FineMolds 1/72 A6M1 十二試艦上戦闘機二号機(零戦試作機)
當初呢因為砌過FineMolds嘅烈風搞到對FineMolds嘅飛機有陰影
Check返先知原來喱副模係當年幫雜誌出嘅究極零戰系列翻新作品
仲要係稀有到仆街嘅1/72 試作機同極早期機型, 當初見到已經肯定狗衝
但唔知點解整下整下啲光武系列, 搞到完全唔記得咗回事而家先買返嚟砌
細心望下呢就會發現到FineMolds真係冇求其架今次, 真係有做返啲外型細節差距出嚟
隨手影下啲參考書講下啦, 首先第一樣嘢就係試作機嘅機身係短過量產型嘅
機鼻、螺旋槳數量、機頭下方入氣口、死氣喉、垂直尾翼、升降舵位置等等都同早期量產機有些少唔同