如果儲蓄保係on9, 咁危疾保係咪都on9?

超級小薯仔

743 回覆

37 Like 213 Dislike

韶華如荒腔一曲歌 2021-03-25 23:50:14

cls
1. 真係唔會加
2.中左危疾好似麵麵咁中左一次危疾之後如果有多重保障保費已經唔使比之餘仲保終身

鳩up 之鬼 cls

避難師 2021-03-25 23:54:37

師兄你問完若果係我錯，希望可以分享下
小弟虛心受教

數到三 2021-03-25 23:56:03

冇問題呀
因為你咁樣講完之後我真係想知道係咪真係咁
我聽日問下保險公司嗰邊點講先
你呢個問題好問題嚟㗎大家當多個知識

習以為常 2021-03-25 23:57:34

買d一次過賠既好似抵d
唔會預自己連中幾次掛

數到三 2021-03-25 23:57:48

咁你使唔使留低個公廁email
我send俾你
紅色定藍色？

數到三 2021-03-26 00:01:06

實際上係真係重過之後返發個機會率好高
所以理論上之後係會容易d中多幾次
不過而家第一次中多數都唔洗死嘅，及時醫治同埋個治療方案啱嘅話，頂得順嘅
爭在係如果冇耐之後再中，身體第二次冇上次咁好就會頂唔住就應該唔得嘅，多數係連續出現兩下身體未復原得晒就會搞唔掂
因為我見幾個身邊嘅第一次中完，包括親戚都仲生存緊，如果當真係唔好彩短時間中多次就真係唔敢講

數到三 2021-03-26 00:09:31

話說我見bowtie咁講嘅
就話保險公司有權加價嘅，但係個情況應該係出現太多人claim爆pool 又或者佢個投資部食咗屎就會出現呢個情況

好似同你上面講嗰個本身利息唔夠抵償保險成本呢個唔同，因為佢加價都係抵消番投資失誤又或者太多人claim個情況，同埋佢呢個應該係講緊供款期入面嘅保費有機會增加，供斷左年期嘅受唔受影響就好似唔喺呢個情況入面

聽日我再問吓真實情況係點，我依家都搵吓資料先，巴打如果你搵到資料都可以喺度一齊講

超級小薯仔 2021-03-26 12:20:45

佢腥左比我了

馬斯修茲 2021-03-26 12:46:09

5x歲供完
但保額仍是30年前？

陸親條野 2021-03-26 12:58:42

hello 保險佬

數到三 2021-03-26 13:22:51

定期危疾同埋終身危疾保額都係鎖定㗎喎
例如當定期你30年前你前買100
之後覺得唔夠想加多30 都要買多份先補到架
爭在佢話保額多咗嘅情況，係講緊退保又或者身故賠償又或者進行嚴重疾病索償，年期長嘅時候，係會除咗保證部份之外連埋飛保證部份滾存嘅紅利一次過派，所以係會多咗，但係如果話以多重賠償去計算第二次賠償都係按返你買嘅時候嘅名義保額去賠

我諗佢意思應該係咁

數到三 2021-03-26 13:49:24

有答案啦
你呢個問題可以分開兩個方面去講，一個係供款期間會唔會加保費，同埋一個係供完之後會唔會出現保險成本增加到蠶食本金嘅情況，需要再額外比上去。

首先講下面嘅情況，係唔會嘅。因為例如保險公司喺危疾保單上面寫到明，保障至一百歲，就係講緊結束供款期後份保單可以持續至保障去到一百歲嘅危疾索償。所以係唔會出現供款期之後需要顧客額外加上其後可能增加嘅醫療通脹成本上去，同埋因為保單入面有保證金額係入面，所以無論係進行索償又好，退保又罷，過咗供款年期之後你想攞返保單上面寫住嘅保證金額係一定可以攞到，係非保證部份就視乎實現率同埋投資部嘅投資表現，但係就一定唔會出現蠶食本金呢個現象，同埋本身危疾保單嘅利率都係大概2%多少少，係叫做高過通脹率既，危疾保障上面係可以嘅，但如果你係話用嚟投資賺錢嘅市面上其他工具會仲好，要分開投資同埋保障。

