有冇人都係戒緊類固醇好想放棄？

類固醇藥膏同口服我都有用，全身都用過咁濟但口服我淨係食左一個療程，印象中係2星期左右，我個陣唔知自己已經上癮同反彈

搽完應該都唔會有用，類固醇唔係用黎除疤

唔係想打擊你，雖然戒類一日都好似過年咁，但係個幾月仲係好短好短我自己係搞左年幾，真係留係屋企休息，你有定心理準備係要一年起跳唔知你返工or返學，但暫停休養係最好既選擇
紅腫同甩皮，呢啲情況我以前又係日日都經歷勤力啲換床單枕頭套嗰啲，如果環境許可就買部吸塵滿嘅機，吸下張床都好
痕個陣無野止到痕，但你可以避免食啲會令你痕既食物e.g.薯仔番茄西蘭花，因為呢啲食物會增加組織胺，甜野最好就直程戒左佢，因為依家既糖大多數都係精製同好重化學成份，就算我無食物敏感，我食完甜野係會痕得明顯左

Btw 我讀APA嗰陣 見住有位朋友部面長期紅卜卜又甩皮到好返晒 佢話用Slowood啲嘢用嚟戒類固醇好好用

師兄完全明白
我由細到大都有
手內肘 腳膝內
頸 面
無錯用完類固醇係好舒服
但用得耐真係唔會有用
你都忍左咁耐 加油呀
我個陣唔算勁嚴重但都影響生活
建議可以用西醫控制
好d之後就用中醫調理
要早訓 介口
同埋要心情舒暢開朗d
呢樣好重要
我個陣用左2-3年 控制
而家好得7788
唔好放棄
如果你係勁嚴重
真係要做齊哂控制自己心態
唔好套在意人地眼光
加油！

Ching 戒左幾耐？

我都係
好彩有打生物制劑 算係比其他戒緊既人無咁辛苦

會發冷

呢隻藥應該唔可以停 停完反彈仲嚴重過類反

到底係邊條仆街發明濕疹

最嚴重嘅時候除咗個頭之外成身都係 不斷流水流血 全部都發紫 去睇醫生想打針又唔肯幫我打 每晚都訓唔到 再外加鼻敏感 好撚辛苦 每晚都要搽半枝類固醇藥膏

好在近幾年退曬落對小腿度 依加已經唔搽嘢唔戒口 由鳩佢痕 唔想個人生俾濕疹困住

大仔出世見佢皮光肉滑好開心 但細仔出世啲濕疹勁過我 見佢訓醒r到成床血就好撚心痛 如果佢老豆唔係我嘅話佢嘅人生就唔駛受依啲折磨 係我害咗佢

你忍到可以返學都唔係壞事，但你要包好傷口，如果唔好運細菌感染要食抗生素，好多人係食完明顯皮膚又會差左仲爆多鍋
我有啲位明明冇用過類固醇，但反彈既時候都有爆埋出黎e.g.腳板and頭皮，問過前輩話因為類固醇搽落皮膚會滲入血管，而血管又全身都有，類似係蔓延咁樣
我反而無戒牛同奶，因為我係真係食完都冇野個種，但唔會量多因為我本身麻麻地食我其實個陣有睇埋中醫，因為發冷(個陣先6月)仲要著長袖飲熱水同關晒窗用埋暖爐都凍到震緊因為水果都有果糖，唔好食太多
戒類最嚴重個排我係連房門都出唔到，爛腳板痛到要扶住埲牆先行到所以做運動真係不了，如果你做到運動都唔好做太劇烈，拉下筋做瑜珈好啦，出汗又有排痕過
我有食過3種補充品，一種係維他命C，幫助傷口癒合得快小小，但有人頂唔順會痕多左，我就冇，一種係奇亞籽，幫助排便，對我黎講廢廢地，我食中藥個陣仲痾得勁過食呢隻野仲有一種係中醫推薦我食既善存成人版綜合維他命，一粒丸仔但包晒唔同維他命，佢話有啲人身體可能缺乏某一種，所以先遲左康復

以前塊面長期搽低劑量類固醇搽咗年幾，戒個陣真係好辛苦，塊面好紅、甩皮，但係捱過咗就好，加油

退落小腿嗰陣反而我係開始冇搽類固醇 係我轉咗第二隻冇香料嘅梘液先好咗 但退到落小腿已經係樽頸位了

自己有濕疹都係我自己嘅事 但個仔都有就覺得自己害咗佢

Ching而家狀態如何？到而家戒左幾耐？

雖然未為人父母，但都明最尾果句。都係呢個原因自己以後都唔會諗住生

利申 非廣告

推薦樓主用一隻牌子：藥詩

用中藥成份

基本上你範圍唔大嘅話 買最細支裝就夠

買一支啡色 一支綠色（好似77號定99號？）

你自己whatsapp佢會講解



唔保證你work 始終藥呢家野...

但我自己萬試萬靈（因為間唔時會翻發）但都一星期內好番

推薦過比幾個frd 全部都係一星期明顯改善

宜家皮膚靚番哂喇，都差唔多8年冇再掂類固醇。戒嗰陣心態好緊要，唔好理人點睇，你得㗎

唔洗客氣你個啲症狀(紅皮症,甩皮)都只可以等時間過，我到依家都仲有甩皮，但比起之前已經好好多

出街、返學都係好需要勇氣，始終有人既地方就有是非，總係有啲仆街無同理心仲阿吱阿咗，無視佢地就算啦

維他命都有分劑量架，你留意下係咪太高，如果太高頂唔順痕得勁就轉低小小發冷個症狀就真係唔知點解答你，因為我係頂唔順走去睇中醫調理千祈唔好放棄，捱下捱下好快好返

心情真係好重要 自己越介意越去諗佢越發得勁 放飛自我完全唔諗佢之後反而慢慢退

大家好，小弟揸左類固醇在臉上斷斷續續大約10年，但在半個月前發現揸開果隻類固醇已經無效，因為臉上多紅色一達達而類固醇已幫唔到。所以我決定戒用類固醇，至今已經半個月。我的症狀是之前揸過類固醇的地方出左黃痂同滲黃水，而上網睇話皮膚發熱、紅腫、紅皮症反而無乜/未發生。另外隻眼越來越痕加痛。想問下咁樣是否正常現象？

是 階段性的 係咪得面係咁？身同手腳都完全無事？