剛剛分手的你，入黎傾下，大家互相扶持好嗎？(194）

早幾日long d 分左，
真係好無力 突然間好似少左個依歸咁。
long d係一個問題，加上我無成日體諒佢。搞到佢壓力好大，本身佢已經好忙，分開後佢想專注係自己既事業想繼續追夢。

其實諗深一層我同佢哩個情況要繼續long d 真係好難維持，一黎我事業未穩定，無辦法令佢感覺到安心。二黎佢係歌唱事業，年齡真係重要，疫情整到所有計劃都delay曬。

大家有個共識咁，各自為自己現在可以努力既方向再努力。緣分未盡既話話唔埋大家仲有機呢

挽留我梗係有試過啦，但都尊重佢既決定。
繼續做好自己

你識咁諗真係好叻 好成熟

520同個大男人性格嘅男仔分手 精神爽利

佢話我唔夠成熟，分左手我先識諗番咋

拖拖拉拉左一個月，放完復活節假期佢都係咁冷淡星期日唔陪我，兩個禮拜先見一次面。一見面都話返工好攰，面對我既傾訴又話頂唔順我負能量爆棚。連續咁嘈交，好似連感情都嘈到所剩無幾。我都只係想要啲安全感要我愛既人陪下我啫，但佢又話我太玻璃心，唔應該成日諗住佢。話我既感情俾左好大壓力佢。

上個禮拜同佢用電話講分手。之後個幾日我又挽回。我出盡奶力諗住去佢屋企樓下見佢。點知佢一個電話打黎話唔想落街。我喺電話問佢佢仲係咪我愛人，佢又話暫時仲算係。仲叫我快啲返屋企。之後我收左線，我將自己遊盪既地點擺左上ig story佢睇到之後，夜晚十一點幾打黎問我去左邊點解咁耐仲唔返去。傾左一陣又收線。

好啦我俾左幾日限期佢同我冷靜下，大家個兩日都冇再搵過對方。我用左一個禮拜慢慢接受左佢唔愛我既事實，亦都放棄左搵佢。琴日佢突然間出現搵我食飯 話今日520。之後拖起我隻手同我一齊行街食飯。夜晚又突然間搵返我，話佢要去邊度返工。之後又約左一齊食飯。又拖住食飯行街。

到左今日又去返大家冇搵大家既狀態。呢個禮拜連早晨早抖都冇埋，感覺自己好似係攝時間既工具咁。

我一覺得自己失緊戀佢就會出現，然後佢就會話忙，好忙個種。我問佢咁你都會食飯飲水去廁所掛。佢又話忙。咁其實呢個人係咪真係忙到連偷少少時間既能力都冇呢？同我回覆message 好似要用好多時間心機咁。明明都已經愈覆愈hea，但佢仲係話佢好忙。好多時都只係覆一兩粒字既時候，我係咪應該乾脆啲咁放棄啦？

我都係long d 分
早幾日仲好開心，有講有笑

突然有啲野trigger到佢，佢就好絕情咁講分手
一直以黎其實佢都想分開，只係有野trigger左佢

我地既問題係
我事業係香港好穩定
而佢似乎就唔想返香港

好老套果D
因誤會而結合
因了解而分開

我果日都係，其實自己都知果晚咁講係唔岩
但都係發左過去
覺得之前佢講咁多次我都係無改到 就心淡
之後就分左手

即係嘈交？

我連嘈咬都無
突然就話要分開

佢話唔想哂時間，覺得冇將來

時間唔關事
最緊要係放左幾多心

無乜點嘈
我成日無體諒到佢
慢慢積累落黎就會佢就對我死心
女人一死心就好難挽留啦
大家要好好對你地既另一半啊

我仲會諗下點挽留
但一諗起佢話唔返香港就唔知點拆