確診咗自己有白蝕

早幾年開始我都有白蝕，我好明白樓主心情。當時係嘴角白咗一撻，睇咗皮膚專科，話冇得醫，開咗啲類固醇，搽咗幾次就冇搽。跟住上網搵咗係咁搵資料，搵到個方法係照308nm laser，加上食維他命b同搽protopic藥膏。我維他命b就係萬寧買，protopic就去藥房買。而308nm laser我查到養和醫院同某啲私家診所都有得照，不過好似成千幾至幾千蚊一次，我窮撚有鬼錢睇咩。當年查到係廣州某間醫院有308nm laser照，咁我一友膽粗粗走咗上次照，照完當時就已經紅咗。一星期上兩次，照咗一個月度，啲邊邊位已經黑咗，不過好撚辛苦。後尾係深圳都搵到一間有得照，咁就轉咗去深圳照，照咗個幾月，當時個嘴都好咗好多，然後發現有啲家用版嘅機，效果就弱好多，不過係咁上深圳照真係頂唔順，就買咗部機返屋企照。到咗依家，我個嘴，頸，手，腳都有白蝕，嘴已經好咗大部分，頸好咗，手同腳間中都會照，不過效果唔多好。仲有隻protopic之前查到話有機會致癌，依家好少用。部機我當時係淘寶買，如果樓主唔介意大陸嘢我可以send 條link出來，價錢差唔多一皮度。

個啲係白化症唔係白蝕呀??
白蝕入眼唔多

巴打好慘，希望你可以好返

想知你買邊部 同埋大陸電器安唔安全 係咪用轉插就得？

巴打加油！
唔好在意啲人點睇，自己心理質素最緊要！
希望你可以好返同開心

同埋美國有藥廠依家有隻jak藥膏已經做緊第三期臨床，頭兩期數據好似都成功，如果成功到時就係第一隻醫白蝕嘅藥，雖然唔係根治藥，但係都叫有藥醫下😭，我都等緊新藥，所以樓主唔使咁灰

保重

有冇Source? 想自己google多d

大概20年前我經歷過你嘅情況，我而家全身都白哂反而仲好，起碼無咁礙眼。如果你想詳談，可以DM我。

巴打好有心，已Pin

其實我之前google嗰陣都好唔鍾意啲人本身可能唔太識個病，但就同人講話無得醫，明明依家醫學咁昌明，就算假設依家醫唔到，又點可以話以後醫學進步都醫唔到呢？何苦求其講一句無得醫去打沉哂人哋嘅希望呢，諗唔明

我朋友好多年前講笑話好似"鬼影”咁

不過同靈異野無關我唔信鬼神

巴打加油

白蝕係唔係皮膚一撻白化?

係

不過皮膚一撻白色, 都有可能係汗斑

可以search 下Ruxolitinib cream 或者Ruxolitinib cream vitiligo

其實冇乜嘢
我屋企人有, 遺傳到我都有
因為唔痕唔痛, 我不嬲都唔理佢

隨住年紀大, 又或者係工作壓力, 係大撻咗及多咗
生上面都OK, 我用開 Armani 隻粉底夠 coverage, 遮到冇問題
其他在頸, 膊頭我都唔理佢

我係 Michael Jackson fans, 其實我都幾開心自己有白蝕
D人問點解一撻撻既時候, 我會解釋返 "MJ 都係咁之嘛"

最緊要唔好灰鳩, 因為白蝕同免疫力 & 情緒有關係
你唔理佢, 反而佢生得慢D

between, 我都係濕疹撚
濕疹又乾又痕又R, 其實仲困擾

我中四升中五果年暑假都生過白蝕，完全唔敢出街，9月開學，塊面要貼膠布扮整親，但唔知點解，冬天自己好番，然後無再生過

我係買呢部，每次都係照一分鐘內，又唔覺有咩問題。係用轉插就得，我黃金買個轉插就用

你算好彩 其他免疫系統病會攻擊細胞 周身發炎

唔好意思無辦法逐個覆哂，所以呢到覆返

我係巴，所以都叫做好啲， 而且我暫時肉眼睇未算好嚴重，只係醫生照燈嗰陣發現全身大範圍已經開始生，只係肉眼睇仲未太覺，呢下有啲驚嚇同灰啫，因為睇過話大範圍嘅白蝕係比較難好返嗰種，同埋一時之間都想像唔到之後會擴散同惡化到咩程度

不過睇返咁多回覆我都有反省自己係咪真係大驚小怪咗，災難化咁諗件事，可能因為我悲觀底，慣性會諗到最壞既結果先，而寫文嗰陣係岩岩確診完，最徬徨果陣，所以可能顯得好絕望，不過其實我同咗幾個朋友講返之後心情已經好返好多，大家唔洗擔心，另外都係到建議返，有唔開心嘅野可以試下同朋友講返，一個人收埋收埋可能反而會鬱到病

而且我睇返咁多回覆先覺得白蝕原來好似比我想像中平常，未必有咁多人真係咁介意甚至歧視白蝕病人，如果我小題大造咗，咁唔好意思啦。不過我真係唔係想特別話自己好慘好慘，因為之前懷疑自己有白蝕果陣已經有諗到比我不幸既人大有人在，好似濕疹、紅斑狼瘡果啲都係免疫系統失調引起嘅病，但就比白蝕痛苦太多，我應該慶幸自己呢種相對既幸運

不過我都估唔到原來連登咁多人都有白蝕同其他皮膚病，希望大家都可以身體健康，早日康復啦

仲有好多巴絲好有心，分享埋做啲咩可以幫到個病，多謝你哋，我會參考返

其實我本身都係有感而發諗住開完post就算，但估唔到有咁多巴絲咁熱心咁覆返我同鼓勵我，好多謝大家

Btw，我都係因為自己有白蝕先知原來 Michael Jackson當年都有呢個病，等我以前細個仲誤會佢貪慕虛榮想扮白人，諗返真係好年少無知同自以為是，點解對住不幸嘅人仲要落井下石呢⋯⋯

我見已經有巴打開咗tg group，如果係白蝕嘅同路人，或者可以入面傾返：

https://t.me/joinchat/WQwJhKu7tUIxNWY1

靜觀果度想學，講下你平時點靜觀？

睇咩科？有無驗埋血？