[短故] 我在交友App上遇到的十個人 (2)

懷疑打手開始進場

經驗所知
action>>>>>>>>>>words

但係行動有時好難知係唔係愛，即使見到都會懷疑

呢D野雙向
其中一方感受唔到就一定係有D野, 特別係女人直覺好準

我一直都信 愛唔愛係好易感受到
淨係眼神同反應已經睇得出

都係
相處得點會唔知

可能慣咗就唔再表達

睇平安夜哩篇真係充滿回憶
戀愛時往往最令人心動

會懶，會理所當然

真
前幾年同一個有另一半嘅朋友好曖昧
而家講返真係有感覺
不過自己而家都有另一半

好嘅唔好嘅都要講嘅
兩個人最重要係有效嘅溝通

一定有，大家都睇唔上大家果陣

我愛樓主 有文未

今晚有

期待期待

表白就有文睇
日日向樓豬表白先

我愛樓豬

同妹絲表白會唔會都有文出

都係嗰句 無經歷係寫唔出㗎

（十）

清晨一覺醒來，皓璇下意識向身旁伸手卻只覺空蕩，睜開眼才發現身邊空無一人，睡夢中曾經緊貼的兩顆心好像只剩一半由高處墜落，撲了個空。她隨手拿起手機查看WhatsApp，可惡，阿豪還沒有找她。

反倒是交友App那個Jason提醒她今天的飯局。

皓璇沒精打采地爬起床，一照鏡子才驚覺自己的憔悴，哭過一晚，眼睛浮腫得像大雞蛋，面色更有如死灰般嚇人，為了不嚇怕父母，皓璇泡了個熱水澡才敢步出浴室的門。

「有無咩想食？」是Jason的訊息。
「無所謂啊，我唔係特別肚餓。」皓璇不是敷衍他，只是真的提不起勁。
「咁我搵餐廳啦，你出現得㗎喇。」還附上一個可愛的Sticker。

在皓璇的記憶中，阿豪鮮有為她提前準備大大小小的紀念日、節日，平常拍拖活動更不用說了，不是留在家睡覺就是看電影，很多時候甚至是皓璇早早安排好假日約會，也因為阿豪總是睡到日上三竿而作罷，皓璇知道他上班辛苦，總是笑笑說不要緊，她努力當阿豪心中最溫柔的故鄉，就像他最初愛上她那樣。

皓璇緊盯著電話螢幕，不明白為何一個素未謀面的男生也比阿豪懂得安排約會。慢著，她和Jason算是約會嗎？

衣櫃裡堆滿了東西，皓璇心煩意亂地翻找著外出的衣物，又在鏡前左右拼湊著看，總算是配好一套乾淨俐落的穿搭，她仔細地化著妝，卻有點心虛，要是太過隆重其事也太有目的性了吧，那Jason只不過是個訴苦對象啊。

讓皓璇不安的是，她居然為這天與Jason的飯局感到一點興奮。

Jason親自駕車來接皓璇，還挑了一處位於赤柱的露天餐廳，伴隨著今天的絲絲涼風，好像吹走了皓璇心中的一點陰霾。

「估唔到你個樣咁後生喎。」Jason紳士地為皓璇拉開椅子。
「即係話我矮啫。」皓璇沒好氣。
「唔係，話你童顏咋。」Jason挑眉，又說，「睇下想食啲咩？」
「Um⋯⋯」皓璇看得眼花撩亂，事實上，她今天也沒有甚麼心情大快朵頤。
「我上網見人推介白酒煮青口同安格斯牛都好食。」Jason像有備而來，一口氣說了好幾道菜。
「嘩，有做功課喎，咁你話事啦。」
「梗係啦，同靚女出嚟點可以失禮。」

一句聽似曖昧的話，在Jason一本正經的嘴裡說出來竟不覺油膩，皓璇更被他逗得不禁失笑。

「笑返咪好，你笑嗰陣好睇呀。」
「我有唔笑咩？」皓璇像被識破心事，掩著嘴道。
「無，不過成個苦瓜乾咁乸埋一舊囉。」Jason將五官擠成一團，做了個怪臉。
「痴線，我有無咁柒呀。」皓璇逐漸被Jason的無厘頭卸下了不快，笑逐顏開。

飲盡侍應端上來的第二杯香檳，皓璇有點不勝酒力，腦袋卻像突然沒有重量，暫時忘卻了與阿豪的爭執。

「去行吓？」Jason提議，皓璇點頭。

走在假日的赤柱大街，有人在行人道上遛狗，也有金髮碧眼的小孩在吹泡泡，意識有點迷醉的皓璇看著被吹散的泡沫，慢慢升高直至碰上太陽折射下來的彩芒，然後破裂，讓她恍了神。

