電鋸人+炎拳 深入討論 [長文]

電次的確唔會主動揾mkm，而係咁啱見到mkm先講

但電次每次懷疑人生，都只係會同mkm提起，唔會同其他人講

所以喺電次心目中，mkm有特別地位

睇番第一集，我會覺得電次對呢個社會好失望：
-明明都已經聽大人話，唔去反抗，但都被大人背叛，覺得社會好無情
-電次既願望好簡單(麵包塗果jam etc)，但佢覺得連咁簡單既事都實現唔到，令佢好失望

遇到mkm後
-電次叫mkm抱佢，mkm就即刻抱佢，令電次再次覺得温暖
-mkm叫電次聽佢話去做公安，相反mkm就會實現電次既願望(果jam etc)

如果母親既角色係：
1.會俾到温暖俾子女、只要子女聽話就唔會罰佢地
2.提供一個適當既環境去幫子女實現願望

咁電次應該第一集就發現到mkm有母親既一面

樓主有自閉？

炎拳83集係乜撚野事? 爛尾?

同埋82集個到做乜鳩 有冇物理學家可以解釋下

首先你要知道個故事情節鋪排：
1. 奴隸城篇
2. 拯救尤達篇
3. 失憶篇（eg. 第82、83話）

呢3篇都係問緊：
-人注定要死，活著有好多痛苦，點解人仲要活下去?

而作者向阿格尼出左3條難題

第一條：
-妹妹露娜（生存意義）死後，點解你要活下去
阿格尼既第一個答案：
-不想就這樣向這個世界投降（奴隸城篇）

第二條難題：藤本提高難度
-殺左利賀田
-要阿格尼背負殺人既罪
-要阿格尼背負説謊既罪惡感（呃特娜同尤達）
第一個揾到既答案唔足以應付第二條難題，所以阿格尼又繼續自殺

阿格尼既第二個答案：為一個新既生存意義而活下去
-第66話：當阿格尼知道失憶猶達接納同包容自己既罪孽，將猶達由露娜既代替品，升級為重要既人--新既「妹妹」，新既生存意義

第三條難題：
藤本又再提高難度，令阿格尼失憶，令佢連自己既生存意義都忘記埋。

第三個答案：相信人係有能耐承受痛苦
-阿格尼睇到電影中既主角一次又一次企番喺身，對於電影主角承受痛苦既能耐感到震憾，燃點左佢內心既生存欲望，相信自己都能夠承受任何苦難，於是冇食毒藥自殺

82話同83話講乜？
-同你講，阿格尼今次靠第三個答案活左好多年。咁即係話，人就算唔知自己嘅生存意義都可以活下去

THZ A LOT
想問埋, 呢到我睇唔明點解佢會喊

呢個時候條女已經知道佢係炎拳?

定係佢叫佢幫手殺炎拳個下 睇佢反應已經知道左?
定係係再之後先知?

呢度可能係勾起左特娜同佢親生哥哥妹妹既回憶
第60話有提過特娜有哥哥妹妹(不過死左)

特娜十年後先知，知道既過程係：
1. 奈奈特去揾阿格尼，過程中透路左佢既真名係阿格尼（第65話）
2. 當時特娜既細路在場，番到屋企將成件事話俾特娜
3. 特娜雖然未見過炎拳，但知道炎拳個名叫阿格尼，所以知道佢=阿格尼=炎拳

特娜一直都好想殺死炎拳，知道真相後想殺左佢
-第67話：拎住槍企喺阿格尼房門外

但點解佢會話查到佢係邊?

當初阿格尼救左奴隸，喺某條村做根據地，被奴隸當神拜

我估：
呢個消息傳左出去，特娜由其他人得知呢個情報，以為炎拳仲喺嗰度

睇到咁認真
我當作者放飛自我咁睇

我仲有啲位唔明 :
1.貝西姆德魯克係點決定邊啲人做薪柴邊啲人做居民?
2.貝西姆德魯克入面既女祝福者有冇可能做居民(唔計尤達)?
3.貝西姆德魯克係咪冇祝福既女人都被迫做奴隸?
4.貝西姆德魯克入面冇祝福既男人會點? 直接處死?

呢個超唔明 :
5.點解扮冰雪魔女個條友要扮冰雪魔女去救男主(比動機佢生存落去)?

BTW 去人化真係好恐怖
而家我打薪柴呢個TERM出黎都有啲想嘔

1-4:漫畫冇詳細描述關於奴隸城既運作，所以有好多既想像空間。我估：

奴隸城既薪柴來源：主要由城外捉番黎
-eg. 第一話德瑪出場，告誡手下「今天可不是來抓奴隸」，呢度可能暗示緊平時會出城捉薪柴
-如果將擁有祝福既居民隨便變成薪柴，咁樣個城市既居民會人心惶惶，咁奴隸城既統治會唔穩定
-最穩陣既方法應該係捉城外人做薪柴

另外，我估奴隸城既普通居民大部分都係冇祝福能力
-漫畫既世界觀原本就係祝福者佔少數
eg. 阿格尼原本村莊得佢同露娜有祝福能力

5: 唔明你條問題
你係咪將冰之魔女同尤達撈亂左？
-尤達變樹去幫阿格尼（第80話）
-冰之魔女冇變樹去幫男主（只係塊臉變左少少），之後被桑殺左（第71話）

冇錯，真係好恐怖
所以有時我會諗，最慘既人其實係桑

桑最初喺奴隸城被斬左雙腳，象徵：
-被奴役既日子中，深切體會到人世間既殘忍、自己既渺少無助，粉碎左之前既樂觀心態，失去左支撐自己既信念/價值觀

桑被救後，依然擺脫唔到心理陰影，繼續渴望一個好強大既存在(神、炎拳)可以去保護佢

佢裝左對人造義肢，象徵：
-桑只能靠自己所創造既宗教，去支撐佢繼續活著

呢個點解佢要扮冰雪魔女比動機男主佢生存落去

呢度我唔太肯定
我估「冰之魔女」唔係為阿格尼好，而係認為阿格尼要受到應有既制裁，所以唔想佢自殺

第49話講左：
-「冰之魔女」覺得阿格尼係反派，因為佢殺左好多人
-認為電影反派角色要被電影(正義既)主角打敗

如果阿格尼自殺，就唔能夠被正義既一方打敗，所以「冰之魔女」先扮冰之魔女