拍拖成日激嬲另一半，唉，點解我咁蠢

同女朋友拍左幾年拖，自己本身係比較老實、憨直、蠢同大意果啲，佢就比較聰明同埋謹慎小心果啲，唔係好識Sense佢幾時嬲左、嬲完以為佢冇事冇氹佢、成日做啲認真野上黎啲Planning成日做錯野，搞到佢成日嬲，但我知佢完全冇做錯，係我on9成日做錯野。

佢已經好體貼，唔洗我估佢嬲啲咩，話我知佢嬲咩，提埋我去氹佢，但我有時就係一開頭唔明佢嬲咩，明明係自己做錯，到最後先知道原來有問題既係自己。

我好想改好自己，但粗心大意呢啲好似天性咁，改左成年都係改唔到，結果每次都係重複犯錯，我應該點算好，有冇巴絲可以比下意見我，有時拍拖拍到覺得自己個人好灰心、好無力，我地係咪唔夾？應該點樣做好？我係咪應該放生佢，等佢唔好咁辛苦，大家都辛苦，放過一個好女仔？

我地仲係互相好愛對方，佢都知我好錫佢，但就係因為呢一方面而經常有磨擦，我好想搵人傾訴，生活上、工作上、家庭上都勁大壓力，令我喘不過氣，再咁落去我真係人都癲。有冇人可以幫下我......

原來如此 多謝分享

分

有心實改到

聽落的確有 d難搞...
但你公司幾點放lunch?

想各位係度屌醒下我，大大力屌就得，唔好意思，煩到大家。

關放LUNCH咩事?

聽落個關係都幾唔健康
一個就attention seeking享受要人寵個種焦點嘅特權
一個就唔上心但又說服自己好愛

其實work嘅段感情唔洗搞咁多嘢啦
唔好成日睇埋啲咩感情應該點點點
拍拖就係會嘈交當情趣個啲
男嘅買呢樣個樣要遷就
女嘅就攤係到被呵護縱容咁

有心維繫同建設自然會想對方好
都會想到辦法係真係對大家好
而唔係約定俗成咁要做啲咩去界定好唔好

鋼鐵直男好難變情聖，但我相信只要2個人肯相就堅持，絕對可以解決問題，放棄就被認定為愛得不夠，唔好放棄呀

其實佢唔係要人寵，亦唔係Attention seeking，只係我成日太蠢做錯事，佢已經好忍耐我，但都係比我激到札札跳。我有心想去改，但無從入手.......又唔係話寵佢寵到好似港女咁，只係平時都會好遷就佢，畢竟佢係我女朋友；但其實佢都好就我，只係一犯呢啲蠢既錯，就會令佢好攰好忟，因為次次都係咁，而且講極都唔明。

可唔可以具體講係做錯啲咩

我都諗緊點解我咁唔上心，係因為拍左幾年拖，冇左熱戀期果種感覺，冇咁愛佢？定係因為自己本性一直都係咁，咁自私，表面上會關心，但實際上好多時唔Care佢個心諗咩，我都唔知道，拍拖耐左，好似都唔知自己想要啲咩。

似智力問題，冇得搞
搵過個夾到嘅，大家都開心，放過人地同時放過自己

不如你具體啲講下係做錯咩事先？

退一步黎講，憤怒係可以選擇嘅情緒，係佢係個刻決定要用嬲去令你做某啲動作，達到佢嘅目的，根本唔存在咩你過分所以佢激氣

講極唔明係你唔想明，定佢表達唔好？
講唔明就用其他方法㗎啦，做同樣嘅動作期望唔同結果，咁其實佢都知唔會改到，咁又去返佢都係想搵機會等你氹姐

其實你自己解答左啦，你係自以為好愛所以要點點點，實際上內心唔係咁嘅感覺，只係一齊好耐，習慣/說服左自己大家要一齊，你有一個角色要去fulfill而已

你依家冇方向，咁到再耐啲會諗結婚生仔個啲點？繼續因為一齊耐好似咁做都合理就去做？如果你foresee唔到/覺得唔想，咁依家就唔好再拖大家啦

同問
如果只係執著啲濕碎嘢就由佢嬲啦

你要具體講你錯啲咩事，有幾個實例，咁先分析到嗰wo…

感建分

我唔識分呢種感覺係已經冇Feel，定係其實每對情侶拍拖拍耐左，過左熱戀期後，都會有咁既感覺。定係我個人本身就對身邊好多野、或者自己既野都唔太上心，係自己本性問題

我會想同佢結婚生仔組織家庭，大方向係有的，我都覺得佢係一個好既賢妻良母。

都唔算細錯，成日做on9野，好多認真既事情有甩漏，例如依家隔離訂機票出境，差啲帶漏文件，搞到上唔到機，好在佢好細心，會幫我睇番一次過有冇做漏，成日幫我執手尾。好多人反而係佢Carry番我，搞到我作為男人好似好冇用咁，但我都唔想。

我同你個case 都好似，我三個星期前散左，佢主動提出，主要係我愛佢既方式唔係佢想要，佢就會感受唔到妳既愛，有時唔關細唔細心事，試下搵佢既love language ，然後針對性咁做多d

咁咪啱曬囉
一凹一凸呀
佢都同你一齊咁耐點會唔知你咩料
既然同得你一齊就點都要有返少少包容啦
即係到咗呢啲位佢可以主動做多啲 提埋你
你都講到你改得咁攰
咁佢又有冇付出過 去配合返你？

另外既然只係一啲個人習慣嘅嘢
咁又何必搞到咁大件事下下咩都要改嚟迎合對方？

佢主要既Concern係，呢啲認真既事應該係由男仔去做，佢想安安心心做一個可以小鳥依人、女主內既角色，冇咩特別都唔會想用腦去處理呢啲難題，但如果將來結婚生仔或者其他既計劃，佢驚我好多細節位會粗心大意，應付唔黎，佢會好冇安全感，因為好似好多野都信我唔過，要自己親力親為。

可唔可以講多啲？想了解下，點為之Love language？你地既「愛既方式」具體行為或事情係指？