電鋸人 07

簽咗家庭惡魔
唔洗做雞養細佬妹

其實電次既故事好似聖經故事

聖經：神令瑪麗亞誕下耶蘇
電鋸人：電鋸狗既存在，令到mkm造就左惡魔人電次
解釋：mkm終於揾到電鋸狗，但發現電鋸狗同電次生活得好開心，所以控制喪屍惡魔殺電次，點知電鋸狗同電次訂下契約，電次變成惡魔人

聖經：耶蘇打救世人
電鋸人：電次殺惡魔救人

聖經：耶蘇被迫害
電鋸人：每個敵人都想要電鋸狗心臟

聖經：耶蘇被釘十字架
電鋸人：電次因詛咒被釘十字架

聖經：耶蘇之死
電鋸人：電次喺地獄唔夠血復活

聖經：瑪麗亞抱住被釘死既耶蘇
聖殤圖：https://zh.m.wikipedia.org/zh-hk/哀悼基督_(米开朗琪罗)
電鋸人：mkm上番人間，抱住唔夠血既電次

聖經：耶蘇復活
電鋸人：電次復活

另外，mkm都象徵撒旦路西法
證據：路西法墜天畫

跟住就係關於末世（唔熟聖經，可能講錯）

聖經：末世時，惡魔作惡，人間會有災難
電鋸人：mkm想支配世界，即係極權來臨，對人類黎講係極大既災難。

聖經：末世時，神會由天國降臨人間
電鋸人：電鋸狗由地獄之門降臨人間

聖經：末世時，神派天使請耶蘇在人間再次復活
電鋸人：電鋸狗揾power(能天使)幫電次重新振作

聖經：路西法會在末日被打敗
電鋸人：mkm死左

好欣賞呢到d巴打會打長文討論
一套好嘅作品就會引發到人思考同討論

由於未重睇都唔夠膽亂up咁多
不過我覺得藤本作品可以用'荒謬'去概括,
每一套作品嘅世界都係充滿不合理。

同埋每一部作品都會提出一個核心嘅問題,
比如:
炎拳 - 生存有咩意義 (最後用'相信'去解決人生無意義/荒謬)
電鋸人 - 人點樣先可以擺脫宰制/點樣得到'生活'/'幸福' (最後用荒謬面對荒謬, 愈瘋狂愈自由)

不過重點我諗都係藤本提出問題都係想大家反思, 唔係固定答案

TOO LONG 唔想 READ

睇你地d文睇到好有藍色窗簾feel

樹學家

好鐘意秋

好鐘意睇炎拳同電鋸人，但又睇唔明，有某啲睇法又唔知啱唔啱，所以先想同人討論，點知一打就打左好多字......
不過唔打咁多字又講唔到自己既意思

你講得好啱，藤本既作品反映左現實既荒謬。但諗深一層，所謂既荒謬先係合理，唔合理既係人對現實既期望。人期望童話故事出現喺現實，當人認清原來童話故事唔存在，會主觀地覺得現實荒謬。

「不過重點我諗都係藤本提出問題都係想大家反思, 唔係固定答案」
呢句我就唔同意，炎拳有固定答案，要睇出呢點，首先要將炎拳拆開做上下兩部。
上半部：第一話到阿格尼打敗桑
下半部：尤達消除阿格尼既記憶到結局

上半部係反映現實同提出問題
1. 人點解要活著
2. 人要靠謊言才活着好可悲
3. 就算靠扮演角色，都擺脫唔到痛苦(阿格尼一直扮演唔同角色，但冇幸福過)
4. 痛苦既人生冇意義

下半部係解答上半部既問題
1. 阿格尼睇電影：只要人相信自己可以承受痛苦既能耐，就可以活下去
2. 食番薯回憶：謊言給予人渡過殘酷現實既力量同希望
3. 尤達同奈奈特既對話：去扮演你做得到既角色。呢度尤達係想講佢一直扮演唔適合既角色，所以覺得痛苦。扮演角色既關鍵之處係扮演能力範圍以內既角色，就好似最後奈奈特扮演失憶阿格尼既姐姐咁
4. 阿格尼睇番利賀田既電影：阿格尼受不滅之火既痛苦，但利賀田被咁樣既阿格尼感動，仲拍埋電影。失憶既阿格尼睇左電影，又受到感動。呢度帶出左：痛苦唔係冇意義，喺你想不到既地方，你所做既事係會感動到其他人，為其他人帶來希望同力量

所以，我覺得炎拳係有答案
藤本厲害之處：
唔只反映出現實，仲會提出答案

我覺得電鋸人都係一樣，第一部只係反映現實，就好似支配、自由、生存、愛之間既關係
1. 人渴望支配，就算恐懼支配都唔會反抗
2. 只有支配威脅到生存，才會加入自由既一方
3. 人可以為愛而反抗支配，加入自由(reze最後失敗，唔知又有咩意思）

第一部講出支配、自由、生存、愛不能共存
第一部結尾支配惡魔企喺電次(生存)同岸邊(自由)同一邊，而且電鋸狗仲話支配惡魔想要平等關係同愛
呢四樣野究竟可以點樣共存？答案應該會喺第二部揭曉

講左咁多，可能真係藍色窗簾

可唔可以解釋「最後用荒謬面對荒謬, 愈瘋狂愈自由」？唔明點解

https://sendvid.com/xyg0yo66
藤本作畫過程

睇到最尾原來電次一直比mkm控制，做左mkm走狗，但套野好多野唔明

例如秋點解變左槍惡魔人

暗之惡魔究竟係既存在

之前幾個惡魔人係反mkm,最後係咪因為支配惡魔既力量所以全部服從哂mkm?

