拍拖成日激嬲另一半，唉，點解我咁蠢

認真 你而家做咩都會錯 你冇左自信 你好怕俾人嬲佢唔開心 就會愈驚愈縮 縮到入老母子宮 只會做每一樣野都做唔好 俾負面情緒影響你真實既處事能力

首先 你由做啲簡單野開始建立返自信 唔好笑自己on9 例如去餐廳食野 叫野食開始 試下叫下啲複雜少少 叫下啲走甜少冰啲濕碎野先 再睇下人地有冇漏 慢慢黎 放鬆啲 平時做野寫下筆記 寫低容易出錯既位先

簡單一句
根本唔夾
講咩都假

睇字都覺得樓主性格好煩 又叫人屌柒你又話麻煩到大家唔嗲唔吊咁樣 好心你就自信啲咪咁廢啦 做錯咪做錯囉人人都會架啦 又要講埋啲咩怕害咗人放開人咁你慳啲啦 人地都未嫌棄你你就嫌棄自己呢個先係最大問題 一啲自信都冇成條廢柴咁 見到你呢啲仔就唔開胃

多謝巴打，我會認真留意下，由簡單既野開始做，有啲咩重大既錯就寫筆記，重新建立番自信心。

我做錯既唔係小事，最大既Concern係將來條路，總會遇到好多問題要解決，例如計劃去結婚、生仔、移民，呢啲野做得唔好搞到佢事事唔放心，佢覺得好冇安全感。

我每次見到佢比我激嬲果陣，我都覺得好唔忍心

多甩漏係準備同記憶力問題
建議做野多用CHECKLIST

對你拍拖同做野都有幫助

相信佢揀得同你繼續行落去都大概知道你咩料
亦相信其實有啲嘢係你先比到佢
例如安全感，被照顧，其他嘢之類
應該你自己最清楚
能夠理解自己弱點係好事
但如果呢個弱點係改唔到既
建議你接受自己既弱點然後心情要move on
如果自己不停鑽牛角尖其實會影響埋伴侶既情緒
慢慢裂痕會越嚟越多
反而有啲嘢你明知做唔好既，不如做完後直接同佢講麻煩要佢double check
你需要既係自信，但唔係自信自己做得好，而係自信你地既關係唔會因為呢個缺點而影響到

同你情況差唔多，差在唔係因為粗心大意激嬲佢
今日突然之間話想冷靜下
比啲時間大家去諗下
不過其實已經估到9成冷靜完個答案係咩
如果唔係決定左我估佢都唔會咁講
只係想比段時間 等我唔好咁傷

我覺得你拍拖拍到太卑微了，完全比條女恰到上心口

老實講人就梗係會有唔同，有啲人係天生粗心啲諗野無嚴謹周詳，正常架喎，又唔使去到鬧自己既死蠢既

知自己計劃唔叻咪早啲plan定，揾紙寫低，實有方法改善，佢見到你逕做下野都唔會咁嬲喇

之不過你女朋友拍左咁多年都仲想迫你改到同佢一樣，代表佢都仲係接受唔到你既本性，其實係對你好有保留，你自己覺得雙方好愛，其實現實未必係咁

多謝巴打既建議！我會努力諗下呢段關係點樣拿捏番個平衡點，其實我上面靜係我做錯事既野，搞到你覺得我拍到好卑微姐，其實現實中，佢好就我，大錯佢先會鬧我同埋發脾氣，其實小錯佢好包容我好就我，我亦冇話好自卑，覺得自己係毒撚冇出色，我都會好努力工作晉升同埋進修，自我填值。

我會先開個檔案筆記，寫低自己做錯既漏甩，而且搵啲簡單既野開始PLAN起。

有咩諗到想講都可以係度講！過去左發生左，就由時間慢慢沖淡一切吧巴打！

好！我會嘗試接受自己既弱點，亦都坦誠向佢吐露心聲，佢前幾日聽完之後都話其實可以互補不足，依家心平氣和諗番，面對面傾計，發覺其實都唔係好難接受，有啲野我做唔到咪佢幫下手做，有啲野反而佢做唔到咪我幫佢手做，依家關係好左好多了！多謝巴打。

我會開個EXCEL每次有錯漏就做RECORD，多謝建議！

太好了
坦承溝通係大部份既關係裡面真係好重要既一環
人有時就係會唔小心鑽牛角尖
裂縫每日加深
見到你地關係改善
都替你高興
巴打加油