[短故] 我在交友App上遇到的十個人 (2)

所以男人永遠唔會明白女人
女人都唔會明白女人。
呢個係一場甜蜜嘅戰爭。

我和平咗幾十年嘞

其實我覺得不論性別，人本身就係好麻煩嘅動物，開始明白啲人點解選擇SL/SP., 都不要另一半。

愈敏感細緻嘅人，愈容易對人失望。我都算敏感嘅人⋯

個人經驗 其實淡左無激情，任何理由都可以係分手原因。

一口氣追到live
正評樓豬

皓璇臭閪

你罵皓璇即係鬧緊樓豬

隨便鬧 放心我無出軌

live咗呢篇好正 就算無經歷過都feel到雙方有幾痛
更何況係有經歷過 有共鳴嘅人
加油呀樓豬

食咩藥

多謝支持今日扮工打左陣文
聽日會出埋結局！

打個氣
有聖誕sticker真係好有氣氛
睇返佢哋聖誕節一齊

愛你樓豬豬

等樓主

諗起周國賢既我們都不是無辜的

輕輕一推

push

我愛樓主

留返最尾幾個post俾樓豬出結局

（十三－上）

強烈呼籲大家聽住呢首歌睇結局
係讀者推介嘅，果然好正

https://youtu.be/rKwazRQLwo0

冬日裡和煦的陽光灑落在墾丁大街上，海島的最南端並不很冷，阿豪和皓璇牽著手漫步在行人道上，他們特意提早在聖誕新年長假期前來到這旅遊勝地避開人潮，機票也便宜點。

雖然他們都去過台灣很多遍了，但這是二人的第一次旅行，用彼此的眼睛去看世界所有事物都是新鮮的。

他們漫無目的地在街上走，被响午的太陽刺得眼睛發疼，便走到一家刨冰店吃剉冰，店面很小、很窄，是前舖後居那種，一個老奶奶從店裡出來招呼他們，見是香港來的遊客，很是熱情。

老奶奶挺直著腰，笑眯眯地張羅著冰品，突然，一個四、五歲的小男生跌跌撞撞地從後門跑出來，差點碰到老奶奶，受了一番嘀咕又一溜煙地跑去外面玩去了。

皓璇笑意盈盈，看著那小子遠去，又低頭挖冰吃。阿豪問她笑甚麼，她説那小孩很可愛，活蹦亂跳的教人感覺也年輕了起來。

「乜你而家好老咩。」阿豪沒好氣。
「開始老架喇，grad咗之後啲時間過得勁快。」皓璇佯裝打了個寒顫。
「我都未話自己老啦，你咁快認。」阿豪笑她太誇張了。
「咩啊，女人易老好多架，十年後我已經係個黃臉婆，你仲係鑽石王老五啊。」皓璇更誇張地掩著臉。
「我點會係鑽石王老五啊，你知唔知點解架？」阿豪饒有趣味地看著她。
「吓，即係話你啲男人就算三十幾歲都仲有potential啊。」
「哈哈哈…王老五即係未結婚啊低B。」
「嗯？」皓璇還沒反應過來，阿豪已經搶著說，「你覺得我十年後會未結婚咩？」
「我…我點知你啊！」皓璇臉頰霎地一紅，結結巴巴地說。
「關你事架喎，點會唔知啊？」阿豪還在調侃她。
「關我咩事喎！」皓璇害羞地別過臉。
「唔知呢。」阿豪攪拌著碗裡的紅豆泥，又似是不經意地說，「係呢，你有無諗過遲啲如果，我係話如果，會想生幾多BB？」
「唔⋯⋯兩個啦，一仔一女都幾好。」皓璇若有所思。
「如果個仔好似啱啱個細路咁得意都幾好呀可？」阿豪又說。
「嗯，如果係女嘅話我就可以幫佢扮靚，一定要買好多靚衫。」
「咁你幫埋我個仔買衫得唔得呀？」
「點解？」
「因為個仔你都有份囉。」
「都唔知你講乜。」
「行啦，傻婆。」

