不得不說，翠豐臺真係樓皇之皇

過深井好過啦

性價比係唔錯 但吹到樓皇就

長期低水，必有原因

師兄有冇睇過呢半年既成交

人如其名 齋講當秘笈 你到底有冇去過果到？ 有冇住過架。 7仔都冇間要去愉景新城， 單係你呢句已知你亂吠， 荃德花園有間7 11, 翠豐臺行去唔洗3分鐘。，自己樓下有間？ 唔好玩啦， 聚人買酒生事起自己屋企下面？ 你喜歡由得你， 呢d風險， 我幾百萬買屋送埋？

愉景灣淨係去中環同機場兩個地方返工先方便都有得比？

後面山坡維護係屋丸負責，無乜人為意

係真。

我唔知真偽 聽返黎，有錯請指正。 愉景新城業主好似要包埋維修商場費用？ 其他有商場屋苑呢？ 請賜教 thx

大窩口荆冕堂則邊既居屋/公屋一樣有斜坡，咁你買唔買住唔住？ 呢d例子 全香港大把。 各有各揀啦

愉城係去工廠果面條橋，屋菀想將業權比番政府，唔知搞成點？

買唔買住唔住自己諗啦，平貴一定有原因，翠豐樓皇就真係當搞下笑算啦，荃景圍樓王還可以

荃灣....

開始貴喇，上年6百幾萬有成交

你咁講深井仲清幽啦

翠豐臺依家個價真係可以買到愉城。
七百萬只能買望山醫院景。

有諗過買深井
不過俾AA 狗笑唔保值最後不了

查實你有冇住過果頭附近？ 翠豐臺係樓王得啖笑，荃景圍還可以？

朝早你應該去睇下。 小巴勁full, 青年中心外巴士站長龍，而且仲係中途站，荃威總站落黎，坐位站位都冇乜。就係果句，遠又唔係遠近又唔係近。 想行又成身汗，未返工已經損失體力，想搭車，又太近而且人多

荃灣中心，荃景花園密集而舊，荃灣中心10座加荃景花園12座，一齊等車場面幾震撼。

翠豐臺95A小巴總站 4座人， 一定有位 又快來回個零兩個字有車，非繁忙另計。

買野路德圍有惠康，買完直接95A, 3分鐘行到荃德711 麗城惠康都係5分鐘左右,真係成日要個商場跟住你？

有人會話屯門公路嘈， 可能，因為我果座唔近上斜位而且唔高所以冇咁傳聲， 如果唔係飛仔車大大架貨車上斜，我真係唔覺條路起側邊。

警署 消防局 醫院起附近又唔貼近，剛好， 有乜事都幾分鐘到。

而且翠豐臺真正背山面海，空氣又好，除左小巴差唔多可以話完全冇車(巴士站行3分鐘，最少唔會起樓下狂噴廢氣) 。 又養得狗(自由自律啦)

數埋數埋係唔算樓皇， 最少好既元素比唔好既多就得啦。

[member]我今年由東九搬過呢度，覺得好住，東九仲多人，綠線又唔夠紅線密。我自己好快習慣呢度，放假去下DONKI，買少少野行返屋企。

930x你要行去愉景新城落樓計都10分鐘

荃德仲方便

有934 唔洗話愉景新城喎， 雖然只去到一點，不過返工有車就好夠。

方唔方便呢， 都ok, 小巴巴士都樓下，不過泳池冇左，會所其他形同虛設，樓下狂噴廢氣(牆身黑曬). 我通常夜晚上荃德711 , 屋苑燈唔多夠黑蚊蚊，冇乜生氣(實話實說不喜勿插), 當然都要讚返，冇荃德邊有咁近既711.(唔洗樓下有近就得)

係啊，你點知架

太古城 maintain 好過城市花園

師兄你挑緊一半香港人既機？

荃灣 去中環 旺角 銅鑼灣 唔方便
將軍澳 去中環 旺角 銅鑼灣 唔方便
屯門 去中環 旺角 銅鑼灣 唔方便
天水圍 去中環 旺角 銅鑼灣 唔方便
大埔 去中環 旺角 銅鑼灣 唔方便
上水 去中環 旺角 銅鑼灣 唔方便
馬鞍山 去中環 旺角 銅鑼灣 唔方便
西貢 去中環 旺角 銅鑼灣 唔方便。。。。。。。

你岩 係喎真係幾唔方便喎。

唯一方便 咪可以copy d字落去咩地區都得 咩地區都唔方便羅。 一定要去中環？ 一定要去旺角？ 一定要去銅鑼灣？

入境處，運輸署，等等重要處所。。。。乜都有分區辦事處。點解一定要去中環旺角銅鑼灣？ 名牌廣東道冇，邊到冇？

噢 坐摩天輪一定要去中環 你又贏 失敬。