講嘢覺得好un耳，究竟係佢有懶音、口音定音調問題

末來
未同末都分唔到

安真係ngon而唔係on?

之前講過，再 quote 一次：
＝＝＝＝＝＝＝
語氣詞「吖」「呀」一類固然冇可能有 [ng-] ，喺粵語內部規律中，有 [ng-] 嘅其實嚴格嚟講只限聲調 4-6。而呢道講嘅 4-6 調，係講緊該字嘅「本調」而非「變調」。因此，「燒鵝髀」嘅「鵝 [ngo4]」本調係４，有 [ng-]，「請你食燒鵝」個「鵝 [ngo2]」讀變調２，但依然有 [ng-]，唔會因為變咗調就冇埋聲母。有關呢點，語言學者各有取態，有啲認為既然係咁全部加 [ng-] 都可以（當然語氣詞例外） ，有啲都接受冇 [ng-]，我自己傾向有 [ng-]，但呢道重點係：唔好一聽到人個音冇 [ng-] 起頭就話人讀錯。「安、愛」冇 [ng-] 揸正嚟講反而係啱、有 [ng-] 反而係錯。
＝＝＝＝＝＝＝

「安」屬第一調，所以：
- 嚴格嚟講安冇 [ng-] 先啱，有反而係錯。
- 學術界普遍都接受 1-3 調嘅字加 [ng-] 嘅做法。
- 當然好似「阿豬阿狗」個「阿」，踩到屎嗌聲「哎呀！」個「哎」呢啲就唔好走去加 [ng-] 啦。

正正係因為描述性範疇，點解要規範語言嘅改變而唔係記錄佢嘅改變？的確，廣東話因為大陸人或者其他語言搞到廣東話甩哂啲coda consonant，但依個係一個語言入侵，我想講嘅係廣東話自然變化而非因為其他因素而影響到佢，我講嘅predictable同logical係基於人類口腔嘅構造而推斷出邊堆音比較vulnerable。

當然係教學方面都要教返大眾認為正確嘅音，但大多數人都[n] [l]不分，依個唔可以話係懶音。

因為/ptk/ 尾音係現今廣東話仲係主流，我同意我地都要努力keep，猶其係教學當中，因為係依個年代我都要靠粒coda先明你講乜。但係佢係極之vulnerable嘅音，就算冇外力影響（普通話），佢都好有可能會自然流失，到個陣真係流失左，我地唔可以再話佢係「懶音」，因為佢會變成「新常態」

佢都係用返英文好啲

呢個先係正解

雖然佢讀中文，無啦啦走去研究ling，又用中文寫文
phonotactics嚟計，round vowel前面嘅affricatives會palatalised，變做聽落似ch嘅音，但實際上語言學家通常將呢個音叫做/ʨ/，即係普通話入面嘅j/q

呢個，雖然我知佢係教健身唔係中文，但聽佢講嘢聽到側晒耳
https://www.youtube.com/watch?v=c1LE3CF4pm8

唔睇字幕真係唔太聽得明
大陸口音咁，入聲弱化哂

https://youtu.be/6XKCZqswXSw
13:37
我諗你所講嘅sh係呢個情況， 689同張竹君都係呢種口音

Luna肯定唔係呢個情況，佢係喐起咗個嘴唇先發聲

14:30
再睇吓先發現佢個最字就係LUNA嗰個情況

最後幾個唔算係
depalatalization上世紀五十年代都已經好明顯，如果唔係我哋要讀「沙田」做「sha田」

墨硯大辣d fd