電鋸人+炎拳 深入討論 [長文]

如果mkm係代表一個母親因為唔愛而去支配
咁電次就係代表兒子用愛去打破支配

之前提到電次識得由打破契約入手，去打敗mkm
其實佢可以令日本首相放棄契約
而且mkm對佢做出咁多過份既事，點解仲要以實現佢被食既願望，去打破契約呢？
一般人應該會憎mkm到想要佢痛不欲生
呢度我地可以睇得出電次係深愛著mkm
咁即係電次代表左一個深愛著母親既兒子，即使知道母親對自己做左好多殘忍既事，就算要反抗母親，都想用以實現母親願望既方法去反抗。

所以藤本係想借電次去講：
雖然兒子最後發覺自己正被母親扼殺未來而被迫反抗，但佢反抗既形式，本身都係包含著愛

仲有，電次係選擇左記住mkm
電次唔變身為電鋸狗去食mkm，就係想記住mkm。電次殺生老豆後，選擇忘記呢件事，㨂左無知之福。
但今次電次冇，佢明白知道同記住真相會帶來痛苦，但依然選擇記住，因為佢學識左同明白只有用記住先可以愛著已逝去既人，電次想記住既方式去繼續愛mkm
同樣，呢度都反映左兒子對母親深情既愛，而且愛令佢成長

我認為呢個就係藤本想講既家庭慘劇：
-鐘意母親既少年+支配慾強既瘋狂母親既故事

最後，我覺得藤本想借電鋸狗把口講出：
「其實你阿媽唔壞，唔係真係想傷害你，佢只係用左錯既方法去達到佢既願望。你阿媽其實一直都好孤單同寂寞，想有人愛佢。你就原諒佢啦，今次就由你幫佢實現願望，好好咁去愛佢。」

我覺得最大盲點係波奇塔到底係咩
之前完全無講過波奇塔既事
點解mkm 想被人愛？佢唔係惡魔咩？
唔係好明惡魔點解希望人愛

lm
捲蛋巴好野
不過真係好多字，留定名得閒追翻

nice

講得好好，希望多D 人睇到

巴打，你個思路完全正確
正常咁去諗，都唔會覺得佢只係一把電鋸
我估佢係神之惡魔，不過依家被隔離post圍屌緊
唔知你有冇追開嗰個post，如果你想知點解我估佢係神之惡魔，我可以由頭解多一次

惡魔希望人愛？
而且支配惡魔竟然想要平等關係?
呢個又係一個正常人會問既問題，不過隔離post永遠都唔鐘意人嘗試解釋。
佢地唯一接受到既答案係cult

其實我喺上面有講過，不過我知有好多字
依家我會將我既睇法拆開做幾個回覆，廢事睇死人

由藤本講mkm想被人愛開始，就知道呢套漫畫唔係純粹講打怪

除左佢想被人愛，佢之前所做既一切，唔係單純想被電鋸狗食，而係想要真真正正既死亡，唔想重複死後輪迴

如果你唔知，可以睇番以下既回覆：

#5 - #9
講左mkm既first priority係被電鋸狗吞噬，而唔係支配世界

#10
解釋左mkm用支配既方式冇可能得到對等關係，所以得唔到親人既愛

#11 - #12
推理出mkm想被電鋸狗食既原因，係想結束輪迴，想要真正既死亡

因為我怕直接講出答案冇人信，所以我由七個武器人對戰唔好睇既原因，慢慢推理出mkm係想死，而唔係想被偶像食咁簡單

點解支配惡魔想被人愛同想死?
呢D地方睇得出支配惡魔有好人性化，好似一個好真實既人咁

咁即係話，我地就要由漫畫抽離去到現實，分析點解現實中有人鐘意支配人

除左佢地本身係邪惡之外
我諗到既一個原因，係因為人類本身會覺得自己好渺少，會感到不安，所以會跟隨有力量既人，希望佢地可以保護自己。同埋因為自身渺少，人類都會渴望得力量，從而得到安全感
宗教信仰就係源於呢樣，就算到左現代仲有人信宗教，理由就係因為佢地想要安全感。

