電鋸人 07

我覺得你地誤會左我既意思
我唔係要求人地一定要認同我，但我覺得理性既討論入面，反駁方式係要合理

關於神之惡魔既推測，我明明有四個較有力既證據，但有人就用第五個可有可無既最薄弱證據，就想反駁我既推測，無視仲有其他有力證據

如果要反駁我既推測，就應該攻擊四個較有力證據。之後既巴打就用左啱既方法，去攻擊其中一個證據
E.g. 路西法畫本身只係裝飾，冇意義
E.g. 路西法唔係指mkm
我會認為呢種反駁方式先係合理

關於墜天畫，我覺得都可以再講多啲
幅畫講路西法去左伊甸園
咁伊甸園發生咩事呢？
1. 神禁示人類食禁果
2. 路西法誘使人類食禁果
3. 人類被迫離開樂園

而漫畫入面，又發生咩野呢？
1. 電鋸狗叫電次唔好開門
2. Mkm帶住/誘使電次開門
3. 電次失去妹妹power

我幫你諗埋合理既反駁理由啦
1. 幅畫冇意義
2. 藤本只係想透過幅畫去講mkm誘使電次開門，而未必想講電鋸狗係神

唔合理既反駁
1. 全部都係ff出黎

呢個反駁方式既唔合理既原因
1. 首先，幅路西法畫係真實存在
2. 我係基於幅畫既内容，以及漫畫入面發生既事出作比較，從而推理得出答案
3. 推理出既答案未必啱，但我推理既基礎係真實存在———路西法畫既內容+漫畫既劇情

Ff就真係天馬行空
但基於事實既推測就唔係ff

我本身的確鐘意ff角色名既意義，但因為我鐘意ff角色名，就話我其餘同角色名字無關既推測同解讀都係天馬行空，咁我覺得幾唔合理

triggered

點睇

https://youtu.be/zwx4Ksc7j9A
發覺好多人都想電次係岡本信彥配

悠木碧做power好似夾啲
天使搵村瀨步/蒼井翔太
MKM用沢城美雪/坂本真綾

不過咁個卡士會唔會大得濟

同埋電鋸狗有講過惡魔食惡魔會變勁
所以其他惡魔都會當電次係唐僧咁食

其實作假嘅對話，又或者誤導性嘅對白有咩咁出奇，大把作者係咁做啦，你唔係冇見過吓話？

依家重點係有興趣去證明自己論點嘅人解釋得通唔通，唔通嘅話點解唔通，係咪邏輯上，就好似上面見到不基巴打話佢有循環論證/唔solid，咁樣係討論

但我睇返你講嘅嘢大多數時候都係強調冇需要作進一步補充，因為作者已經講咗，冇理由講假話
之後又會喺最後補充番一句話你哋咁樣解讀作者就唔天馬行空/唔cult
請問我邊度有避重就輕，邊度有講錯你呢？

我覺得chainsaw man需要補充佢嘅能力來源，因為佢嘅能力同佢嘅名字完全唔關事，合唔合理？

你覺得冇需要係因為你覺得作者冇需要，合理？合理掛，但都冇必要就出嚟指責其他人討論掛？

MKM 沢城美雪

MKM 藤本タツキ

或者咁講 用一個之前見過既比喻回答你既問題
你既問題就好似問緊個天點解有雲？個地下點解有草？

你既問題的確係可以好有深度，但真係唔覺得你比左個好強既論點去證明呢樣野值得討論，因為作者已經比左個簡單又直白既答案你：「電鋸人本身就係打不死，仲可以消滅惡魔既存在」呢個就係電鋸人既設定，你繼續討論呢d 唔係唔得，個個都會當你係藍色的窗簾咁解。

捲蛋巴已經開始一人分飾兩角自己駁自己再駁返自己
咁不如你繼續左手拗右手算啦
繼續ff其他人會點駁你 然後你再點駁返人 再之後人地又會點駁 無限循環

MKM把聲成熟得濟
Power係釘宮就正

其實你係咪未做過小組討論?
Prepare既時候，除左諗自己既論點論證，仲要諗埋人地既反駁位

我舉例子既重點唔係要你地認同我既推測，而係講緊點樣先叫做合理既反駁，咩叫做唔合理既反駁方式

同埋，我係解釋緊天馬行空同有根據既推測既分別
而我既推測係基於漫畫有既事實，唔係石頭爆出黎，唔可以話係ff
你只可以話我解讀過多
只於點樣為之解讀過多，我唔會同你地爭論。
我地既分歧太大，唔會有共識，所以繼續針對住解讀過多呢個問題係多餘同冇意義

