有無人試過椎間盤突出

今年29 不嬲做開運動身體都好小病痛
前排搬屋 一個唔小心彎低身搬重野 無做好職安真漢子嘅本份
第二朝訓醒左邊屎忽痛到醒左 拿拿聲去睇醫生 雖然未照x-ray / MRI
但醫生話我嘅症狀9成都係椎間盤突出
位置係尾3個節 依家好灰彎唔低身 有時坐低又痛 起身又痛 半夜翟醒又痛
想睇下有試過椎間盤突出嘅巴絲 有無係唔做手術嘅情況下好翻嘅經驗

多啲拉筋 拉耐左就會唔多痛
利申 20歲

我之前有
L5/S1

做lumber MRI 先可以diagnose
之後做PT好返，所以唔駛咁(心。

試過，2x 歲
突然壓住神經行唔到，嚇到抑鬱
抖左三個月冇返工，堅持唔做手術
Keep住睇物理治療同游水
之後發現好多人都有但有輕有重，唔好太擔心

我試過呀，會好得番架，唔好擔心咁多先！

我當時生活嚴重受影響，搞到又自暴自棄又抑鬱。。。初時睇西醫，又做物理治療又推拿乜乜物物，最終我係睇脊醫好番架！係要用長時間囉，我醫咗都超過半年，但起碼可以正常做番運動，唔使就住乜都唔做得。。。加油呀！

睇物理治療幫到你，我之前都係咁樣好返

好西利 我想像到你個種痛 我依家都係痛到幾乎行唔到
我想知除左睇物理治療同游水 治療期間有無做d咩去舒緩個種痛 例如拉筋個d?

想問多小小 脊醫係屬於物理治療？係屬於中醫個邊定西醫個邊？
佢係點幫你治療？ Anyway 可摸耳介紹

就咁睇你嘅文字 我覺得似係
不過唔好估估下 睇醫生最好
到你有一日好似我依家咁 坐又痛 企又痛 訓又痛
你就會後悔點解唔正視

照 MRI 睇下邊個位置出事

再去做物理治療

或針灸

游水 會有幫助

咁就一世

發果時真係好慘
行唔到坐唔到訓唔到
但一般做PT
都可以慢慢舒緩
唔好灣腰搬重野發力打波果D
一復發又痛幾個月至半年至攪得返好

做下伸展運動
地球既重力會唔多唔少影響我哋日常生活

做運動（伸展，游泳，跑步之類）都係用黎釋出身體某啲部位既壓力（好似頸椎背椎腰椎，佢哋之間係有一啲軟組織，包括我哋既椎間盤，如果坐耐左，而壓力釋放唔到，就會壓到神經，壓到就會痛

椎間盤突出你可以想像做有啲野喺兩節椎骨之間擠咗出嚟

屌，打字都覺得痛

本身搬野就唔應該彎腰啦
咁撚重既野拎條脊椎骨食力，你當自己泰坦族咩

提下樓主jei
唔洗比膠既
有時一心急唔記得就攪到復發

睇完即刻坐返直

Bro暫時多休息訓下，唔好做粗重野，拉下筋
睇物理治療拉條腰同去游多啲水
試下睇吓中醫針灸

利：我20歲時跌親條腰後無多休息，繼續做粗重野踢波而令病情加重，又無休息，最後痛到行步痛一下坐又痛，結果做要咗微創手術將突出部分切除，依家3張野都無大問題，但係康復左95%最多；灣腰時動作不可太耐及負太重，好唔晒100%！

So take care of yourself

脊醫chiropractor係另類醫學 alternative medicine
唔係evidence based 醫學理論都同主流醫學唔同
佢地會認為所有身體不適痛症都係來自脊醫
而用正骨法 即係啪骨就可以減輕或治癒不適
腰痛唔講 佢地套理論甚至認為手腳痛鼻敏感高血壓都係spine originated
信唔信由你 的確會有人去完啪晒成身係覺得好d
只想話你知佢中西醫都唔撚係

利申physio fg

差唔多6,7年
之前有去政府醫院物理治療,同睇骨科(排左成年先睇到CLS)
爆肺炎就冇去了,但平時游水,拉筋做多D,物理治療師會教你幾招,網上都有
而家算好番好多,可以長企長坐,只有少少痛

識人係咁，痛到行唔到，無做手術，做物理治療好番，過程有D辛苦，加油

31歲
有左年幾兩年
事緣都係一次搬嘢一起果下聽到啪一聲
之後就展開咗腰痛生涯
初初有果時抖咗個幾月
KEEP住做下物理治療 又有去啪下骨
又買咗個腰枕
不過都冇乜起色

我本身做體力勞動工作
我覺得唔會根治到
最辛苦係坐得耐會痛

樓下有巴打講咗，脊醫係唔屬於物理治療，係另類療法無錯，係靠啪骨，似鬼佬跌打咁樣樣啦。。。

PT我都睇咗好長時間，又超聲波，又拉腰，又衝擊波，又針灸，又復康運動，但都無效，我本人係的確係睇脊醫好番，不過要預睇唔短嘅時間。。。好彩我有買保險，有得claim，如果唔係真係要使幾皮嘢。。。

唔公開介紹啦，我會建議你搵屋企附近區域嘅，因為腰痛仲要舟車勞頓都好辛苦。

加油呀，會好番架，我又係腰痛無力又腳痹嗰啲症狀，但我而家都無晒啦，係有時輕輕feel到想發作就去定啪一次半次預防復發咁樣樣。