至於第一個問題就比較複雜啦，保險公司係真係有權可以喺供款期間加保費嘅，有呢個權限嘅。但係會出現呢個情況呢，就主要得兩個原因，一個就係居住地內買咗保單嘅人嚴重疾病索償人數突然增多，又或者短期內人口死亡人數增加，所謂嘅claim爆pool，咁就有機會喺供款期間調整保費。
問題就出現啦，呢個情況算係比較極端，即係一個地方又話識國家會唔會25年之內大量出現癌症第三期，又或者大批買咗保單嘅人突然死亡要出現死亡索償，咁先會出現動搖供款期間保費呢個問題。因為呢個情況唔可以話冇得出現，只不過呢個係情況比較極端，同保險公司都會執笠一樣，唔係唔會出現但係個可能性嘅多少。
同埋以目前現狀，全世界出現人口老化呢個問題，意味着每個人嘅死亡時間係推後咗，保險公司要就住買咗危疾保單嘅人去進行死亡索償既時間推後咗，保險公司理論上係可以有更長時間滾存更多利息係賺多咗錢。至於每個地區嘅保險成本係因為人口老化帶來嘅醫療通脹係增加緊，但一個係反映喺醫療保險嘅保費上面，唔係反映係危疾保險嘅索償或者身故賠償上面。人長命咗係醫療成本上面上升，但唔代表會因為長命多咗機會中癌症，但其他例如老人家小毛病嘅係會出現，但呢個就唔係屬於嚴重疾病嘅行列都係小病小痛或者長期病，所以唔會影響危疾疾病個風險。至於如果真係25年入面真係出現加保費呢個情況，係真係好多人長命得來有好多人中嚴重疾病先會有，因為呢個真係影響緊危疾保險嘅賠償率。

至於最後一個問題，儲蓄部份同危疾部份係咪分開計算去到最後有機會保險成本增加上去蠶食本金，呢個就錯嘅。你上面講嗰個情況係真係講緊醫療融資，即係用一份普通儲蓄人壽單嘅利息去幫往後醫療保險供款，因為醫療保險同我上面講嘅一樣因為人口老化原因幾乎每年都有加價同埋保費調整，儲蓄人壽嘅利息幾乎係固定又或者係有小無多，加上醫療保費隨着年紀增加係會越嚟越貴，咁就會出現你呢個情況儲蓄嘅利息唔夠抵償不斷增加嘅醫療成本增加，就會出現蠶食本金嘅情況開到最後唔夠錢去供款。

巴打希望呢個可以解答到你，如果有唔明白可以繼續指教下，大家理性交流下，我都增長咗個知識因為我都驚自己一直理解錯咗都唔知。

避難師 2021-03-26 13:51:41

good to know

咁危疾會唔會因為個人 claim過而加保費？

數到三 2021-03-26 13:58:35

唔會呀
喺投保前嘅健康申報就會影響你嘅保費，投保之後出現嘅疾病唔會影響你之前投保嘅金額，當然如果本身有嚴重疾病係買唔到啦。只不過係例如有病歷係身，就可能出現有不保事項或者需要+50%保費先可以受理，但呢個係買之前就已經係反映你交緊嘅保費上面，買完之後有任何醫療記錄都係唔會

同埋如果當你係定期又可或者儲蓄危疾，如果真係出現咗嚴重疾病索償，咁張保單已經係結束咗，因為已經係賠償咗出去
爭在如果係儲蓄危疾就係因為有多重賠償機制，就會額外保障疾病等候期後或者新病嘅新嚴重疾病，賠多幾次甚至無限次。
係定期普遍主流就一次就玩完結束，市面上都有多重嘅定期嘅e.g cigna，機制同上面差唔多只不過呢個係保障你去到一定年期，上面係去到一百歲，呢個就係年期所產生嘅保費差異同埋個產品特質唔同。
所以同我上幾日講嘅一樣針對返自己需求去選擇啱自己嘅就可以，因為兩種產品針對嘅保障年期同產品特質唔同，唔係有話所謂agent broker賺得多同賺得少嘅分別

淫賤吹吹波 2021-03-26 13:59:53

係

蟲草川貝母 2021-03-26 16:37:21

好呀，轉比你供

登錄中 2021-03-26 18:49:12

轉個名比我