GK/雕像討論區（4）

有咩可以穩過現貨成件比你面交買走 我真係諗唔到

有ge, 爛件無得賠。 咁多件又難check 又大件

全新仲比你check d咩 肯比你check個個腦一定有問題
爛件咪自已搵返p1s售後 只係食返運費

唔會冇得賠
你岩岩到貨 一定係叫賣家聯繫返客服搞售後
全新點會比你開盒check
你check完拍下patpat走左去
佢盒野就由全新變左拆檢
加上玩開都知就算買二手要check
都係簡單望下齊唔齊件
有冇大爛 唔會驗屍咁驗
組裝過一定有痕跡 唔太影響display就算
全新就一定唔會比你拆開左驗右驗

個賣家通理你咪係囉
錢都收左， 仲陪你搞呢樣果樣咩。

So far 我拆過 過百隻gk
一開有損保守啲講十隻內，實際好似五隻都冇
當然而家多左咁多濕尻工作室
qc可能有啲好差

其次唔知你本人係咁定遇過呢啲賣家
我全新賣比人有損都係即刻幫佢搵代理搞
我全新買返黎個燈有問題，
個賣家幫我搵代理搞左個幾兩個月，係咁幫我追

想要全新又唔自己訂就自己承擔風險架啦
如果真係咁驚咪買二手囉
當玩景品 wcf個啲驗屍咁驗完先買

我講買全新有咩風險同麻煩姐，你就講到全世界都係好人。 買全新無咩風險咁，仲順手踩下我

依家人地聽你講奶左野你賠比人咩，定係你有貨賣比人呀。

上網買野買左咁耐，咩幾多人私保，誠信買家不嬲都係聽下就算。 遇到係好彩，遇唔到係好正常

你個世界咁黑暗都幾難同你攞到共識。
我都係講緊我個世界「正常」嘅賣家、我自己同我遇到嘅賣家。

我亦都話咁驚啲賣家唔負責任咪一早開訂自己訂。
自己唔訂/訂唔到，又要個賣家全新拆比你睇完驗完冇問題先比錢買？
賣家全部壞人，買家就全部好人？
上個post先有個facebook賣家車埋盒野全新比人，
最後條友拆完嫌三嫌四話唔買，咁邊個賠返比賣家？

加上訂嘅時候一萬，現貨跌到八千，又邊個賠返二千比個賣家？
呢個就係衝動訂完/一心想炒嘅賣家風險。

就算我有貨賣，我都係「唔正常」嘅賣家，有咩事實搵代理/官網客服搞售後。
加上我不嬲都支持p1s買現貨，因為多數都跌價。

就算個賣家真係唔幫你搞售後，斷件咪自己痴下，搞唔掂咪搵手藝人，都係一千幾百。
玩得p1s或者版權雕都唔差個少少。
呢個就係自己唔訂，買全新現貨要負嘅風險。

真係驚成咁，唯有買二手，
叫個賣家影哂相再回盒，交收再check件。


最好笑係呢到討論區，人問我答，人地咁大個人有思考能力同判斷能力，咩叫一係我賠，一係我想賣。

所有野都有風險 風險承擔就係成本 買賣定價條件又係雙方同意 每個人標準唔同
搵香港代理比淘寶貴 但有咩搵佢地搞 好過你同佢客服傾 有咩損件佢代你寄番去整 個差客自己衡量值唔值
搵個人買家收全新 風險係損件無得售後值唔值自己諗 你可以壓低價買盲盒博下
拆儉都可以查有無大損 都係個句 自己評估值唔值
工作室都走得佬 有咩係100%確認安全 運損自負傾好無數講

點樣可以搵到D工作室？係咪大部分都係QQ同wechat群

QQ 好少人用wechat 但好少人直接咁問工作室拿貨 佢地多數經代理