講左咁多，我再簡潔d，廢時你get唔到
-你可以話我解讀過多
-但我覺得有人話我既解讀係ff係唔合理
-同埋，有某d人反駁既方式唔合理，所以我之前先指出黎

好多字

釘宮配power又真係幾襯

我自己嘅theory係偶發嘅事件令到電鋸惡魔咁強
可能有段時間，有個好強嘅惡魔，或者連環殺人犯係用電鋸
然後somehow 俾電鋸惡魔咁樣滾雪球落去

個故提到惡魔有份貢獻恐懼
我就諗惡魔嘅等級係偶然形成，
唔係人類社會驚緊啲乜野，惡魔就會一定有相應嘅hierarchy
咁會答到點解某某惡魔唔relevant啲，或者點解某某惡魔強過某某
而一啲永恆不滅嘅概念惡魔，或者可以維持係頂點

懷疑你中左萬聖節技能
只能夠思考神之惡魔直至死亡

https://youtu.be/plbTidxG8qc
又係predict岡本信彥
希望到時真係

巴打其實唔駛下下都教人點樣係一個有效既反駁，或者assume人地無做過group discussion/get 唔到，我諗mostly the case 係其他巴打求其抽一兩個point 覆你就算，唔係好多人有心機下下拎條金剛棒出黎覆人

我其實一直都係話緊不基的窿 #177既回覆

最大問題係佢個theory一開始係源於上個post條PV佢空耳將日文電鋸聽咗做Jesus
然後就假設電鋸=耶穌=神；電鋸人漫畫=聖經故事

成件事其實同空耳聽完泰文幪面超人主題曲第一句好似廣東話 漏奶乜撚關係
跟住就假設幪面超人會漏奶然後作篇論文差唔多

好難同佢認真討論落去

所以我先講一大輪咩叫做合理反駁

有人唔知我做咩要舉反駁例子，我先做解釋
我做咩要問佢有冇做小組討論？
因為我都想同佢講，人諗到反駁位係好正常

如果一隻馬一目了然就係一隻馬，但偏偏有條友彈出黎話唔係wor佢係一隻鹿，洋洋灑灑寫左幾萬字論文，仲篤住嗰啲指馬為馬既人話：「你要證明我講錯，首先你要跟據我篇論文逐點逐點去反駁我先合理，唔係就係唔識駁人，無邏輯」你會否覺得太痴線？好似啲藍絲狗求其講兩句fake news, 黃絲就要花幾倍既精神時間又整合又剩，仲要埋身打泥漿摔角，你又會否覺得太on9 ?

其他作品會誤導讀者，同樣會有一目了然既突破口令人思考作者係咪呃人。例如唔係太過大團圓既結局，又例如一啲擺明係點解都唔通既迷團。但電鋸人呢？以電鋸既身世為例，由一開始話地獄人人死前都聽過電鋸，到鯊魚當電鋸係偶像，到個個都想搶電鋸心臟，到後尾解畫話電鋸行為太癲所以好多惡魔憎佢，屢次被殺；到如果惡魔中有mkm呢類fans, 到最尾先知原來係電鋸太勁，攬下人都會殺死人

迷團有一環扣一環去拆解，亦都完全解得通，但當中完全無作者打算反串既跡象/證據/事例，電鋸無，炎拳都無。

力從地起，我唔明講死一個pt有咩問題，相對論既基礎就係e=mc2, proof唔到個基礎任你上面作到天馬行空都唔會有人理你。依家就係話你地個立論基礎太假，無理據，完全無能力說服人，你地就走出黎又話人唔識反駁又話人無逐點比證據，都唔撚知邊個指責邊個討論。永遠都係以為自己打左好多字就係受害者，玩咩