去過一次
我本身唔靚都預左唔會受歡迎
但我去果次玩法係每個傾十五分鐘左右
個男既會shift位,最後可以揀六個(好似係)
咁大家都有揀對方大會就會俾佢個contact你
全場好似十幾個男十幾個女咁
女望落去冇太騎呢既(外表上,談吐我唔知因為冇傾過)
所以正常應該女係個個都會有人揀,但我係0
然後講下男係點
十幾個入面大約一半正常,我最記得有兩個
第一個男,好似做IT(其實全場超過一半都做IT)
佢個樣都有少少毒,但一開口真係不得了
係超緊張食晒螺絲,又唔敢望住你咁
不過好明顯佢去過好多次,諗好晒開場白同話題
就係一坐落黎就講你一啲面相既野(但明顯9up)
例如話我額高,代表啲咩咩咩
但我額一啲都唔高
跟住講旅行,我ok既,講下岩岩一個人去完荷蘭睇花
佢聽錯台灣九唔搭八左一輪
總之全程戥佢好辛苦,不過我諗佢都係當有個機會練習下同女仔講野會冇咁緊張都好既
另一個
係成個果啲新界圍村土豪阿叔咁
目測40或以上
一坐低就講自己遲左黎因為屋企隻大狗點點點
言談間透露自己住成棟村屋,手戴金鍊
然後又話自己做律師乜乜乜(但係何君堯咁既味道)
總之講左幾句已經覺得佢滿口銅臭味
我一心去都係想見識下啲人係點
但最後一個人都冇揀我都有唔開心左一排
其實成件事如果你有match,就好似真人版既交友app咁
一開始面對面傾左十幾分鐘,但之後返到去都係交換contact溝通再約出黎
我覺得分別不大,傾果一陣都唔會知啲咩
如果單對單真係針對你要求揀人俾你食飯我估可以傾得深入啲會好啲
利申好幾年前既事黎,已嫁人