#14 - #15
用炎拳既桑做例子，帶出當人類覺得渺少，會做出崇拜行為
#16
桑同mkm相似既地方

而我覺得mkm都係一樣，所以佢咁崇拜電鋸狗

地獄入面有根源惡魔，佢地比mkm更加強大，有可能令mkm感受到害怕不安。
Mkm自身既力量可能唔係咁厲害，佢厲害既原因係佢所支配既眾多惡魔能力。
我懷疑mkm單靠自身既力量，係無法打敗槍之惡魔。
mkm為左令自己變得強大，只有支配更多惡魔。而支配所得到既力量會為佢帶來安全感，幫佢擺脫不安感。

我估mkm既不安感好強烈，導致佢支配慾好強，要繼續支配更多，直至冇晒強過佢既惡魔。但究竟呢件事係咪真係做得到？呢點又做成左mkm既絕望感，令佢再一次體會到自己既渺少

#17 - #20
mkm想死同想被愛既原因

Mkm渴望被愛既原因，就係想得到關愛，想擺脫來自渺少既不安感
但由於mkm自卑感太強，根本控制唔到支配慾望。
所以mkm冇可能同人建立平等關係，無法得到親人既感覺

Mkm 察覺到自己既困境，知道自己冇辦法去實現願望，感到絕望，想自殺結束痛苦。

呢個就係我既解釋

其實呢part藤本完全冇解釋，我係靠自己對人性既睇法去估
但我覺得呢part唔算ff，係合理既推理，雖然解答未必啱

隔離post有人話mkm實現唔到願望既原因係因為強大，但呢個根本冇答過問題

想建立對等關係，唔用支配能力咁咪得囉，關強大咩事，不過佢地唔去諗呢個邏輯問題

Mkm建立唔到對等關係既原因，係佢控制唔到支配慾望
但點解呢？呢個就要估佢既背後心理
即係我頭先講嗰啲

追左好耐post,
都係唔明點解mkm係阿媽
睇唔到母性

文學研究論文

你咁樣諗係好啱
因為mkm根本就係冇母性
但點解藤本又要將佢定位為媽媽呢？

要解釋之前，首先你要知道藤本對角色名字非常執著，幾乎每個角色名字都有意思

炎拳既主角叫阿格尼，因為阿格尼又有火神同痛苦既意思

德瑪係dogma，係指佢做人有原則，有着自己既正義。只要知道自己犯錯，就會重新揾一個啱既方法，繼續本着自己既正義活着

奈奈特、利賀田、桑、露娜既名字都係有意思。

而電鋸人：
電次係天使，因為佢同惡魔戰鬥

血之魔人叫power，設定上仲好鐘意講大話，最後死前同電次講左大話。我估藤本係想講謊言為人帶來活下去既力量

每個角色都有同佢自己相關既名字

但mkm係一個冇母性既人，咁點解藤本仲要將佢改名做makima?

所以我就諗，藤本可能本來就係想講一個冇母性但支配慾好強既媽媽。

但點解又要特登整呢個setting呢？
或者係想講呢種控制狂父母，佢地背後其實都有不為人知、可憐既一面

根本兩套野就係鳩畫
睇唔明=有深度

但點解我, 讀者, 要知道瑪奇瑪個名點黎先解讀到個文本?
成套漫畫都唔覺電次特別有去搵一個老母做依賴
當個故唔係寫緊(或者讀者睇唔到)呢種母子式既情緒依賴,
再用名黎解釋, 電次戀母, 咁有冇乜意思?
我將電次睇成普通遇上初戀既男仔, 同呢個post既睇法真係睇少左野?

呢個問題就係在於點樣去理解名字既重要性

我估我同你既相同之處：
1.
藤本幫角色改名既時候，會希望角色名字可以代表到角色本身

2.
所以諗到角色既特質/特性，就自然會諗到角色名字既意義。調番轉，只要知道角色名字既意義，就會諗到角色既特質

我地不同之處，係我覺得名字係好重要，我認為：
3.
藤本同時想利用角色帶出某d訊息。所以當知道角色名字既意義，就可以了解角色既特質/特性，幫助我地諗出藤本想透過呢個角色想帶出咩訊息。