[短故] 我在交友App上遇到的十個人 (2)

推推

新po記得加更

我愛樓豬

我估應該仲有兩篇就會完個故
睇得出樓豬放左唔少個人情感係入面
樓豬之後都要開開心心啊！
仲有恭喜樓豬IG 突破500大關
樓豬 愛你

有留意IG！！好感動嗚嗚
多謝你支持呀 我會努力的
希望呢個post可以寫得完唔洗開新post先
今晚會加速 希望聽晚可以出到

樓豬都中意情趣男
我仲木獨過阿豪，無行了

咪學我

平常拍拖活動更不用說了，不是留在家睡覺就是看電影，很多時候甚至是皓璇早早安排好假日約會，也因為阿豪總是睡到日上三竿而作罷，皓璇知道他上班辛苦，總是笑笑說不要緊

我男朋友都係咁 我都分唔到究竟係冇情趣定係對我冇興趣

其實唔洗諗咁多，好多時都只係懶

一齊耐咗就好易變懶
因為覺得所有嘢都理所當然

聽講樓豬會開心啲

你自己搵啲興趣或者見吓朋友
你忙嘅時候佢就會諗起你

點解會LIVE返

我想講其實Jason 都只不過係因為相處得未夠耐所以未見到佢嘅缺點啫
所有情侶相處耐咗就會有問題㗎啦
不過真係睇吓會唔會拎出來講嘅啫

其實睇到佢點樣處理阿豪同佢鬧交根本就係委屈緊自己
為咗顧全大局唔想再鬧落去先至收聲嗰種

（十一）

轉眼間來到皓璇大學畢業的日子，校園內都是滿滿的人潮，文學院教學樓外，皓璇穿著畢業袍、拿著花束，被家人和朋友擁簇著。

阿豪從公司請了假，拿著皓璇最喜歡的畢業版三眼仔出現在她面前，他穿了她最喜歡的襯衣，瞬間好像和當初清澀純粹的影子重疊，又重新在皓璇的腦海刻得更深。

「畢業快樂。」阿豪緊緊擁著皓璇。
「多謝，但雙失青年要開始搵工喇。」皓璇佯作苦惱地噘嘴。
「搵唔到工，我養你囉。」阿豪漫不經心地說。
「係咪㗎？」皓璇嘴角上揚著。
「都得嘅，但係你都要認真搵工㗎。」阿豪認真地說。
「講笑啫，我點會叫你養晒我。」皓璇的笑容凝結了半刻，又勉強擠出一個微笑。

心底裡，皓璇怎捨得阿豪太辛苦只為養起她，只是她以為阿豪像超級英雄般說會無條件地在她身後，原來是有保留的。是我要求太高了嗎？就不能說說夢幻的謊話嗎？她心想。

由學生身份轉眼變成社會新鮮人，皓璇很不適應，下班後跟阿豪嚷著要去大吃一頓，向來省吃儉用的阿豪終於答應和她去城中一家有名的西餐廳吃海鮮。

也許是當晚的生蠔不太新鮮，皓璇在等回程巴士時已經有點不適，上車後更冷汗直冒、臉色刷白，阿豪見狀便擔心地說不如先下車解決，她卻硬是要回家才行。直到皓璇真的露出痛苦的表情，幾乎蜷縮著身子，阿豪二話不說便拉著她的手下了車，帶她到附近的商場洗手間。

屋邨商場的人流稀少，店舖都幾乎打了烊，好不容易找到公廁，卻是上鎖的。阿豪著皓璇留在原地等他，自己則跑著尋找洗手間鎖匙。

「有鎖匙喇，快啲去啦。」阿豪也冒著汗，跑著過來。
「我驚公廁污糟⋯⋯」皓璇有點潔癖，不喜歡去公共廁所。
「無得你驚㗎喇，我幫你拎住個袋先啦。」阿豪替她開了門，著她放心去。

幾乎在同一秒，皓璇掩著嘴，胃內像一陣翻江倒海，嗷的一聲吐了出來。她下意識伸手接著嘔吐物，又懊惱地嫌弄髒了雙手。

只見阿豪不理醒目的女廁標誌，打開門讓皓璇吐在洗手盆內。

過了一陣子，皓璇終於舒緩了不少，她揉著肚子正打算清理一下，卻赫然發現阿豪的衣角和鞋子也沾上了穢物，她心急地想幫阿豪抹走髒污，他卻只顧輕掃她的肩，「仲有無唔舒服？」感受到皓璇的目光，他又說，「做咩咁望住我？」

「你件衫都污糟咗⋯⋯」皓璇不好意思。
「傻嘅，梗係你緊要啲啦，少少污糟無事。」阿豪的目光仍放在皓璇身上，像是怕她出甚麼事似的。
「我好好多喇。」皓璇將紙巾遞向阿豪。
「你無事就好，我送你返去先啦。」

他們截了輛的士，皓璇知道他平時一定不捨得搭的士，喜歡乾淨的他連衣服沾上嘔吐物也不介意，這都是為了自己。

甜蜜的話誰都會講，但在最狼狽的時候不顧一切地保護自己的阿豪，比說上一句「養你呀」更像英雄。

是他吧？下半生好像可以與他一起過了吧。皓璇第一次冒起要餘生的日子都可以依靠阿豪的想法。

今日係咁多先
聽日都會有文！！
預告一下大概仲有2-3篇完
不知不覺寫咗咁多個故入面最長嘅一篇
希望大家唔好覺得得悶啦
故事進入尾聲 好多讀者都睇到回憶係甜蜜 現實就冷淡
其實都仲有另一個意思嘅
唔知有無人睇得出呢
歡迎討論
聽日覆大家啲留言
順個便follow埋我IG啦

https://instagram.com/yipna_/

用口講嘅愛你個個都識講啦 女人就係鐘意聽

但唔講嘅原因係其實男人覺得做出嚟先至重要 唔係講完就算 我講愛你但表現唔到有咩用

推推

女人: 又講又做唔得嘅

也許是當晚的生蠔不太新鮮，皓璇在等回程巴士時已經有點不適，上車後更冷汗直冒、臉色刷白，阿豪見狀便擔心地說不如先下車解決，她卻硬是要回家才行。

食到嘔唔知係咪樓豬親身經歷呢？唔怪之得家陣BBQ 剩係燒腸，半點海鮮都冇！

PS 竟然有一個負評。可能佢覺得現實中應該上吐下瀉，少咗個爆屎嗰part!

故事進入尾聲 好多讀者都睇到回憶係甜蜜 現實就冷淡
其實都仲有另一個意思嘅
唔知有無人睇得出呢

仲有另一個意思！？會唔會係回憶同現實根本沒有分別，只係主角在唔同階段，把某些事情放大或縮細去睇，阿豪都冇變過。

PS - 好彩唔係考試，唔係就肥佬啦⋯⋯

其實皓璇無自以為咁愛，佢愛就會接受到呀豪嘅行為，佢就係唔愛，先見到晒呀豪唔好個面。

根本一開始就美化左呀豪，無面對過現實。去到結婚個步先發現，呀豪係好多問題，佢根本接受唔到。

愛一個人，唔係睇佢有幾好，而係睇自己接受到佢幾多缺點。事實係皓璇唔夠愛，或者無佢嘅愛已被年月磨蝕左，去到結婚個刻就唔愛。

現實中嘅版本係真係爆屎不過我廢事大家隔住個mon都聞到先改咗做嘔

人類應該好好珍惜所有
依家咩都太簡單得到
但愛情唔係fast fashion

樓豬嗰啲係香

睇得出樓豬呢篇好落心機，因為寫緊自己