太天真
大國之間一定傾唔掂利益分配
有時軍閥嘅存在反而有利聯合國五強嘅利益
例如 越戰嘅時候美國扶助朗諾將軍係柬埔寨發動政變,俄羅斯依家幫緊敘利亞嘅巴沙爾,仲有中國視北韓政權為美國影響力嘅緩衝國
以上例子只係冰山一角
至於非洲,真係有好多混戰係冇中美俄利益,純粹佢哋自己內戰
不過唔少戰亂係鄰國插手打代理人戰爭,地區大國會支持親自己嘅派系,而中美俄一樣可以從中賣軍火發揮影響力
其次維和任務唔係咁容易
不對稱戰一樣可以搞到你死過千人,到時節損咁多人命同錢,邊國國家肯埋單?國際政治係講利益,唔係做善事,無利可圖仲要賠錢嘅蝕本生意冇人肯做
你有冇睇過黑鷹15小時,美國係索馬里捉個軍閥都死咁多人,事後美國撤出索馬里,仲有阿富汗戰爭美國維和左廿年都失敗就知道就算世界軍事第一嘅美國投入巨額資金,維和都未必一定成功