看得入迷的皓璇也讓Jason看得定格。

「喂，你噴咩牌子香水㗎？」Jason禮貌的詢問，沒有任何多餘的動作。
「啊？Chanel⋯⋯」皓璇想起是阿豪送的——她也不知道該算是聖誕？情人節？還是生日禮物，他早在聖誕節便說著禮物後補，直至數月後皓璇生日才一併送上。

「男朋友送嘅？」Jason小心翼翼。

皓璇再度點頭。

他們一直沿著海岸線並肩走著，直至走到沙灘上，逆風而行使他們的鞋都滲了沙子，乾脆脫了鞋，光著腳走。

Jason偷瞄了皓璇的腳丫一眼，又別過臉去。

「做咩偷笑呀你？」皓璇捕捉到Jason稍瞬即逝的表情，追問著。
「無呀，唔小心見到你啲腳趾咁細粒，好似提子。」Jason忍俊不禁。
「搞錯呀偷睇。」皓璇不忿。
「咩偷睇，你無著襪我就睇到㗎啦。」
「唔俾你睇。」皓璇將腳趾埋進沙裡拖行著。
「痴線，咁都行到。」Jason不禁笑她的傻氣。

他們在樹蔭下坐了下來。

「你點解唔問我同男朋友啲嘢嘅？」皓璇開口。
「你想講就會講㗎啦，一陣我一講你無啦啦喊我咪死。」
「其實我而家都唔知佢想點，結婚啲嘢佢基本上無理過，我提出不滿好似變咗我錯咁，我只係想大家都為個婚禮付出下啫，咁都有錯咩？」皓璇如數家珍般羅列阿豪不在意婚禮大小事的事例。
「唔⋯⋯你有無諗過你想要點嘅關係？」Jason沒頭沒腦地拋出一句。
「咩意思？」
「你話你想佢為個Wedding付出，但你應該一早知佢係啲乜都無所謂嘅人？」Jason解釋。
「無所謂唔等於無主見」皓璇想了想，又接著說，「加上佢連Big Day都記錯，有心極有限啦？」
「咁佢平時對你好唔好先？」Jason又轉了問題的方向。
「好呀。」
「點好法？」

皓璇不語。

「你地行到去結婚呢一步，如無意外都要對埋下半世，如果喺呢啲問題唔互相妥協忍讓，好難行喎。」
「我有忍，我次次都有忍⋯⋯」

皓璇想起同居後的每次爭執，阿豪總愛搬出一堆大道理指出她的不是，她拉不下臉，他便會放軟態度，問她知不知錯，皓璇不願糾纏便點頭稱是，他就會輕撫她的髮誇她乖巧溫柔，二人和好如初。

其實皓璇只想阿豪放下是非對錯與道理，給她一個緊緊的擁抱。但，她是他的溫柔鄉，不能失職。

皓璇很委屈，眼淚傾巢而出，想起和阿豪一針一線地編織的過往，曾經的密不可分，就是不知哪一步失誤，像被誰無情地勾走一根絲，現在已經不像樣了。

髮線傳來熟悉的觸感，是Jason。他溫柔地輕撫著皓璇的髮，說，「喊晒佢出嚟啦，我唔會笑你。」

皓璇忍不住靠在Jason的懷裡，腦海赫然與某段記憶連結起來，發現他和阿豪穿的是同一牌子的襯衣，熟悉的觸感迷糊了她的心神，曾經觸摸過無數次的質地，伴隨而來的，是背著阿豪和別的男人接觸的罪疚。

還有快感。

同一時間，皓璇的手機收到一則訊息。

豪：冷靜完未？

*************************

今日完
希望呢個po可以完到呢個故
呢篇我幾鍾意的
其實有無人睇得出我回憶同現實分開咁寫係咩意思
隨便討論下

p.s 呢part又有啲係真人真事 寫撚到想哭

順手follow埋我IG啦！！

https://instagram.com/yipna_/

希望唔好爆post住我呢幾日會努力寫！！
樓豬愛你啊！！

下個post係咪會有多更

其實回憶入邊個阿豪同今日個阿豪都無咩變化
變既只係女主

唉是但俾個阿豪或者家寶我都心足

回憶係女主角想嘅呵豪，現實就係用作對比。加起來，大家就知道女主角一直活在自己嘅夢中，亦突顯出女主角嘅自欺、可憐，Jason 更符合女主角嘅要求，咁佢出軌就變得自然流暢啲。