「喂唔係喎, 你隻嘢同張圖都係有啲出入喎」
例如機頭下低入氣口比較似下面, 機尾個底又多咗塊鰭咁嘅嘢
冇錯喇, 因為佢張圖呢係舊資料中嘅試作一號機嚟嘅
根據新少少嘅考證資料, 尾翼前面係有喱塊咁嘅嘢, 同埋升降舵有一對平衡尾錘
另外就係試作一號機同二號機入氣口嘅設計有少少唔同, 一號機係向內凹
下面喱張相都有影到二號機已經好接近圓形管道
而都係因為喱張相強烈嘅黑白對比令我相信當時嘅二號機主色較淺
所以特登用色比封面插圖更加白
再次睇返同舊作二一型嘅對比圖
其實都冇想像中退步太多
砌一一型嗰陣會盡量搵藉口加返啲味精上去令隻嘢睇起上嚟有"Feel"啲
就係咁啦, 如無意外下次係繼續整埋隻劇象君先
