琴晚田芊線想咀落去嗰幕真係睇到好嬲
諗極都諗唔到加呢一part既作用係咩
本身牧田既感情戲都已經俾編劇改到冇乜淨
好好地感情戲又要變做搞笑
仲要加到田芊兩個兩情相悅,阿牧單箭頭咁
但今晚田田又要走去挽留阿牧???
之前有絲打話港版15集加戲在所難免
我明白係要加戲,但唔係加戲令到個感情線差左咁多
日版既春田起碼有在意阿牧,會因為佢心亂如麻同不安,只係自己未察覺係愛情所以遲遲未確定心意
而港版既田一雄就只係一個仆街直男
港版同日版既最大分別係做唔到在搞笑與感情戲之間收放自如劇本同導演問題佔最重 劇本感情細節處理流於表面
日版搞笑部份係好好笑
但同時間感情戲亦一樣做得好細膩
港版過渡做唔好,所以先會咁多人覺得呢幾集好悶好麻麻
同埋唔知係咪編劇想遷就返香港觀眾口味
刻意淡化左牧田既感情線,加重左田芊線戲份
呢一點我作為原著粉真係超級不滿
不滿唔係因為我只係想睇BL或者我係鏡粉只想睇登神,而係佢地咁樣改編令田田呢個角色變得乞人憎左好多好多
日版既牧春其實早在前期戲份已經feel到佢地之間既情愫
特別係當春田田見到牧同主任偷偷地拖手
佢係成個人都好失落好心亂如麻,佢會覺得動搖不安
但港版將呢一段改做田田發現兩人拖手後放哂心,原來阿牧唔係鍾意自己呀~搞錯左咋~
明明應該係田田開始發現自己在意阿牧既感情戲,但編劇強行將呢part變左搞笑(誇張面部表情+係勢咁摷亂個頭)
睇到第6集我都仍然睇唔出牧田之間既情愫,再加上琴晚咁樣加戲落田芊線
但田田今晚就要挽留阿牧喇,唔知港版會唔會描寫返田田內心轉變(但最好嗰part佢地已經錯過左),如果冇,就只會係田田用拍拖去留一個工具人幫佢做家務
唔係演員做唔到 天橋個幕做得唔錯
本身幾期待會有曖昧氣氛 點知都係着重喜劇包裝
就算去到阿田拒絕德斌個集,感情處理都係唔夠細膩
劇本張力唔足以牽動觀眾情緒 暫時都係依賴演員去carry
反而暫時寫得最好係簡慕華個角色 發揮到演員嘅戲味
真係會為佢而心痛
同埋好多位都輕輕帶過,甚至好似巴打咁講改編到無哂feel