結了帳，阿豪擁著皓璇的肩回到大街上，抬起頭望如此湛藍的天色，想著在餘下的日子都希望與身邊那人分享，該有多好。

旅程完結，阿豪和皓璇坐在飛機上看著自己與地平線的距離漸遠，透過有點水漬的窗，依稀看到雲層的形狀。

此時，皓璇正閉目入神，阿豪捉著她的手，十指緊扣，並讓她靠著他的肩。阿豪撥弄著皓璇細軟的髮，在她耳畔說，「返到香港，我地搵屋一齊住好唔好？」

十三（下）

電視機沒開著，螢幕反射出兩個人的身影，皓璇大口喝著啤酒，雙眼通紅。

「點解我地會變成咁⋯⋯究竟我做錯咗啲咩⋯⋯」皓璇喃喃自語。

Jason輕輕把手放在皓璇肩上，作安撫狀。

「佢就咁就走咗去？無講其他嘢？」Jason問。
「乜都無呀，乜都無講就掉低我，佢之前唔會㗎。」皓璇哽咽。
「唔⋯⋯你有無諗過，佢會唔會有可能有第二個？」Jason試探地問。
「無可能，我地日日對住，放假佢又成日喺屋企，佢邊有時間識第二個？」皓璇反問他，還有自己。
「或者，係你自以為好了解佢呢？」Jason小聲地說。
「我真係唔知可以點⋯⋯」皓璇又抱著頭。
「好啦，唔好再飲咁多喇。」Jason想搶過她手中的啤酒罐。

皓璇攤軟無力地靠在Jason的懷裡，他輕掃她的背，試圖讓她平靜一點。皓璇嗅到Jason身上那股熟悉的氣味，腦海不小心將他和阿豪連結起來，便將他擁得更緊。

「乖啦乖啦，唔好諗住啦。」Jason憐惜地說。
「其實係咪我唔好，佢先會走⋯⋯」皓璇又突然悲從中來。
「點會呢，你又靚，又就得人。」Jason拉開二人的距離，看進她的眼裡，「又識煮飯，又唔港女。」

看見皓璇淚眼婆娑地看著自己，Jason心中的一顫，不禁伸手拭掉她臉上通透的淚珠，見她沒反抗，指尖也不經意地劃過她的唇。

Jason把臉湊了上去，用嘴唇接住了皓璇臉上的苦澀，感到她身子一僵，卻也沒抗拒，便捧著她的臉，頷首將二人的唇貼在一起。

皓璇微顫，他便輕撫著她的髮，像阿豪從前一樣。

他把舌尖探進，碰到皓璇的齒輕啓，他的動作很慢很慢，像給機會她反悔。她卻沒有，只是緊抓著他的衣袖。

然後，他把身軀壓下，細碎又凌亂地吻著皓璇的頸項，她仍然是緊閉雙眼沒有反抗，又突然感到臉上沾上濡濕，是她的淚。

「Sorry⋯⋯我⋯⋯」Jason感到抱歉。

皓璇只是默默讓眼淚如注，沒有去擦拭，胸口因為哭泣而起伏。

良久，她吐出一句，「我啱啱，居然有啲開心，或者，我地大家係咪都無想像中咁愛大家。」


隔了幾天，皓璇回到和阿豪的家，正好看見他在收拾東西。

阿豪聽到開門聲，轉身打了聲招呼，「Hi。」沒有溫度。

皓璇強忍著淚，坐到沙發中間默不作聲，經過桌上瞥見了那枚訂婚戒。

「你去邊？」皓璇開口。

阿豪停下手中的動作，走到睡房拿了個行李箱出來。

「我地分手啦。」
「⋯⋯」
「我覺得好攰，我以為好多嘢可以work，原來唔係。」
「你以為work，以為咗咁多年？」
「我一直覺得好多問題可以遷就，夠愛就可以，但其實唔得。」
「點樣唔得法？」
「我做唔到，覺得好辛苦，當初一齊都係為開心啫，係咪？」

