如果儲蓄保係on9, 咁危疾保係咪都on9?

點解紅色代表跌 綠色代表升？？？
https://lih.kg/aMcjDqV
#22 回覆 - 分享自 LIHKG 討論區

邊個話儲蓄成份保險唔會加保費？
你有事佢一樣照加，只不過係係你供佐個D錢到扣
唔洗即時加供款咁解

其實點解要買危疾唔買醫保？
危疾既風險係佢有病時候不能工作都可以應該生活開支
而家你老豆人都老，連份保險都要你幫佢供，我估應該冇好多生活開支係depends on佢既工作掛？
買醫保有幾多claim幾多咪算

笑撚佐
攪清危疾保險想cover既風險先
危疾係用來cover因病工作唔到期間既生活開支。一個70歲已退休既人，suppose d仔女都大個晒，冇幾多開支係depends on佢既工作（which佢其實根本已經冇再工作）
所以佢根本唔存在呢個風險

佢呢個年紀應該持有既係實報實銷既醫保，which係實實際際對沖緊醫療開支既保險

再者，危疾60萬保額，醫病都唔撚夠，仲講咩留俾仔女。

買自願醫保pool rating
唔會因為個別受保人有病而加保費

我屌你老母AIA 定AXA呀

你講到買份連saving 嘅CI 唔洗過underwriting,
根本兩樣都要過UW, 有撚分別

隻IT狗唔會識呢啲野， 佢以為人地quote個價比佢就一定受佢玩

網上核保同傳統核保既分別，同儲唔儲蓄冇關。儲蓄保多數冇medical assessment

好撚多人聽見係“危疾”就好不安
然後以為買佐“危疾保險”就對沖晒D危疾既醫療開支
根本危疾保險呢個名好誤導

最慘係有病，但因為窮而冇得醫
又或者要賣樓來醫病
成個家庭因為你個病而走入經濟困境
就算有D錢都好
到要醫病個陣都仲要諗住D錢洗唔洗好
真係好撚悽涼

可能真係寧願意外“噠一聲”就走佐可能仲好過D

根本所謂供斷只係一個未知既假象
唔係一層樓咁樣明碼實價供完就永遠係你既
儲蓄保到時佢派幾多紅利，保費加幾多你完全控制唔到
買term可以自己keep住多D錢，起碼可以選擇多D唔同既product去收息cover保費
就算幾承受唔到風險，起碼你都可以選擇買美帝收2%去cover
或者乜都唔買，拎返現金直接用來有事個陣自救
個個flexibility一定比買saving plan好

可以只cut 住院，其他保留，慳返幾千

危疾還危疾 全部有投資字眼 例如儲蓄 就係on9
正正常常一份醫療一份危疾 一年都係2000鬆
斷供算吧啦

Ok

睇呢度都好多人搞唔清危疾用途
講真65歲你都退休要份危疾保一世托咩
退休本身就無收入

呢個我唔明喎
首先佢講定期續保要加保費已經唔成立啦
當普通病嘅唔會加到 嚴重病嘅已經係claim咗 結束咗合約
至於你講嘅儲蓄危疾加保費都係唔成立
保證續保既 就係講緊不論任何情況都會續價錢統一嘅
同埋當出事嘅話儲蓄危疾而家嘅條款係進行嚴重疾病索償之後保費唔需要再交因為結束咗
剩低嘅多重賠償係當係額外比
呢個意思先啱喎

最多可以扣到8000既17%即係1360
即係當你份保險交到8000嘅時候可以扣到千三稅

Erm而家嘅話基本上揀得啱嘅自願醫保會比一般醫保好
但係某幾間嘅一般醫保又比市面上大間主流嘅自願醫保好
所以都係睇你揀唔揀到各自範疇入面做得好既幾間公司

攤長個槓桿唔係仲好咩
因為我成日覺得小朋友買危疾有啲多餘
唔係經濟支柱 最多話分擔父母壓力
醫療好似實用d

正常例如因為健康問題加保費係投保之前已經會同你講 +50%之類
但係如果投保之後會因為新出現嘅問題加保費就真係冇聽過 特別係自願醫保或者係近十年嘅醫療保險
至於你講嘅每年加d保費
應該係講緊每年個保費表嘅價格調整？
呢個係全世界加嘅唔係你一個，純粹係調整返個醫療通脹個收費
即係例如你買嗰陣個保費表係寫 50歲1000 51 1100
52 1200
但係你過兩年之後發覺52係 1300 咁呢個就唔需要擔心既 純粹係保費表調整過全世界都會加既
你係咪講緊呢個意思？
因為如果唔係pool rate既medical 我淨係聽過好早期嘅axa有出現過 我嗰陣見到都好surprise

