有冇人參加過 speed dating或 單對單約會 安排

之前有冇拍過拖？現實圈子細？
而家點解想拍拖
玩左咁耐交友app有冇約出黎？
點樣溝通唔到法？

咁點解會想拍拖
自己一個唔好咩？

讀書果陣拍過，因為我生活基本上冇人講野，太悶，想有另一半一齊生活。

交友app keep住約左6年

聽唔明人地講乜，再加表達唔到自己

除左樓下看更講早晨，冇人同我講野，太悶。同埋想搵個生存理由+動力

我冇圈子，我圈子只有我自己

不如養寵物

住嘅地方養唔到
同埋渴望愛

如果你慣左冇人同你講野
自己一個人
其實身邊有個人你會仲唔慣
你上面都話唔明人講咩

如果想改變既試下識下朋友同多啲人溝通先
唔好一味諗住拍拖

咁我知問題係邊，其實我需要錢
社交要洗費

係囉

23~26歲既男仔玩speed dating係味等做炮灰

我而家女友都係單對單識, 我那間貴少少, 不過年齡唔同收費都唔同, 後生平D . 千零蚊見一個.
貴都有貴好, 個女仔同意見你既話有後續既機會都唔低. 始終一開始就將外在條件比哂條女睇, 職業, 身高, 樣, 搵幾多, 有冇車樓之類. 如果條女咁都肯見你就過左最麻煩那關. 剩返就係睇溝通/社交能力. 識講下笑, 有D幽默感應該都可以有後續.

1on1見既時候緊唔緊張

都唔會緊張, 見多啲, 熟習同女仔相處就ok

通常你會講咩話題

第一次見通常都係講下工作同興趣, 不過除非冇咩話題, 工作可以講少啲, 特別係個女仔既工作, 唔係就好易好似見工咁.
如果你地既工作好有話題性或者好特別又唔同, 講起上來有趣味. 否則如果佢做文員秘書你做IT工程咁只會悶親大家.

睇戲, 運動, 旅行, 飲食, 寵物, 音樂, 笑話, 童年經歷, 動漫遊戲 (如果個女都鍾意, 個女仔本身冇興趣就唔好講), 比較大路既可以講多啲.

最好唔好引導話題去到啲價值觀既野, 例如政治, 理財, 婚姻觀念, 係咪會生仔, 買樓, 移民(除非你好強烈想搵一個同你有一樣睇法既人). 否則可能你一句唔為意既話說可能令佢覺得同你唔夾. 佢唔會即刻表現比你睇, 但會無聲無色地玩完.

最後就係要盡量有幽默感, 令個女仔覺得你funny, 有時不經意自嘲一下 (記得幽默通常開頭都要以自嘲行先, 唔好嘲笑其他人)(例如講一啲自己好瘀既經歷), 但自嘲唔等於自卑, 唔好比佢覺得你冇自信(如唔好講自己條件差冇女仔鍾意),
https://www.hk01.com/%E8%81%B7%E5%A0%B4/423712/%E6%BA%9D%E9%80%9A%E6%8A%80%E5%B7%A7-%E5%9F%B9%E9%A4%8A%E5%B9%BD%E9%BB%98%E6%84%9F%E5%8F%AF%E9%9D%A0%E8%87%AA%E5%98%B2-%E6%8E%8C%E6%8F%A15%E5%A4%A7%E8%AA%AA%E8%A9%B1%E6%8A%80%E5%B7%A7%E5%8A%A9%E6%94%B9%E5%96%84%E4%BA%BA%E7%B7%A3

我諗睇戲 運動旅行呢d大路野會輕鬆d自在d 起碼1對1傾落會無咁odd 睇黎巴打好有經驗

其實speeddating 都唔少呢類 唔使諗咁多照去啦

基本上你同佢講你既經歷同興趣就等於同佢講將來同你一齊可以經歷啲咩,

因為大家都係想搵個相處啱傾同有共同興趣既人囉