皓璇沒答話，這幾天裡她游走在二人愛情的彌留之際，回憶像走馬燈般逐格重現，她努力地在其中翻找出錯的一幕，卻不得要領。她發現，這些一點一滴改變的事實，微小讓人毫不察覺，不知不覺間像交叉路口般，回憶總是美好的，現實卻漸行漸遠，想回頭卻怎麼也找不到方向。

也許那天誰也在等對方先開口，將心中所有不滿盡吐，又也許那次誰能放下面子，先給對方一個緊緊的擁抱，和一句對不起，結局也應該不同吧。

現實是不愛了卻沒有因由，或者不夠愛已經是答案。而花了整個青春一起建構的歷史，像籃球場上瞬間即逝的鎂光燈，也只是閃過的過去。他們一起走了好久，卻總是原地踏步，始終沒有走到對方的內心。

那天後，皓璇已經很久沒有見過阿豪，最近一次是二人討論賣樓的事宜，雖是單位是皓璇的名字，但阿豪負責首期和大部份支出，在情在理也應該他佔一大筆。

分手後要處理的事，就數這最麻煩，其次是和別人交代。某大學同學突然發現他們將對方合照都刪去，驚訝地問皓璇「唔係求咗婚嘅咩？」

草草回應過後，皓璇身心疲累地攤坐在沙發上，拿起電話，按進了Tinder，自Jason之後，也再沒有玩交友App了。

她的指尖飛快向左、向右滑動，稍為順眼一點的一律Like了，當打發時間也好。突然，她停下了動作。

因為，她看見一張由自己拍的照片。

7. Bride (to be) 全文完。

好多謝大家睇到呢到
居然第二個post都準備爆，樓豬真是很很很感動
因為一直好驚爆post po唔切結局，所以無乜覆留言，但每個我都有睇！多謝大家支持

呢個故現實+回憶咁寫，
最初嘅構思係，回憶好美好，由兩個人慢慢由曖昧、拍拖，到互相都想同大家過埋餘生，
但現實就係由想結婚開始，兩個越行越遠，直到分開
好似一個交叉咁，本身兩個個體越行越近，點知去到交叉點就要分開，永無交集，而且唔會逆轉到。

呢個故有好多自己嘅心路歷程同回憶，所以真係寫得好emo嗚嗚嗚
希望大家鍾意呢個故啦

最後一件事
不經不覺連載咗3個月，大家都應該好明顯察覺到，
由最初幾個故嘅日更（盡量），變到最近嘅一週2、3更
首先好多謝無乜讀者屌文
你地真係好warm
坦白講有時係有壓力嘅，明明無乜靈感都要夾硬坐到電腦面前，絞盡腦汁寫出黎，
而我好唔想為咗交貨而寫野，所以會幾日先出一次，都feel到唔夠喉同有啲無癮嘅
所以呢個故之後樓豬會停更一排
想喺呢段時間吸收多啲嘢（日月精華，天地靈氣）
到自己有足夠嘅力量同能量
就會再寫埋落去
放心一定有拖無欠
I WILL BE BACK

真心多謝留言同正皮的你們
樓豬愛你 聖誕快樂

另外都可以follow埋我ig, 喺未出文嘅期間我會寫下啲短文，鳩up下咁

https://instagram.com/yipna_/

後會有期！好快再見！

瞓唔著 追到結局
不過真係好sad
有時感情就係咁…

多謝樓豬

呢篇真係睇到哭撚左
或許真係太多事都係不可逆轉，當初如果好好解決左可能只係一件好小既事
樓豬呢3個月辛苦啦 睇到你呢篇寫得好辛苦
預祝定你聖誕節 同新年快樂
呢段好好休息 期待你之後既新文 同埋IG 鳩up下
樓豬！一直愛你！

有啲嘢一直收埋喺心入面
積積埋埋就會爆