剛剛分手的你，入黎傾下，大家互相扶持好嗎？(194）

話說我同佢FaceTime 講返我感受唔到愛情。真係磨合唔到既時候不如分手啦。講講下既時候佢喊左出黎。仲話其實好愛我。只係嘈交嘈多左佢需要冷靜下，因為佢覺得好似成日都有新問題咁佢覺得好攰。仲講返之前都俾我冷靜過，我都試過唔理佢全日。

後尾講講下講左對未來既擔憂，又講返之後long d、結唔結到婚、話咩驚自己以後呃我之類既野。

最後，我收線前同佢講俾佢冷靜三日時間。如果三日後都唔搵返我咁就當分手

其實我真係唔想分手，但兩個人都因為嘈太多唔堅定咁拖實對方。又真係好難行落去，所以我都係當單身咁行落去。
但我我真心好頹，落到公園諗住跑步都跑唔郁，心情太差咩都做唔到咁

你要學識去搵個原因出黎，睇下大家有冇得改善先可以挽回到。有冇話係咩導火線整到要分手啊？

佢34我24
老實講佢不嬲都想移民，只係因為未夠錢同埋疫情關係所以未去第二個地方。我以為佢之前話好享受同我一齊嘅時間，佢係諗住繼續留低喺香港發展儲夠一定數目之後先至同我去技術移民點知道佢琴晚話可能係自己去進修喎。

跟住講講下仲講埋啲咩結婚問題，琴晚我先第一次聽到佢咁堅定咁講結婚點搞。

所以我其實都唔係好明佢想點。佢嘅諗法太多佢樣樣都想做到但係佢專注唔到又唔夠堅定....

其實三日時間72小時點都可以冷靜完啦掛？

遲到點都好過冇到啊，真心既，價值觀需要磨合。當佢連磨合機會都要放棄既話你都係算啦。

天涯何處無芳草？你搵個俾到機會你既算啦。

有啲人係咁，唔會坦率咁講，覺得講左先做你就唔係真心。但邊有人真係百分百明其他人諗咩啫。