Leveraged ETF 討論區

網上搵到篇文「Leveraged ETF Investing」，Tal Miller，March 19 2021

作者用Monte Carlo simulation，測試如果用5年、10年、20年作為投資年期，配搭唔同股債比例投資槓桿道/納ETF會有咩結果



利申：啲圖睇唔明，全部都係睇method、result、conclusion段文字譯出嚟，英文又本身差，唔好屌咁大力

買Leveraged ETF真係賭緊佢長期會上升。
如果長期橫行真係會豬死。

用恒指做例子呀，2018年6月1日係30492.91016，2021年5月6日係28637.46094 (-6.08%)。
根據我嘅模擬，2X ETF會跌21.44%，3X ETF會跌41.56%，真係豬死哂。

Leveraged ETF真係高風險投資。不過唔一定係賭佢一兩日內爆升，都可以賭佢長期嚟講係升。

就算宏觀長期升
佢一星期chok 幾下, 已經無晒d profit

呢d 野同買warrant 差唔多
都係莊家必贏

Thanks，我遲啲搵篇文嚟睇吓。
不過納指好過道指唔出奇。
一來道指只係包30間公司，納斯達克100指數包100間公司，diversifcation程度唔同，槓桿納指風險低啲唔出奇。
同埋道指全部都係行業龍頭，無納指咁多成長股，所以槓桿納指回報高啲都唔出奇。

支持樓主實驗精神

覺得tqqq decay必輸既
可以考慮沽空tqqq喎

睇吓「Chok幾下」係指Chok得幾大力。
2020年武肺Chok得夠勁啦，TQQQ由2020年2月19日59.399，3月23日就跌到得返16.135，不過7月13日就返咗家鄉。

由於TQQQ 2010年先開始有，所以要分析Chok幾下有幾傷，就要靠模擬。遇到1987年黑色星期一、2000年科網股爆破嗰種級別嘅危機，真係會Chok到難以翻身，。

我揀咗一個最差嘅時機入市。喺遇到黑色星期一之前，已經由$100輸到得返$62.01，之後好快輸到得返$16.94。如果撞正咁差嘅情況，就要坐艇坐到1991年中先上得返$100，1991年尾先跑贏返。依吓真係好傷嘅。


科網股爆破仲大鑊，如果你喺爆破前夕買入，真係去到今日都仲未翻身。不過牽涉日子太長，我就唔貼圖啦。

你當隻fund 執咗笠啦

1987黑色星期一
2000科網股爆破（十三年後）
2008年次貸危機（八年後）
2021⋯⋯？

2020年咪有武肺囉。90歲嘅巴菲特一世人只係見過4次熔斷，其中3次喺2020年3月。

講吓2008年啦，不過2008年好難決定最差嘅入市時機。
我當2008年1月2日開始用$100買，2月29日已經得返$60。跟住6月曾經回升去$92嘅，但係9月又碌返落去$3x，去到12月甚至得返個位數。最低位係得返$7，不過你堅持到2013年都會返家鄉。


Leveraged ETF面對史詩式級別嘅股災，真係會傷到難以翻身。買嘅人都一定要認清風險。遇到依種級別嘅大危機， 走唔走得甩真係好關鍵，幾個交易日嘅跌幅可能已經令你坐艇幾年，所以絕對唔係買咗就安枕無憂。

所以唔知binance個隻leverage token會唔會有助降低爆倉風險，定係另一種cap水工具

武肺$58->$18（-64%）
但唔夠半年就正式返家鄉
所以都唔知算唔算股災

最有效能夠避開經濟危機嘅指標係長短債息差倒掛，但只係能夠同你講將會發生，但你唔知到大概幾時發生， 但係當你好彩喺股災之前走咗，咁你用啲咩指標去入市？

遇到依啲十年一遇級別嘅災難係有時間走難嘅。
我有諗過set硬性指標決定股災時嘅離場時間。例如：「如果納指單日跌5%就清倉離場，等眼前嘅危機過去先買返」
因為如果指數單日跌5%，咁個危機通常都好大鑊，一個月內都未必搞得掂。
最難克服係人性，睇吓輸錢嗰陣敢唔敢斬。

原來牛牛而家TQQQ可以融資買，琴日睇都好似無。
不過我唔建議咁做，保證金率太高無咩用，想要高啲槓桿不如玩期權

如果你選擇月供，遇到股災嗰陣本金唔大，而且低位不斷加注，只要underlying 咁一定好快返家鄉架。

弱點係進入橫行市甚至熊市嗰陣會越供越跌。

我同你睇法一樣，遇到特大災難我都情願走咗先，情願高追都唔想硬食股災。

金融海嘯嗰陣，就算遲鈍到房利美被接管、雷曼破產、美林證券被收購之後先走，都仲避到幾吓大棍。
武肺嗰陣食完第一次熔斷都應該走咗先，唔好貪佢熔斷完會即刻反彈。
同埋Leveraged ETF有「decay」嘅特性，就算你等到指數返回股災前嘅水平先重新入場，個價都會低過股災前，可以有位俾你上返車。
當然咁樣講係馬後炮，我接觸Leveraged ETF嘅日子仲係好短，股災嚟嗰陣我都唔知走唔走得甩。