有冇人都係戒緊類固醇好想放棄？

其實可以試吓中醫
唔保證一定work

見過有人斷尾
但都好多人無料到

戒類固醇一個月之後就開始左睇，因為頂唔順太辛苦，當有個人係身邊guide住自己咩情況 個中醫都有講啲藥只係止痕 都係需要等個身體自己慢慢好

Ching而家皮膚狀況如何？
我而家反而係因為諗將來所以好大壓力
其實失業壓力都唔會細過翻工，
睇醫生都係一大筆錢
已經唔敢諗儲錢

理論上就無衝突既
因為兩種類固醇嘅運作機制唔同
不過醫生都唔會建議落野，始終係不必要。


有無試過戒澱粉/蛋白質（紅肉）

有d 人既過敏/濕疹都同呢兩樣野有關

聽過有人生酮/素食之後，減少咗炎症症狀

好轉左之後漫漫減使用量得唔得？

能夠唔駛再用當然最好，但能夠用小d 都好好啦

無啦而家長期都係食雞同豬 日日如是 都唔敢食其他野
Carbs就整係食飯only 做過ige test無敏感

以前都係用呢個方法叫穩定到控制住
時加時減囉啲劑量就

其實有冇人試過貼退熱貼止痕…想知咁做會唔會令撻濕疹嚴重左

Ching而家情況係點？

之前又紅又甩皮又r出水到，頂唔順搽咗類固醇，目前啲皮膚好白滑，但支藥膏搽七日就要停，好驚一停就會大爆發

以前有冇停過？

你宜家戒到第5個月係最地獄同痛苦時間 ，起碼要一年時間先開始會穩定 ，條路行咗就唔好放棄

加油 你有冇入香港同外國嘅戒類group 入面好多同路人

睇多啲佢哋唔同嘅經歷 慢慢就可以捱過

其實啲gp 都入哂 有啲睇到仲frustrated, 見有啲穩定左係仲係會痕會紅會甩皮，係無一開始咁嚴重，但都一啲都唔好受。同埋會好驚自己會long term, 廿五歲已經翻唔到工，唔通我廿九歲再由低做起

戒得類就預咗行三步退兩步咁慢慢康復 預咗2-3年基本上冇乜人可以一步到尾咁好番 。 你唯有調節自己心態 ，係呢個時間你最需要係吸收蛋白質加維他命C比身體自己調節返正常

呢個一開始有睇 第一個走nmt既人 但佢有醫生guide住 我自己只係做緊mw

今年第六年啦，身體仲有一半毒未排出，嚟緊就停工等佢發埋出嚟

Vitamin c, fish oil, probiotics, d3, k2, zinc 全部都有食
至於蛋白質基本上日日都係雞胸同瘦豬肉
脂肪類就揀natural peanut butter

飲食方面可以話無問題
係心態上仲未完全接受現實
或者係呢個星期諗通左

到第2個flare up黎又再崩潰
徘徊係想用翻一世穩定佢做翻自己既邊緣

我都有輕微濕疹，一停用就好快番發 依家食緊益生菌 睇下有冇改善，好多方法都試過 冇咩用 一齊加油

個人覺得最有用係慢性自殺咁用

Btw停左幾耐？

加油啦 趁自己後生新陳代謝快嗰陣戒 好過再大年齡啲先戒 到時咪仲辛苦

見好多小朋友戒類回復得好快 應該同新陳代謝加冇咩壓力有關

NMT 唔洗跟足 等身體情況許可先做都未遲
不過個人嚟講戒搽保濕 同減少沖涼次數我試過係幾work嘅