605尺實用 32萬裝修 你問我答（4）

文青巴
https://t.me/hy0348
麻煩你pass個contact比師傅，或幫手問吓師傅得唔得閒

做緊廚廁防水，師傅上左一堆料，黎緊應該整廚廁瓷磚。


打算客廳 房間 廚房 用同一款木紋磚。廚廁牆身磚用兩款白色雲石磚。不過雲石磚包裝包得太密實，所以影唔到。



合約分四期俾錢，試完水俾第二期錢。師傅做左好多野，同埋上左好多之後要用既料，但因為未試水，所以我未洗俾第二期。 唔知出面係咪咁，不過個做法我覺得幾舒服。


新年之後日日都有伙記開工，師傅預 4月中尾搞掂。遲下鋪好磚再同大家分享。

廚房同浴室試水完成，聽師傅講黎緊會整廚房浴室既牆身瓷磚，全屋底油同批灰。




另外見到場內有好多卷電線，隨便影左兩卷，見到有BASEC既logo. (British approvals service for cables). 應該係好野黎。

樓主可以介紹？
舊樓全爆實用365

俾左第二期錢，睇返合約原來係分5期，唔係4期。
20% 簽合約
30% 谷磅及試水完成
20% 鋪完磚後
10% 安裝完廚櫃及門
10% 工程完成後


今晚去睇，見到已經鋪左少量廚房牆身磚，原來要落咁多找平器。略略檢查過，無空鼓情況

30% 鋪完磚後

真心平，如果用到10年簡直回本，做多次都抵，好過搵啲仆街裝修公司比佢呃

真心平，仲要睇落整得唔差

D 濕星野，例如冷氣，熱水爐同浴室寶都係比裝修師傅裝埋？ 洗唔洗加錢

想要師傅contact 唔該樓主

裝修開始入大直路。廚廁既牆身磚地磚全部鋪好，客廳既木紋磚今日鋪好。 仲爭3間房既木紋磚就完成全屋地磚。

廚房客廳木紋磚通鋪，廚房同大半個廳鋪好左保護板，所以影唔到。下面係今日鋪既位置。


成間屋我最鐘意係企缸，設計係由師傅建議，隻色會深過客廳既木紋磚，出黎效果好滿意。




早幾日同廚櫃師傅，裝修師傅，師傅助手一齊係現場傾廚櫃設計。兩日就出左設計圖，之後傾左兩日，有些少修改。今日出埋3D 效果圖。廚櫃德利板顏色係老婆選擇，用左粉藍橡。








等緊師傅親自覆尺，覆完就同廠落單。師傅話順利既話預一個月到。

浴屏款式方面等緊師傅俾款我選擇。決定埋浴屏之後廚廁部份就告一段落，可以交哂俾師傅處理

工程下一步應該係批盪油漆，等師傅整好我再分享。

最後，再次多謝文青巴介紹。

地板就快鋪好，仲爭一間房就搞掂。




今日同師傅助手傾完，決定埋大門同浴室吸咀款式。

老婆決定浴室吸咀用雲朵拉灰。


大門吸咀諗左好耐，都諗唔到用邊隻好。最後決定用黑金沙，配合返大門既黑灰色。

求推介

自己留tg

Thanks bro
https://t.me/missk_kV

全屋地磚部份幾乎完成，爭部份掃口粉未整。 師傅既伙記開始整批蕩。批蕩方面睇到有地方有瑕疵，同左師傅講，師傅話會執執。最緊要師傅肯處理，處理好就無問題。

師傅話月尾前要決定好油漆顏色。所以我去左立邦油漆工房借色卡。睇返合約用既係立邦淨味兒童漆，應該係立邦最貴個幾隻之一。

張色卡有差唔多2千隻色，兒童色漆個色號要有4字尾，有931隻。
上網睇左熱門既顏色，暫時打算用呢幾隻色。

天花- 全屋用純白色
客廳- OW067-4 杏子灰
房間 - NN5210-4 波音飛機
兒童房- NN6801-4 康塔塔
電視牆 - 未有岩心水，可能用返杏子灰。

但睇落好似都幾深色，考慮緊全部淺一個色調。張卡向上一格就會淺色少少。




就黎1001， 想補充少少，師傅係一個總數包哂成個裝修工程。我間屋做左好多報價單以外既野，係無另收錢 。

1） 原來間屋係有2層地磚，所以要打拆2層。
（已整）
2）上手全屋天花同牆 都貼哂牆紙。清完之後，全屋極多地方要整士波寧。（已整）
3）廚房窗旁邊外牆有些少油漆剝落，師傅話會幫手執執。（未整）
4）廚房換左一隻窗。（舊窗已拆，等緊新窗運到）
5）因為舊樓好多橫樑，入屋之後有個好大既長方型凹位係頭頂位置，師傅話唔整假天花好影響效果，照整假天花唔另外收錢。（未整）
6）全屋角位 包括橫樑同柱，都落左個角條，會工整D 同無咁易撞崩。 （已整）

之前搵左好多報價，師傅呢間唔係貴，但都唔係最平。不過報價單項目係最清晰。最抵讚既係，工程入大直路，到目前為止都未有報價單以外既後加數。

如果順利應該4月中尾完工，到時再補相分享。


外牆

樓主你有冇換煤氣喉

有既話搵邊間？

求師傅TG
@leelee99

https://t.me/Filbre17
年中想裝修，求介紹

你個嘢壞咗