作者：廣東話任務列表
【我只係想幫阿仔印張練字帖，點解隻隻電腦字體都同手寫唔同樣？】
幼稚園派俾小朋友嘅詞語表，啲寫法總係古古怪怪嘅。「雨」字四點要向唔同方向，「户」口個「户」第一劃應該係「丶」，但係有時又打咗做「丿」。呢個問題都好多年，係同電腦字型有關嘅。
只要你屋企部機係用台灣字型，啲寫法就同日常正常寫法唔同。〖圖一〗用六隻字Mac機字型，你睇下，你用邊一款都總會有啲事。有時你打香港嘅字（好似衞生個衞）仲要缺咗字添。用 Windows 嘅朋友，新細明體、標楷體都係隻隻字體都有啲唔同。下面咁多隻字體，得楷書係真正貼近手寫字。但係抄寫嚟講，初學寫字都冇乜幾何會用毛筆啦，基本上都係硬筆，用明體、用楷體，都唔啱硬筆書法。如果我想整返啲硬筆嘅字帖俾小朋友温書，要點？將就下囉，簡體字就有，你用唔用？定係要用娃娃體？
所以我好想有〖圖2〗呢種手寫體嘅練字帖同埋電腦字型。起碼係第一，個筆劃可以跟返香港主流習慣（而唔係台灣標準、中國大陸標準，亦都唔會跟足教育局嗰個字表）；第二，個字型係似硬筆書法，唔好係美術字，等學生可以掌握返個筆順。
而家 cjkFonts 搞緊呢個眾籌，得返幾日時間，想大家幫手。
https://www.cjkfonts.io/campaign/futurefont
整中文字體係苦差嚟，冇乜人肯做。大家有錢出錢有力出力。希望下年今日，中文科、常識科嘅老師唔使再苦惱字體問題，家長温書嗰陣有隻工整嘅手寫字體可以用。
