[短故] 我在交友App上遇到的十個人 (2)

終於俾我等到啦

要聽金剛圈了

今日暫時係咁多

今次繼續試下另一個寫法
希望同樣有驚喜
多謝支持

時空穿梭嘅寫法好特別。唔通今次係女生玩apps 出軌！？

攪到三點幾咁夜，對身體唔好，早啲瞓啦！

皓璇

我估呀豪唔係籃球仔…

起身有文開心

女主角係apps撞番籃球師兄？

緣份

好早

慢慢睇落去
樓豬個作息一直都係咁 已經壞掉了

樓豬同啲貓一樣愈夜愈精神
我就真係豬，日夜都想瞓，無哂心機精神

又有新文，開心

樓豬，今晚，又睇show了
預計睇完metal會幾夜下
所以大家最好聽日扮工睇文啦
(放心在搭車途中都已經打緊)

樓豬慢慢
平時上堂活動就係翻睇你啲文

（三）

皓璇緊張兮兮地在地下鐵月台坐著，一時向人往人往的人潮張望，一時又低頭看著手腕上的指針一分一秒地走動。

終於，在不知道第幾班列車駛走之後，她看見一個高䠷的身影，背著大背包向她迎面走來。

「咁耐㗎。」皓璇嗔道，卻沒有半點責怪的意思。
「我已經慶功慶到一半就走出嚟㗎喇⋯⋯」阿豪靦腆地說，並在背包裡尋找著什麼。
「嗱，我話贏到校際冠軍就送個牌俾你㗎。」阿豪將有點重量的奬牌掛在皓璇頸項，他們在瞬間靠得很近，卻又很快分開。
「真係送俾我？但呢個係你第一個金牌喎⋯⋯」皓璇抬起頭。
「應承咗你㗎嘛。行啦，我送你返去。」阿豪擺擺手，推著皓璇的背向前走。

步出地鐵站，秋天的晚風向他們迎面襲來，這晚的月亮很大很圓，就像他們這個年歲一樣清靜純粹。

二人走到皓璇家樓下的公園，天南地北地聊了起來，關於班上的同學喜歡誰、哪個老師最討厭、也談大學選科、和未來。

「你大學諗住讀咩科？」皓璇把玩著垂到腰間的奬牌。
「仲煩緊，不過都應該揀工程，我睇過收生唔算難，應該都穩陣，同埋grad咗之後都應該唔難搵工。」阿豪淡淡地說。
「哇⋯⋯你已經諗得咁遠嗱，我仲日日on居居咁，睇嚟我都要開始努力。」皓璇瞪大眼睛，沒想到阿豪的計劃這麼長遠。
「唔怕，你仲有一年，都追得切。」阿豪轉臉，向著皓璇溫柔地笑。

皓璇難為情地別過臉，這時裙袋傳來電話鈴聲。

「死啦，我阿媽打嚟問我返到屋企未喇。」皓璇急忙拿出手機，並用手指放在唇間做了個安靜的手勢。
「喂？媽咪，我啱啱同完婷婷打完邊爐，係啊，返緊嚟喇。」皓璇唯唯諾諾地應付了母親，又對阿豪說，「我差唔多要返上去喇。」
「好啦，傾多5分鐘。」阿豪看看腕錶，又說，「係呢，你有無聽過呢首歌？」

說完，他從褲袋拿出耳筒，將其中一端放到皓璇耳裡。

我不願讓你一個人
一個人在人海浮沉
我不願你獨自走過 風雨的 時分
我不願讓你一個人
承受這世界的殘忍
我不願眼淚陪你到 永恆

「呢首歌叫『我不願讓你一個人』，我覺得幾好聽。」阿豪看著皓璇，臉頰竟霎地刷紅了起來。
「係咩，咁即係有咩意思㗎？」皓璇看出了阿豪的窘態，卻故意問道。
「唔知呀，你返去睇下歌詞囉。」阿豪站了起來，「你唔係要返去喇咩？」
「係喎，死喇一陣又俾阿媽鬧。」皓璇趕緊拍拍裙上的灰塵，「好啦，拜拜。」

走到一半，又回頭看，阿豪仍在原地目送她進大廈。

「睇路啊傻仔: p 返到去msn我啦xdd」

裙袋裡又傳來一陣陣的震動，原來是阿豪的短訊。

皓璇向他揮揮手，然後消失在他視線裡。

未完的
聽日（星期一）會有多篇

Push

「嗱，我話贏到校際冠軍就送個牌俾你㗎。」阿豪將有點重量的奬牌掛在皓璇頸項，他們在瞬間靠得很近，卻又很快分開。

皓璇結婚對象竟然係呀豪！

可能唔係果個阿豪呢

係青春啊

可能唔係果個阿豪呢

唔係寫到咁激啩！

無乜懸念真係果個阿豪黎

以前都同個女仔半夜三更一齊去過佢屋企附近嘅公園！不過，印象中應該要做嘅嘢乜L都冇做…

可以reset 人生，重活青春歲月嗎？