剛剛分手的你，入黎傾下，大家互相扶持好嗎？(194）

早2日 女朋友同我講分手，我地相差10年幾，一齊左1年零4個月，半同居左1年左右，分手原因係我一路以黎有好多缺點，每次嘈交都係因為呢啲野，而我每次都話會改，我真係有努力去改，但可能改得唔夠多，今次仲話我唔上進，睇唔到我地既將來，唔再覺得我係結婚對象，話愛到好攰，機會比左太多次，同埋無左以前既感覺， 我承諾叫佢比多最後一次機會 我一定會改變，但佢已經好決絕，叫我放過大家，我有同佢啊媽傾過，因為佢同啊媽感情好好，但 佢啊媽都覺得好突然，佢話覺得應該唔係感情出問題， 同我講 叫我比啲時間佢冷靜下 諗下，又話唔知點解佢女會咁大轉變，佢啊媽搵佢傾下計都好似唔想理咁，今日佢都無返工，我覺得佢有心想避開我 。我好想證明比佢睇 我真係的起心肝改，琴晚開始落左街跑步，我會為左搵工去操體能 唔會淨係得個講字，到今日佢話想上黎我屋企汁野，但唔想我係到，唔想見到我，唔想再糾纏落去， 我有同佢講 叫佢親自上黎汁 當最後道別又好咩都好，但始終佢都係say no ， 😔

同埋近排佢有好多好多事煩緊 ，唔知係咪因為咁樣影響到，佢係一個好易就鑽牛角尖既人，同埋佢好易比人影響到

有無人可以同我傾下

睇見你話相差10幾年 跟住見你話操緊體能去搵工
咁我估你年齡都唔細啦 係咪冇一份固定嘅工作
搞到佢冇安全感啊

多數有第三者介入/一早淡緊
利申： 9年一句淡就分 無先兆