有咩理論係中醫解釋到西醫唔得

笑撚左，梳

不過我都一樣，睇中醫話濕疹，水鳩我食中藥仲要戒口戒到就嚟冇嘢食得
之後有次發得嚴重，去睇西醫。 話股溝真菌，啪左一個月藥，好返晒，唯一要戒嘅係酒

第一係打邊爐會d野好熱就放入口食，容易損害口腔黏膜
第二係個湯底，不停放野尤其肉類落去煮會變到好油膩，食得多油膩野免疫系統差左，一旦刮損口腔就容易發炎，亦令到身體對打細菌能力差左所以容易d病

我自己見解，中醫講嘅熱氣只係好籠統咁解釋身體免疫差左，所以易病/發炎

你都on9 多咗protein 就一定要拎去埋口？

其實即係經驗醫學，總結左現解象但發展唔到一套可驗證既理論去解釋

Yes
但可以理解，古代醫學無咁高科技去做人體研究或者實驗，所以用觀察同埋歸納法得出一套理論已經好勁
但去到現代仲繼續不求甚解沿用舊法就講唔過去
知其然，都要知埋其所以然

中醫目的就係拖你症，執多幾劑山草藥，
等佢賺多，終結中醫係on9的

所以要廢醫驗藥

重新用現代方法去檢視現有藥物、理論同療法

中西醫門外漢睇曬你哋嘅留言
以我由中醫支持者嘅內容消化出
中醫同西醫係「質」嘅分別
中醫本質比較接近玄學
並唔係現代醫學嗰種即食嘅醫療方式
中醫講求係個人嘅自制能力同修養(即修身)
唔整病自己就唔會有病
就算有病都可以由未精制過嘅藥物得到醫治
如果一個人得到癌症
做手術的確係有機會完全消滅癌細胞
但好返之後種種副作用，復發嘅機率
值唔值得你咁樣捱
咁嘅話倒不如接受天命？
中醫嘅本質比較玄
佢哋覺得世間萬物總有一個無形嘅平衡
你時晨該到係你整定
最多比啲方法你臨走前舒服少少
就算用中醫完全醫好癌症
都只係小部分懂道嘅中醫作出精準預判
並唔係所有中醫都做得到

由於現代中醫參差不齊
而且成為真正中醫嘅門檻太高
現代中途出師嘅中醫無辦法領悟中醫嘅本質
自然無辦法用中醫本身嗰一套去醫好病人
甚至如果一個病人唔信中醫
就唔會願意配合中醫嘅醫療方針
咁樣對於講求修身嘅中醫學大相逕庭

所以中醫有少少似一種信仰
唔單止要言傳，仲要加埋意會先可以理解到本身
所以中醫同現代醫學嘅分別係
現代醫學係可以喺真空下存在
中醫係要用觀察先感受到存在
否則無人理解到點解中醫知道點樣去醫人

我有無理解錯？

中醫用演繹法想知中醫係點樣做演繹推理，個邏輯係點樣行，有冇得攞個簡單既病寫個truth table黎睇睇

西醫用歸納法咁做病理學班人係做緊乜

多謝你嘅指正，我又理解多咗少少
我最好奇係想知道
十個病人同一個病
中醫究竟用咩方法去判斷每個人嘅治療方針
如果係用望聞問切就判斷到真係好講經驗
完全好難用文字承傳落去咁喎
除非一個好中醫要收個徒弟喺身邊好多年
咁真正嘅中醫先可以承傳落去

同埋中醫要顧及個「天」呢part真係勁抽象
唔知係所指天地平衡，定天命呢？
如果你話好多中醫都剩係診症，唔係診人
更加唔駛講到更進一個層次嘅「天」
就你所見
你覺得香港有無達到以上標準嘅中醫呢？

現代醫學都係經驗醫學, 問題係有科學原則去做理論同驗證, 明明大把中醫都follow緊呢個模式去做仲真係幫到人, 但就總係有班神棍話呢d唔係中醫

現代醫學係循證醫學

Evidence base但係佢個evidence都係基於stat上既經驗

而家講緊AI醫療直接係用更大既database去訓練電腦去做診斷同治療預測

AI斷症係可見將來都似係輔助，而唔會係主力，最後都係要個醫生approve

因為依個問題唔係科學問題，係道德問題

即係假如斷錯症，搞到個病人死左，係追究間公司定個醫生

睇黎完全無跟貼而家AI醫療既發展, 呢d講法已經係幾年前搞掂曬

而家已經講緊部份醫療程序由AI進行預判, 同醫生做既結果做cross validation, 有時係電腦睇到醫生睇漏, 同埋做treatment既survival rate estimation, 就算去到histology, genomics呢d科目都直接應用緊AI做drug development

如果AI係可以用2秒時間同你數曬一張biospy數cell既分析, 識得準確咁睇ECG, 俾出recommendation醫生去做醫療判斷, 已經係將AI直接應用係臨床上面, 跟本唔係要同人類醫生你死我亡

即臨床上都係輔助做醫療判斷？

你當同而家出radiology report/ 驗血報告咁上下既野, 俾多個reference主診醫生, 仲有d tumor staging, image denoising, RT dosage managment呢堆野全部都大量應用緊AI

用AI做即時endoscope recongition, 手術導航, 手術機械人, hospital managment唔係呢個討論之內

醫生診斷唔係由單一個modality既report就得出來, 係睇曬所有report同臨床觀察加埋一齊, AI而家係幫緊好多既小部份去輔診診斷同治療

明晒

荔枝係熱氣
又唔係炸又唔係熱