剛剛分手的你，入黎傾下，大家互相扶持好嗎？(194）

我都feel到啊，我內心感覺佢既愛慢慢消失緊。所以真係要時間俾大家諗清楚應唔應該行落去。我真係唔捨得段感情.....

之前仲話除左愛情仲有好多野可以追求。
又話咩女朋友係咪都要兩手準備。
復活節假期之後又問之後係咪唔見啦？
放假又唔想同我出街。

慢慢唔愛果個喺感情上儘佔上風，深愛果個委屈求全處於下風......

同埋佢對我講過我係個好老婆人選
所以佢於心有愧。真心唔知個男人想點

大家唔識溝通囉。你哋幾歲？

係，我feel到佢唔想付出，所以我做主動斬果個。
但我個心真係好痛好痛。痛到唔想食飯，日日飲酒個種。

好辛苦
同女朋友分左手接近一個月，每日都起到流淚
我同佢一齊左一年半多d，同居左一年多d
由中學識起，大專大學有d曖昧，到社運大家擔心對方，發覺大家都愛對方，然後開始拖手，開始一齊

佢係一個絕好既女仔，我好似搵唔到佢缺點咁，對比起佢我就好唔完美
慢慢佢對我由好愛好愛到失望越黎越多，起我唔知唔察覺既時候已經去到想分手既局面。但我依然唔知，太缺乏危機感，起上個月尾佢偷偷地執走曬佢起我屋企既所有野，然後講分手

我真係崩潰左，佢對感情好認真，唔會輕易講分手既人

我挽留，我反省，我問佢姐妹我仲有咩可以做，但佢都已經冇感覺了
慢慢，佢退出左我屋企人既wts gp，拎走左我同佢一齊為未來儲既一半銀行錢，慢慢淡出我同佢有過既痕跡

我知道自己有咩缺點，而家先知真係好遲，唔肯同佢認真諗將來生小朋友既事，畢業一年都未有穩定工作，冇安全感，唔體貼，好多好多，有時真係歌詞咁，懷疑到自尊粉碎。

為左佢我可以徹底改變自己，努力考好消防，變得更有耐性，更識照顧人，更獨立同成熟。但每日既壓力真係好大，真係好大。原先會預自己考消防可以衰兩次左右，但而家我連一次都唔想衰，好怕衰左又要曬時間，曬左既呢段時間好怕我已經冇機會再追返佢，所以我更努力去訓練準備，但壓力就越黎越大，加上失戀既痛同埋節食戒口長期低熱量低情緒，真係好攰。我好愛佢，好想改變，快d俾佢知我可以做到一個完全唔同既好男人。真係好攰，分唔到心攰定身體攰。想食抗抑鬱藥，但又怕影響工作同訓練。想食d開心d既野，又怕體重控制做得差。

好想捱過呢段時間，好辛苦，好痛苦。同居咁耐，你走左，得我一個面對吉屋，但到處都係你既影子。回憶越甜越傷我，你返自己屋企繼續過你既生活，充實，開心；我一個人，夜晚訓起冇你既床，每日都係地獄。