【You're My Brother】《病港ＩＩ》（４３）

咳！

設定上應該同白鯨同級
七傘根本超人類黎

蕭梵咳咳啦

蕭梵咁快咳嘅，佢係咪會死架

蕭梵定位=董倫

咁快咳

救完m比粒抗生素搞撚掂啦

劇透慎入(其實都唔係好算劇透)

聶係用乜武器？
完全唔記得

劍

點解都係冇乜印象
到目前為止有乜戰績

所有七病獵岀動嘅時侯carry全場
比M更適合我一個人，就是勢力了

墨巴出快d
我等緊重溫果一刻既來臨

用把好薄嘅劍單挑贏左個騎士

每日一推

推

「年中都有唔少自認身手了得嘅賞金獵人，為咗拎到我個頭，走入我數碼港嘅狩獵場到，你永遠捉唔完、防唔完，所以你要學識無視、放任、沉著，等到佢哋自以為熟識融入一切嗰陣，先一手將佢哋生擒。」蕭梵伸出姆指，指向後方的防火門：「你越諗只會越心煩，依家同我去搞掂真正嘅老鼠。」

「嗯……」韓亥上將點個頭，跟蕭梵一同回到上面：「你應該唔會介意，我第二次拎把槍指住你哋？」

「我仲估會有第三次。」

「吱吱！吱吱吱！！吱吱吱……」血鼠時不時跳上兩人身子，韓亥上將主張拍打落地，蕭梵主張徒手捏死，兩種不同的方式細微透露出兩者之間的差異。

上到六樓，蕭梵不禁再問一次：

「真係唔一把火燒？明明有個簡單方快捷嘅方法……」

「可以嘅話，我都想咁做，但係元帥講到明，一定要搵到呢隻流行病相關資料，頭先已經搵到一堆，相信呢到會有類似實驗室繁殖場咁嘅地方，應該會有幾關鍵嘅資料。」

「元帥都不過係坐喺總部，真正上緊場嘅係你。」蕭梵又像個魔鬼，說些誘導性說話：「就算你當場殺咗我哋，都可以話我哋意外死亡，何況係放一把火？」

「我自己都想知佢到底係點樣整隻病毒出嚟，啱先單位入面見到嘅圖，已經講明隻病毒係人工製造出嚟，咩病徵、主要傳播方式、致死原因，都係由佢揀……但係成幢大廈明明一間似樣嘅實驗室都無。」

蕭梵腦海裡只浮現出「病者力量」四字，因為除了依靠病者的能力，否則依病港現階段科學程度和資源，根本很難做出如此精密的病毒。

蕭梵準備推開六樓防火門之際，韓亥上將把他叫住：

「唔叫埋雲梨？」

「佢有個目標要殲滅，仲努力緊。」蕭梵用肩臂撞開門身，再次抽出日本武士刀揮舞：「我哋兩個暫時處理先。」

韓亥上將謹慎地舉槍射擊，為蕭梵掩護：「我哋兩個都得？」

「最多時間用長啲咁解。」蕭梵踏前快揮兩刀，稍稍轉頭盯住韓亥上將：「只係怕你射中我。」

「你可以定，我係拎開手術刀，但射擊測試長期喺水平之上。」

「你少用槍，咁槍套嗰把左輪係邊個送俾你……」蕭梵小聲自唸，不屑一笑：「真係暴殄天物。」

「一個……」韓亥上將目光猶豫。

「有嘢就講，如果唔係你一唔小心俾隻老鼠咬到……」蕭梵說到一半，斜瞅被咬的傷口一眼，續說下半句：「可能以後就無機會講。」

經蕭梵這麼一說，好像亮著了韓亥上將頭腦記憶庫中的燈泡，想要說出自己的事。

這麼險峻的環境，人與人之間聊天確實可以舒緩一定的壓力。

「嗰個叛徒。」韓亥上將一邊拼命射擊老鼠，眼前畫面一邊跟鳥嘴面具重疊：「係嗰個叛徒送俾我……」

「第二任病獵會長？」

「我聽到佢俾人捉嗰陣，我仲諗緊係一場誤會，準備好幫佢向元帥求請，點知佢徹底欺騙咗我，咁都唔緊要，佢仲欺騙咗我家人……」韓亥上將手中的衝鋒槍彈匣清空，他還是扣著扳機將近十秒才慢慢回過神來：「到證實咗佢係間諜嗰刻，我實在忍唔住拎住佢送俾我嘅槍，行入拷問室一槍解決佢……」

