有冇人都係戒緊類固醇好想放棄？

其實都係呻下
而家係中間用又唔係唔用又唔係
5嗲5吊
都係靠望翻自己頭兩三個月既相再望下而家又真係有好轉
只係emotional stress有時真係大到崩潰好想放棄

上年仲搽緊
無戒類固醇？定今年戒左而家好左八成？

有時啲朋友都明白，唔會嫌棄自己但自己嫌棄自己

其實我父母開頭係支持我!
但係我諗佢哋以爲我好快會好返, 點知而家年半都仲係見到我未好😭，而且搞到屋企雪花紛飛
我沖涼又浸浴又用多水又用多煤氣.....佢哋就覺得我又冇收入...又不停噉用佢哋啲錢
近呢幾個月係噉比說話我聽😭，成日話我個樣似整容失敗

睇到呢個post好擔心
個女呢幾個月濕疹大發作 自己都成三個月冇訓咁滯 晚晚幫佢拗痕
佢之前keep住都有少少 但都係局部 銀仔咁大
但都有用過類固醇
原本今次唔想俾佢再用 但係七月尾最嚴重個陣佢真係完全瞓唔到
成條頸同手手腳腳都流晒血 最後都屈服左 俾咗少少佢用

見上面有人話用椰子油 我都覺得好好
係我查過佢係最有效嘅
同埋好多潤膚膏 我依家都唔敢比佢用
就算查得幾清楚都唔會知道晒佢入邊啲成份係點

同埋我覺得最有用係浸
佢朝早起身浸煲過夜既中藥 臨訓之前就浸油
係hktvmall有一隻50-50既paraffin濕疹膏
臨瞓之前唧一大pat係浴缸到浸半個鐘 起身印乾再查椰子油 然後用枝裝溫泉噴係即棄洗面巾上面濕敷比較嚴重既位 用紗巾包實
不過一晚都要換一至三次 一枝野百幾蚊噴幾日就冇
但佢呢幾個星期好返好多


睇過好多醫生 中醫又有西醫又有
其實啲醫生好多都話小朋友咁細 可能大啲就會好
但好驚佢大個會仲嚴重

希望大家早日康復

我紅巴

加油，早啲休息

我自己就中意聽fast ear cleaning呢類嘅，不過好多人都覺得嘈，所以都建議返你自己去發掘自己啱邊type 嘅asmr

類固醇我都叫仲戒緊，不過已經越搽越少，今個月我好似搽咗幾次係背脊同額頭，係搲得太紅或者已經有少少損先搽，比起上年日日搽嚟講算小兒科

講返我病史，我13-14年個陣已經開始成日身痕，啲皮膚摺位成日搲到紅晒，不過無損，所以係無點特别理佢，之後17年開始越嚟越嚴重，睇乜醫都無效，19年開始仲成身甩皮，涼都唔敢沖，之後開始搽類固醇，然後一直反反覆覆到今年開始好轉

你仲敢浸浴沖涼皮膚會流失好多水份，你浸浴只會流更多而唔係補水，越浸越嚴重

BTW我宜家成日匿冷氣房，隔日先沖一次涼，除非真係出街流太多汗

浸啊浸l死海鹽/中藥..
唔浸想死啊....啲皮厚到機械人噉喐唔到
我都係隔日沖

yes! 自己嫌棄自己!
成日叫我出去食飯....大佬...我塊面甩皮甩到噉...你見到我都唔開胃啦

好反就無戒口
暫時咁耐都無因為食野爆反
當然我個情況可能同你唔同

出水 我覺得你真係可以試下我個方法
我係上網睇反黎 太耐搵唔反
原理係 直情當佢傷口咁處理
但一定要做足用生理鹽水消毒
同用二種布黎包 就咁屈臣氏就有得買

有無睇皮膚科醫生

煩士林.

細個出世已經有，到十幾歲果陣試過無左幾年，最慘之後又出番黎。二十幾年，無一日皮膚正常過，工都唔想番，成日比人望住濕疹紅左既位。

過左咁耐，每次爆得嚴重就用類固醇，一次比一次重藥。現家只有絕望兩隻字陪我過日子

我都食緊，會上癮嘅咩？唔覺
唔攰唔眼瞓唔飽唔覺凍，咩藥嚟，好屈

由細到大好多野想做，但皮膚既影響好大
如果能夠比我一年無濕疹，應該都無憾

巴/絲打，唔好放棄呀，雖然過程好痛苦，但真係值得
我建議你係Facebook入一個戒類固醇既群組
https://www.facebook.com/groups/848427505309901/?ref=share
入面有好多同路人，可以解答你戒類既野
我自己用類固醇用到兩隻眼白內障都戒左兩年，仲試過一年幾成身爛返唔到學，出唔到門口，但呢家都好左8成以上

戒類個陣隻手
呢家岩岩影

比你睇下個對比，我最爛個陣真係成身都爆緊，係無一忽好肉，會滲組織液，24小時攰到盡先訓到1-2個鐘
甚至乎我塊面都係爛晒，唔敢照鏡，出門口要我屋企人回避個陣我都係好負面，成日唔開心，好想放棄，但真係唔想成世用類固醇所以你唔係自己一個架，有其他人同你一齊經歷緊，加油樓主

But如果認到我既人唔好相認