同女朋友拍左幾年拖,自己本身係比較老實、憨直、蠢同大意果啲,佢就比較聰明同埋謹慎小心果啲,唔係好識Sense佢幾時嬲左、嬲完以為佢冇事冇氹佢、成日做啲認真野上黎啲Planning成日做錯野,搞到佢成日嬲,但我知佢完全冇做錯,係我on9成日做錯野。
佢已經好體貼,唔洗我估佢嬲啲咩,話我知佢嬲咩,提埋我去氹佢,但我有時就係一開頭唔明佢嬲咩,明明係自己做錯,到最後先知道原來有問題既係自己。
我好想改好自己,但粗心大意呢啲好似天性咁,改左成年都係改唔到,結果每次都係重複犯錯,我應該點算好,有冇巴絲可以比下意見我,有時拍拖拍到覺得自己個人好灰心、好無力,我地係咪唔夾?應該點樣做好?我係咪應該放生佢,等佢唔好咁辛苦,大家都辛苦,放過一個好女仔?
我地仲係互相好愛對方,佢都知我好錫佢,但就係因為呢一方面而經常有磨擦,我好想搵人傾訴,生活上、工作上、家庭上都勁大壓力,令我喘不過氣,再咁落去我真係人都癲。有冇人可以幫下我......