wenliyang
2021-11-26 21:19:31
關於呢點, 我唔同意, 但我唔可以話你唔啱.
喺香港, 自發戴口罩+洗手+社交距離, 其實真係做得好好, 所以連感冒都少左,
大家覺得戴口罩無咩問題, 所以打針既誘因都少左.
喺外國, 班友係傻既, 好多人唔戴口罩, 又唔保持距離, 所以佢地唔打針真係會死.
防疫, 係三方面.
1) 防止感染--戴口罩, 洗口, 社交距離
2) 感染後快速痊癒+唔洗入醫--疫苗.
3) 無打/唔打得疫苗--入院醫或食特效藥.
香港係第一部做得太好, 所以覺得第二部唔洗做, 直接頭去第三部.
但你好難確定, 會唔會有一日, 直接跳到第三部時, 到底會唔會醫療系統崩潰.
當然, 你可以話, "咁由得全香港人都打晒囉, 如果全香港得我一個未打,
我唔打都無所謂啦, 反正到時無人同我爭床位." 你咁諗, 我唔會話你錯.
因為我有唔少朋友真係咁諗, 其他人打晒, 其他人冒風險, 我就可以唔洗打.
但你唔好忘記, 香港打針既人入面, 有四成係科興.
呢啲人, 隨時係醫療崩潰時同你爭床位既人.
wenliyang
2021-11-26 23:24:57
討論當然OK.
首先, 我會排除左香港既防疫政策. 佢根本係想控制香港, 唔係想防疫.
現時對人類殺傷力不大, 無沙士咁勁, 係事實. 但因為傳播率前所未有, 變種速度亦係前所未有,
之後會變種成點, 完全係不可預測. 到時會唔會令現時既疫苗+特效藥同時失效? 唔出奇.
當然, 未必會咁大獲, 但風險評估既野, 你要知道先.
有冇病徵, 其實唔關疫苗事. 打唔打, 一開始都無病徵. 打左疫苗, 身體會快速產生抗體,
可能你好快好返根本唔知自己病過(亦可能發病, 但唔會勁得去邊).
無打疫苗, 你未必會發病, 可能靠自己免疫系統可以好返, 但對未見過既病毒,
免疫系統正常都要七日後先發生作用, 呢七日可以傳好多人. 何況仲有肺花既問題.
用行政手段逼人打, 咁呢樣野我都有保留. 我自己從來都係鼓勵人打, 但唔會強逼人打.
如果你真係等特效藥, 其實係將個負擔放左喺醫院. 首先, 愈少人打疫苗,
意味醫院要存放更多既武肺藥. 咁要幾多先夠? 呢個病, 傳播率極高,
平時唔用啲藥就放喺度浪費藥房空間, 一用起上來隨時成千上萬咁用, 會唔會出現忽然短暫?
到時個物流又夠唔夠快運啲藥黎香港? 醫院應該要存放幾多特效藥先叫夠數?
你睇啲重症, 係忽然冧低, 到時重整病人未必等得切. 呢啲係好具體既問題.
所以愈多人打疫苗, 醫院就愈少需求/消耗呢個病既藥同用具(包括床位, 呼吸機, 特效藥等等)
最後想講, 萬靈藥只係中世界時代煉金術既妄想, 唔存在一種可以能醫百病既藥.
你話要解拆到所有變種然後用一種藥去解決, 基本上無咩可能, 因為佢會keep住變種.
而家要做既係, 首先就要停止新既變種出現, 即係所有既防疫issue都要做到足
1) 事前要戴口罩洗手,
2) 打疫苗去預防重症+減少傳播
3) 用特效藥去醫治無打疫苗既人.
某程度上, 香港人做(1)係做得最好既地方之一, 所以(2)你先覺得唔需要.
我是認為, 1-3全部都要做, 先可以有效防止. 但如果你真係唔打, 我亦覺得唔應該強逼.
畢竟係有風險(雖然唔高), 但亦只限於香港或類似香港自動自覺防疫的地方.
其他地方開始強逼人打針, 其實係啲鬼佬又唔戴口罩又唔社交距離, (1)做唔好,
唯有逼佢地做(2). 其實可以預期, 外國就算100%打針, 都係會爆下呢度爆下嗰度,
因為佢地(1)做唔掂. 但至少, 打左針係少左機會傳播.
仲有, 我贊成打針, 係打伏必泰, 唔係科興. 香港有四成人打左科興,
會唔會成為日後爆發既導火線? 我唔敢想像, 所以我一定叫人打左伏必泰先,
到時打左科興嗰班人奶野, 打左伏必泰嗰班都可以無事先. 我唔贊成打科興, 保護太低.
如果有人想打科興, 我寧願叫佢唔好打.