Mkm最尾係死左輪回變細路女？咁快咁大個

都話因為電次係電鋸惡魔

Mkm控制唔到電次

ching高質
個人覺得母愛同兒子成長都可以同其他果d連接埋一齊
好似你咁講電次代表生存嘅慾望，一開始佢咁中意mkm係咪因為mkm可以比到所有佢想要嘅野(野食、關心、住所、探索女人身體嘅奧秘)，對電次黎講佢根本離唔開佢，就好似嬰兒黎唔開母親嘅哺乳一樣，基本可以話佢地係一體嘅。而mkm就係應該愛電鋸人(唔係電次)，所以想一直支配佢想佢一直留係自己身邊，但仔女終究會長大

嬰兒一開始根本唔知道咩叫自由，淨係覺得係老母身邊有得食有得玩就已經好滿足。但之後佢開始慢慢extend自己嘅世界(類似嬰兒成長為少年咁：愛-遇到reze，兄弟姐妹-power同秋)，佢嘅世界開始唔淨係得老母同食玩瞓。但對mkm呢種操控狂黎講咁唔電次對佢嘅反抗，所以佢殺左reze、秋同power，成功令到電次想翻翻去唔洗思考嘅嬰兒期(就係光熙講嘅無知是福)。實際上係想引出電鋸惡魔同弱化佢，想將電鋸一直留係身邊
自由係有代價嘅 -- 就係要承受自己作出選擇嘅後果(決定親手殺左秋救平民)，而無知/唔思考就好似家畜(狗)唔會有呢樣煩惱。

但最後電次都係決定反抗mkm，代表佢正式脫離母親成為一個獨立嘅個體。而電次最後食左mkm我覺得係寓意成功反抗父母並且將呢樣野變成自己成長嘅養分(食物)避免落入bad end -- 被支配(比人當狗養)。最後話支配惡魔其實係想同人建立對等關係我諗就係講好多時候感覺d父母管得仔女好緊其實都係因為佢地唔識溝通，好好溝通嘅話就可以建立對等嘅良好關係。

如果電鋸人係講電次成長嘅故事嘅話，我覺得第一部係電次嘅嬰儿期(母親嘅支配vs獨立嘅自由)，第二部應該就係朋友(eg. 周圍嘅氣氛vs自己嘅諗法？)
因為第一部電次都好似冇一個好好交流嘅朋友(power秋唔算，似兄弟姐妹多d)，加上第二部係學校篇，同學朋友會出現嘅機會應該幾大？不過藤本咁L癲真係好難諗到佢會點玩，但都好大機會會同一d電影典故有關聯(特別係cult片/爛片)

雖然解讀方向未必正確同令人認同但睇過藤本作者嘅都知佢一定係有啲嘢想講，絕對唔係「窗簾就他媽的是藍色而已！」咁表面

係我無講清楚
我講藍色窗簾focus個point唔係「窗簾就他媽的是藍色而已！」呢個點，而係「藉由窗簾的顏色，引出作者的被束縛以及憂鬱的傷感。」呢點
簡單d講係我覺得有d 過份解讀
我感覺好似睇緊eva d解讀咁
不過唔係壞事，一百個人有一百個觀點，大家碰撞下會有d新發現

日文同中文各一

得唔係話佢能力控制話佢用心能或佢美色控制

電鋸第一部完咗之後
為咗止癮 由頭睇多咗次
尋晚開始決定開炎拳
原來瑪奇瑪生薑燒之前
藤本樹已經畫過阿格尼火腿同無限面珠湯...
劇情都沉重得多
一口氣睇完 百感交集...

我覺得第一部係講一個喺扭曲家庭長大既可憐少年既成長故事。
Mkm: 瘋狂既母親
電次: 受到挫折，唔想長大既少年
電鋸狗: 鐘愛兒子既父親

電次喺變成惡魔人之前，生活過得好慘。
明明已經對黑手黨聽聽話話(在第1話被形容為好處係不反抗)，但都被背叛，電次死前講:
「做著普通生活的夢、過活也好，連那麽簡單的事都無法實現嗎?」
象徵:
-少年喺成長時遇到既挫折: 遵從大人/社會既規則，忍受痛苦，但依然不被大人/社會接納，少年夢想破碎

