有冇人都係戒緊類固醇好想放棄？

我最差嘅時候都同絲打差唔多，係腳板同背脊冇爆過，其他所有地方都爛哂，塊面係毁容級咁爛
個陣我係nmt，預咗係會爆得轟烈啲，不過我覺得係有用（同埋係最慳錢），傷口出水限飲水會結焦得快啲，依家戒咗年零，好咗八九成
個陣仲有睇中醫加針灸，我覺得都有用，尤其針咗傷口好得快咗好多
同埋樓主好好呀，有睇戒類症狀資料，至少知道自己身體發生咩事 戒類心態好緊要，要相信自己會好返，最灰個陣會係咁睇其他人戒類成功例子，就係咁捱過去 所以你都會好返㗎 希望俾到啲希望你

絲打最近轉季皮膚如何

我而家紅腫乾裂無限loop
心好緊

大家最近轉季如何？

反面教材here
做咁三十幾年人,大概15年前開始同呢個病共存(細個都只係零星發作),一直到而家用類固醇藥膏同口服藥丸,藥膏日日搽,藥丸嚴重起上嚟一日兩粒,而家正正常常就3日一粒
醫生成日同我講咁:後生盡量食少d啦,又同我解釋副作用(例如骨枯),同建議我去凍嘅國家生活
我就同番醫生講:第時有幾多歲命我都唔知啦,副作用到時先算啦,至少而家可以有正常社交生活,無比個病影響到心情
見到上面個妹妹咁勇敢面對,我好慚愧

我覺得換到正常社交生活同情緒已經值得
（同樣係明知會早死，但有冇諗過我唔想活咁耐既人）
但奈何我已經戒左半年 叫好左4-5成
最近轉季又差翻好frustrated, d放棄念頭又出翻哂黎


最近識左個異性都唔敢有進一步發展

我無試過戒類,叫唔到你加油
得閒做d自己鍾意嘅嘢,就算唔想見人,都可以打下機,睇下劇,有養寵物就比佢撚下
同埋飲多d水,急就屙唔好忍,因為我發覺做嘢忙到無時間屙尿嗰陣特別痕
異性如果係現實生活識嘅可以試下進一步,因為佢都知你有呢個病,如果係網上識嘅就唔好住喇

辛苦啲，綁住自己瞓真係有用
起碼朝早唔會見到自己成手血先

我無爬文但作為過來人想留個言,
我濕疹22歲先爆出黎,
最嚴重果時係全身出血,
好多內服外膚既藥都有用過,
效果好麻麻, 差啲想直接往生算
直到25歲的起心肝去做blood test,
先知原來自己唔食得蛋同奶, 而唔係咩牛海鮮果d,
用咗一整年黎完全戒口(連炸野都唔食,因為有蛋漿)
而家奇跡性地無哂事,戒口都仲有,奶我基本都唔飲,
蛋可能一星期食around兩隻既份量,食太多會有d痕
出得多dd, 會用1~2次丁點既類固醇搽
邊間bloodtest我唔介紹喇,坊間好多,越多種類既越好我覺得

簡單一句,有啲錢唔可以慳
做個blood test可能成皮幾野
但你之後會感激自己做呢個決定

另外休息好緊要,我之前成身血訓唔到
但我唔想用類固,醫生狠狠屌鳩我
你用完先訓到,訓到先會慢慢好
你自己決定
所以戒口果年都有用類固,搽既,
不過次數份量慢慢減

祝你早日脫離濕疹
記住唔好放棄人生,雖然我唔識你
但我愛你呀兄弟,加油

平常心對待自己啦，大把人有濕疹，而且人地點諗你人地嘅事，使咩幫佢諗埋佢點諗你。畀少啲壓力自己，保持好心情對濕疹都重要架

長衫長褲焗住自己咪重辛苦

有冇做body check?身體有冇咩毛病？有咩誘因戒既？

由細到大都冇濕疹 係最近一年唔知點解會出現
本身個背脊有一撻仔 冇理佢就生到成個背脊都係
自己多手一r就r到爛哂穿哂水

其實我不嬲唔洗食
整係搽就穩定到
但開始搽都唔識好就陰差陽錯戒左
而家唔嗲唔吊好想用又唔想用

唔嗲唔吊係指戒左半年如果用翻又要用一世
其實之前用都係睇西醫幫我稀釋左

戒左半年 最近大面積出粒粒 有冇人係咩事。。。

有冇試過用免疫抑制劑，好似protopic。
不過都係治標唔治本

太貴

唔好R, 一R就事倍功半
先利申唔係過敏體質, 但係人肉引蚊器自細學識忍手, 細個R蚊懶R到流膿
今年夏天唔知咩事全身起一撻撻紅疹(可能摸左隻流浪貓出事)
起疹d位痕到仆街, 有時忍唔到隔住件衫輕力R, 然後就會嚴重左
忍左一星期唔見有好轉去睇普通科門診, 醫生開類固醇藥膏比我
搽藥兩三日後開始唔痕就開始消, 兩星期後先好曬
早排唔知邊道惹左撻癬係手臂, 搽藥後表面好返無斷尾
月頭翻發無為意, 宜家手腳頸多左d新發位
新發果d只要盡快搽藥同keep住搽4, 5日就好
但最初果撻落重藥手搽左成個月都反反覆覆, 痕果陣真係完全要死忍

有冇考慮過已經係類固醇上癮緊？

Ching你講緊自己定講我?

[member以前淨係用過外用類固醇 斷斷續續用咗幾年 同食過幾日口服類固醇
依加戒咗一個月 全身7成都紅晒甩皮
連塊臉都有 夜晚又痕到瞓唔到
忍唔住搽返幾日類固醇
睇醫生睇咗好多錢 保濕又轉過好多種又唔見有用
好辛苦啊[/member]

你
唔搽啲野又翻黎 搽幾日就好 唔搽又復發