咁冇收入嘅時候有病都會用多咗錢嘅
爭在到時小朋友大左可以幫手分擔定係點
當係危疾繼續買落去嘅都係幫仔女手唔會叫做好拖累佢地本身生活
即係如果到時本身已經有被動收入解決到有病之後生活費要需要多咗嘅問題，即係唔計話家用要多少少去幫補，自己解決到嘅咪仲好
為人父母嘅自己解決到咪自己解決，當你自己係仔女唔會睇住自己老豆老母死，但係又會諗如果佢哋當初有安排好自己又唔需要咁辛苦，咁嘅概念咋嘛

如果保黃金年紀就足夠嘅純危疾會抵玩，買長到70以上，儲蓄危疾就會性價比高d，因為去到呢個年期2邊保費就會差唔多，但係就會多咗之前嘅早期危疾同埋之後嘅多重賠償，不過保費貴純危疾兩三倍，睇自己能力考慮比較好

因為你撈亂佐供款同保費
而家D人買親既都係儲蓄單做主單，危疾做副單（冇錯，你最需要既危疾都只係副產物，所以你一cut儲蓄就要連埋危疾一齊cut，保險公司焗你冇得斷供）
你既供款係供落去儲蓄個部份，而保險個部份本身都係要收保費。
而危疾個part d保費就會係儲蓄個part到扣。
所謂供斷一份保險既意思就係，你儲蓄個part舊錢大舊到可以用個D錢所得既“紅利去cover到危疾，而唔係你俾佐一大舊錢就好似買樓咁買斷佐個危疾保，以後冇代咁屬於你。

簡單D講儲蓄單即係用一大舊錢去生D紅利去keep住養保險。同一道理就好似你自己開個銀行account擺200萬入去做定期，然後拎D息出來供一份term既危疾，唔同既就係而家保險公司做埋銀行個個角色。

咁個問題就係點解儲蓄都可以加保費
原因有2
1.危疾個part保費會隨年齡/通脹增加
2.儲蓄個part既“紅利”比簽單個陣既預細，唔足以cover危疾既保費（注意點解係“紅利”而唔係“利息”，因為“利息”係債務既代價，係guarantee要俾你，唔俾你既話，你可以清佢盤。而“紅利”就係公司賺錢先分俾你，佢鐘意唔分俾你你吹佢唔漲）

當上面其一/兩者都出現既時候，就有入不乎支既情況，要係份儲蓄個part到扣錢去供危疾，萬一扣到冇晒就要開始返供款。

至於保唔保證續保，其實冇咩意義，到你99歲，佢加保費到每年一千萬，你續唔續？

以上呢堆野，保險狗係唔會同你解釋。

exactly 我而家個情況

儲蓄危疾都係概念嘅咩
你上面講呢個情況應該係講緊所謂嘅醫療融資先係喎，即係用儲蓄單嘅息去供份醫療
儲蓄危疾都係嘅咩？因為以我認知真係有講實話例如25年供款兩萬蚊一年，就係兩萬蚊一年供25年就會買斷咗份單，爭在你話25年之後通脹卷個實際金額係咪今日個實際金額就係後話啦
因為儲蓄危疾佢有個保證成份係入面，係講到明啦一定年期之後就會保證個退保價值等同返個供款，紅利部份係另外計算，所以我都奇怪真係會出現之後嘅供款會多咗呢個情況

不過如果你講嘅呢個情況係真嘅，我聽日都向保險公司查詢下睇吓有冇呢個例子可以拎返出嚟同大家分享，因為你呢個講法喺儲蓄危疾上我都係第一次聽，你搞到我都驚驚地