電次接受mkm安排既生活，對mkm唯名是從
象徵:
-少年退回母親既保護，而母親提供少年所需要既:
1. 家庭: 秋+power
2. 肯定: 電次係有人心，唔係冷血 (第29話、第39話)
3. 鼓勵: 電次覺得人生令人失望 (第12話摸胸、第22話嘔吐物珍寶珠)
4. 少年既性幻想
5. 接觸社會既地方:公安工作

電次想同reze私奔，mkm殺死Reze
象徵:
-少年想戀愛，控制狂既母親不能接受，母親要少年只愛自己

Mkm為左解除契約而破壞電次既生活，想殺死電次
象徵:
-母親妒忌少年得到父親既鐘愛，要殺死少年。

電次殺死mkm
象徵:
-但少年為左生存，被迫殺死母親。其實少年唔想離開母親既支配，但母親死左，自己被迫擁有自由，被迫獨立

電次以實現mkm願望來打破契約，而不是以殺死日本首相既方式來打破契約
象徵:
-少年深愛著母親，願意去實現母親既願望，即使母親從來没有愛過自己

電次食mkm
象徵:
-少年接受母親所做既一切，包括對別人同自己既傷害

電次殺親生老豆時，選擇埋藏記憶。電次殺mkm時，選擇記住
象徵:
-少年變得堅強，有所成長

我覺得第一部係一個家庭慘劇
------------------------------------------

「最後話支配惡魔其實係想同人建立對等關係我諗就係講好多時候感覺d父母管得仔女好緊其實都係因為佢地唔識溝通，好好溝通嘅話就可以建立對等嘅良好關係。」
關於呢點我唔同意

其實mkm建立唔到對等關係，係因為佢放棄唔到支配。佢係一個渴望力量既人，所以崇拜強者電鋸狗，而渴望力量源於察覺自身既渺少而感到自卑同不安。mkm咁鐘意支配人，係因為佢可以喺支配弱者中，感受到自己既強大，感到有能力主宰一切。所以mkm討厭弱者，包括自己，佢只愛強者。但mkm既自卑感好強烈，只可以透過支配更多，來得到成就感同力量。但支配成功既快感一過，自卑感同不安又好快湧番上黎，結果又要去支配更多，所以mkm冇可能建立到對等關係，佢只會不斷爬更高既位置

Mkm象徵支配慾強既母親，就係反映出呢種母親照顧仔女唔係出於愛，而係想滿足自己既支配慾去消除內心既不安感。有啲母親會將「愛你所以為你好...」掛喺口邊，其實背後心理係為左自己

如果支配惡魔要建立對等關係，首先要學會愛自己，包括渺少既自己，咁先可以消除自卑感同不安，停止無止境既支配

其實我唔識估劇情，我都想知電次會識到咩同學朋友

不過我覺得電鋸狗有機會死，因為兒子成長後就唔需要父親
或者電次會同另一個惡魔簽契約得到心臟？

其實我唔太同意家庭依個理論 我自己覺得自由 生存 支配同戀愛合理啲 不過好佩服你可以發展到咁深入

我覺得藤本想喺兩個角度去睇支配、自由、生存/生存慾望、愛
社會角度: 喺宏觀角度，分析人類整體既取向
個人角度: 喺父母養育子女，孩子成長角度去理解

社會角度: 人類渴望支配，害怕選擇同自由帶來既痛苦，想投入支配懷抱得到安全感
個人角度: 子女渴望父母既支配，希望父母為自己提供一切同保護，想要安全感

社會角度: 人可以為愛而掙脫支配
個人角度: 子女會為戀愛而離開父母既控制

社會角度: 人類只有感受到生命得到威脅，才會加入自由既一方，反抗支配
個人角度: 當子女發覺自己正在被父母扼殺，子女才會不情願地離開父母既支配，被迫獨立

我覺得藤本特登將電次定位為兒子、 mkm定位為母親、電鋸狗定位為父親，就係為左由個人成長去理解支配、自由、生存/生存慾望、愛之間既關係。
另外，藤本知道呢四樣唔只存在於社會層面，仲存在於家庭同個人層面，所以先特登有咁既劇情鋪排同人物設定

其實我(回覆#93)同佢(回覆#87)對個人成長既睇法唔同

佢: 電次一直停留喺嬰兒期
我: 電次喺青春期面對挫折，退回母親既保護

佢: mkm破壞電次既生活係因為電次識得追求兄弟姊妹既感情
我: mkm殺死秋同power，要破壞電次生活，係出於對電次既妒忌。妒忌心理同控制狂心理可以追溯到mkm既人格，呢part反映左支配慾強既父母背後既心理 (回覆#93尾段有講)

佢: 將電次反抗mkm睇成子女主動爭取自由，希望獨立，唔想再被父母支配
我: 將電次反抗mkm睇成子女發覺自己未來正被父母扼殺，迫於無奈下離開父母支配，被迫獨立。

或者你係同意電鋸人係講個人成長，但唔同意我同佢既觀點?

捲蛋巴打唔好意思 成版都係你 知你係認真討論 但可唔可以唔好quote哂成條金剛棒咁 碌得好辛苦

版版都成堆千字文
好難加入討論