「但你無咁做。」蕭梵殺戮同時，仍能談笑風生。

接著，韓亥上將繼續說出當時牢房的事情。

M雙手被綁吊天花上，腳尖僅僅觸碰到地面，韓亥來到牢房前，他已經被軍人毒打一身，身體多處內出血和骨折，幾乎可說是瀕臨半死的狀態，但他的意識沒有因痛楚而失去，畢竟對飽經折磨的肉體來說，什麼痛覺早都習慣了。

戰爭期間，西城薈刑部只有幾人看守，他們一般負責看管「羊隻」和勞改營人士，但大戰後大多軍人被調去前線作戰，全數「羊隻」皆被屠宰充當軍糧，至於勞改營的人士，要不是餓死就渴死。

新的犯人進來，而且是一名間諜罪犯，看來挑起了刑部軍人的強烈興趣，巴不得將他搞得半死。

本應嚴肅的幾名刑部軍人，嬉皮笑臉地站在M的面前。

「就好似第一次咁，做個簡單實驗。」

「一場關於進化嘅實驗，嘿嘿嘿嘿……」

「你將會徹底失去理性……」

「變成最恐怖嘅怪物！然後同另一隻怪物對決！留低嘅將會係真正嘅神！真正有資格統治我哋嘅上級者嘿嘿嘿……」

「嘿喲！有冇估到我會喺到出現……」

然而，韓亥驀然地出現，讓這伙看來有點怪異的軍人，暫時放下所謂實驗的念頭，突然變回一臉肅穆的樣子。

不發一言的M都終於緩緩抬頭，好像想對韓亥說什麼。

兩人沉默良久，韓亥掏出了對方所送贈的左輪手槍，指住M的天靈蓋：「佢哋講嘅係真……你、你真係間諜？」

M吟出一句：「嗯……」

「恨鐵不成鋼！」憤怒的韓亥用槍柄敲擊他的額頭，然後用另一隻手捏住其喉嚨：「講我聽！點解係你……你點解要咁做……」

「……」M口中含血於嘴角流出，卻沒吐出一隻字。

「我幾乎將個女交俾你，我叫過你喺戰場睇住佢！仲有其他上將佢哋都係我出生入死多年嘅戰友同兄弟，我同過佢哋捱餓、同過佢哋辛苦咁開田、同過佢哋訓練軍人、同佢哋一齊捱過好幾個寒冬、同佢哋建立軍隊，所有所有……」怒氣衝天的韓亥五指力度漸漸加大，使得脖子留下深深的指痕：「你奪去咗我所有嘢！你……」

「呃……噫……」

「遺言！」韓亥轉舉米亞蘭左輪手槍，抵住M的頭部：「我最錯就係將寄望放喺你身上，仲諗住你可以令我個女有個幸福嘅將來，係我太天真，呢家俾你講埋最後嘅遺言……係我最後嘅仁慈。」

「啊……」M喘了好一會氣，舌頭舔舔乾裂結痂的嘴唇，一副若得若失的惆悵：「差啲我就得到佢，可以望住……真正幸福……無顧慮嘅佢……」

韓亥不眨一眼：「……」

「我啊……」失敗的M彷彿極不甘心，情緒霎時變得激動：「差少少就……得到想要嘅嘢……」

跟韓家在將軍澳生活，末世下平淡渡過每一天，養幾一頭豬、幾隻雞，閒時釣魚採集野菜，夜裡聽美妙的琴聲，似乎是永遠不會發生了。

即使會換來肺部陣陣劇痛，他都想將這一口怨氣吐出。

其後，他垂下頭來等候自己的命運。

可是韓亥居然下了手，他為了迫使自己開槍，指頭都急得顫抖了，最後整隻手掌都握不穩槍，意外開出一槍是射向天花。

「呯！」

槍聲一響，刑部軍人馬上進來：「上將！」被軍人扶正的韓亥，不想再見到眼前的叛徒一眼，用力推門離開去。