結他真新手吹水區

冇咩衝突，佢彈電結唔代表佢本身唔識你想學的木結他技術，但你若果只想向木結的方向發展，建議你都搵返D COVER木結的導師為主，始終木結同電結係兩種好唔同的野黎。

用電結他係返啱嘅拍子位照拍落去練住先都得

次次見到個po都冇乜人覆
想問大家學左幾耐同埋係有老師或自學既情況下去到咩程度
想知道自己進度係點

拋磚： 半年，有老師，最近算係完成左第一隻fingerstyle既歌，搞左兩個月

無老師肯教我

有錢就得架啦喎點會冇

我都係半年
啲fingerstyle歌都係上網學
但係有啲學咗一半冇練埋
有啲就唔跟拍子，跟自己個feel去彈
想問下你學fingerstyle歌係點學/練?
我諗緊轉老師~個老師都教黎教去都係果啲
好耐冇新野學~明明講咗想學fingerstyle
唔知點解仲成日教我點同人夾band/伴奏

其實前期都係學掃下chord個d咋
係老師有日見我彈barre chord彈到冇哂心機所以拎隻fingerstyle出黎俾我得閒換下口味放鬆下
我一開始就係睇譜練啱拍子
同埋諗下d手指點樣擺順d易㩒d
一段慢慢練熟先再落下一段
最後就練全首再執沙石位
有唔明就問老師
以上練習有至少一半開拍子機聽住練
不過老實講中間有時都覺得幾冇癮
練極都係會有d位kick住
我到宜家都未真正好完美地彈到首歌
但係咁樣反反覆覆練靚首歌係會進步大過就咁睇下譜練下然後耐左冇心機棄彈

另外如果你覺得你個老師唔係冇料扮四條
你咪拎你鍾意既譜問下佢幾時有得學呢d
如果佢覺得你未準備好就再問下仲有咩要練先可以彈fingerstyle
如果ee哦哦冇咩planning既話
你都可能預備定搵過個始終學野係人夾人

初學單對單大概幾錢一堂？

800 4堂左右

玩左三年半
自學三年 跟老師學半年。八級等緊我

咁勁，有冇咩學習方法開心些牙下？
同埋點解自學左幾年先搵老師既？

想問你上堂果陣係咪堂堂都有新野教
定係有時上堂淨係會去練野
好似前幾日咁，我上到去佢俾份譜叫我彈
但係我心諗呢啲我自己係屋企搵完譜自己練都得啦~

就係你呢d心態搞到好多人以為自學就得唔使比錢出去學

因為始終都係第一個老師
所以唔知算唔算教得好

有新野教，但係教完都會用剩低既時間就住教既野練同tune
唔會話成堂都不斷教新野
練完上一首咪俾份新譜
佢彈一次先，如果有時間就自己再望下試下彈
冇問題落堂自己練完下次彈返出黎再執技巧

其實有時上堂都會諗係咪好哂時間
都係坐係到練琴咁就冇幾舊水
唯有每次講完都返去再練好d
勤力練琴就最唔哂錢

你果幾舊水係買個老師既練習方法同佢睇住你練得正唔正確，跟住佢套方法練就會好似你老師咁彈得咁叻，點解成日諗晒唔晒錢呢？
當然你遇著個hea教既就無計啦

點解咁諗？主要都係因為窮學費唔平
你講既唔係唔明
不過理解一回事，會諗又係一回事

新手報到

搵歌彈都係針對你弱項黎練

但你都唔會知自己弱項係邊咁咪要有個人

睇住你囉

800蚊有好多都唔太好，跟loka 、Steven law個堆結他手學，佢哋都係香港知名度高既結他手，同埋一定要1對1，但佢哋就比較貴。
利申 跟左佢哋學年半，價錢你預每月1400至1600左右，年半入面我已經學識埋自己編fingerstyle，唔洗上網搵d濕鳩譜，都學左好多演奏技巧，學梗打板。大部分歌都已經可以自己學彈，但高難度既演奏曲都要佢哋教。佢哋教得好用心，真心推介

師兄，正常係你要平日自己練架，有咩位唔識或者想improve既話先喺上堂個時問佢，你唔練野又想佢堂堂教你新野，然後好快識晒所有野，世上冇咁容易既事，有d好認真既人可以一首歌用半年時間練，每個位執到完美eg. 拍子、每個音既大細聲控制、可以用d咩既技巧improve、可以用d特別既chord，你將音樂諗得太容易

又唔可以係偷雞既，fingerstyle可以揀彈嗰個chord自己彈既音落去，咁當然有d chord特別少少既eg. bm7b5 你就要彈埋b5個音，如果你唔彈衣個音就同bm7冇分別。所以主要係睇你用緊咩chord同想要咩feel

都係個句小班教學一定冇1對1咁好，Ig上有好多勁既結他手，你可以Dm佢哋，同埋大部分都1對1，如果真心鍾意結他想學好佢，就建議比多少少錢跟佢哋學