補返個感想先

首先都係要多謝咁多位支持


樓主好好彩可以兩個故都遇到啲熱情嘅讀者,你哋真係畀到好多動力我
某程度嚟講,呢個故都係一個實驗作嚟,因為愛情故+純口語係小弟以前完全未寫過嘅嘢

亦因為噉個故可能寫得唔係太好,所以多謝有耐性睇完嘅各位

寫純口語嘅故,其實係個幾大嘅挑戰。尤其描寫環境同動作方面,比起書面語多好多限制,變相好多位都要你用字精煉,先可以表達到個意境。再加埋口語成日會有贅字,有時用咗自己都唔覺,呢方面又係要成日晒時間Double check
不過對於鍾意寫嘢嘅人,呢樣嘢都算係一種樂趣。當你用口語營造到某個情境同氣氛,的確幾有成功感
而愛情故方面,始終自己係第一次寫,所以一直好驚寫唔到嗰種甜蜜同感動嘅感覺

最尾個成品唔知大家滿唔滿意,但係都再一次多謝大家嘅包容
本來個故我係預計8-10萬字就完,結果都係控制唔住啲字數,最尾寫到去12萬字

(主要係踢波嗰度一寫返啲動作場景就寫得太high)雖然個故比起我預期中反應唔太好,不過我都明白呢啲冇得強求,唯有繼續努力改進自己
嚟緊都會繼續試新嘢,但係新故嚟之前會喺IG出返個舊故外傳先,有睇上個故嘅可以期待吓

如果冇睇上個故嘅,就不如去睇吓啦
最後嘅最後,如果想支持吓小弟,或者睇吓呢個故嘅一啲設定,可以Follow我個IG

:
https://www.instagram.com/thelastof.us19111/
想方便啲重溫個故仔都可以去紙言,嚟緊幾日會放埋淨低嗰啲上去:
https://www.shikoto.com/articles/233238.html
多謝大家,下個故有緣再見!

