呢句係兩個人嘅和解呢
推石總共有3個和解
第一個和解係阿寶同馬沙,阿寶一直都以為馬沙當娜娜係佢條女,其實馬沙只係當人係自己老母,佢地兩個打從0079就無必要為咗娜娜而打生打死。呢到帶出咗一個反思位就係[新人類可以互相理解]到底係咪真,簡單一句說話就可以化解嘅矛盾令兩位標榜可以互相理解嘅NT打足咁多年。
第二個和解係聯邦同自護,首先好多人睇唔明劇情會質疑點解自護會反水幫手推石,呢到我補充下,地球寒冷化作戰係用阿古捷斯做載體帶住一堆核彈係撞地球前一刻引爆,核污染地球就可以強制拉哂班地球人上宇宙等佢地自然進化成NT,呢個行動嘅動機係馬沙同新自護覺得地球人不思長進蠶食地球,但控制核爆架艦比阿寶射爆咗,變咗真正隕石撞地球陷球產,呢個時候係佢地眼中蠶食地球嘅聯邦軍第一時間衝出去推石,新自護班兵仔原本就唔係想陷球產所以幫手推埋一份,係呢一刻聯邦同自護都明白一直以黎打生打死,原來大家都係咁愛地球。
第三個和解係地球人同宇宙殖民,佢地嘅恩怨橫跨成個宇宙世紀,有追開就知呢到唔多講,個一刻全世界一齊望住個石掉落地球,全部人都唔想陷球產就引起咗精神骨架嘅共鳴用全世界嘅意志推開舊石。
跳出套劇有一個好大嘅思考位就係到底阿寶定馬沙邊個係啱,有人話阿寶左膠阻住地球轉,又有人話馬沙係偏激攬炒撚,其實睇返成個宇宙世紀嘅前同後,你都唔會知道誰對誰錯,聯邦政府嘅腐敗係往後作品有眼睇,但馬沙個套都唔見得正確,Zeta話比你知就算係NT之間都無法做到互相理解,四位咁強勁嘅NT到最後一樣係要靠打生打死黎爭取自己想要嘅野。