樓主同大家都好sweet
我同女朋友一齊咗八年有多,有差唔多六年係long d 。 起初都唔知有冇可能維繫到,因為一切都係講個信字。我地到而家都仲好熱戀期, 基本上每分鐘都會whatsapp, 返工放工都會傾電話。
週末好多時都已經reserve咗俾對方,有時可能會傾一日電話或者facetime一日。大家都向緊自己目標進發, 對婚姻都有一定嘅憧憬同目標。我哋都傾過要結婚黎結束long d, 希望黎緊所有野順順利利 :)
平時一有機會我就會飛過去探佢,或者佢一放假就會飛過嚟探我, 兩個一齊去旅行係最開心嘅時候。
至於佢個人一啲公主病都冇,食飯成日主動提出AA。 雖然我次次都我畀, 但佢就會請我食返甜品 。佢個人亦都冇乜物慾, 最多都係買下化妝品護膚品咁。 咩iphone呀咩嘢電子嘢佢又係完全唔要,唔好。
諗落其實反而佢係男仔嗰邊,佢好理性, 咩都有邏輯,因果關係。而我係女仔嗰邊好感性,重感情嘅人。兩個人既世界好多時都係一凹一凸先會長久
sorry, 一時興起 , 打得長咗少少, 冇心騎劫樓主個post
Long D真係一個信字!好sweet呀
祝你地長長久久