電鋸人 07

https://chainsawman.dog/

https://twitter.com/chainsawman_pr?s=21

誤中1001

Lm

電鋸人真係好hit,漫畫未動畫化就咁紅

真係冇諗過電鋸人咁受歡迎
其實炎拳一開始係點？籍籍無名？

我諗電鋸人受歡迎過炎拳既原因
1. 電鋸人有壞人boss而炎拳冇
雖然一開始以為既boss槍之惡魔中途退場，但後面有個仲屈機既mkm，而讀者不嬲鐘意睇到主角打敗boss，所以電鋸人比較「親民」。但炎拳就冇壞人boss。一開始所講既冰之魔女原來唔存在，仇人德瑪又改邪歸正，另一個罪夫禍首尤達又同露娜生得咁似，後來一齊生活甚至仲為左主角變成樹，桑後來雖然算係boss，但本身桑又係一個可憐人，而佢同阿格尼對打既原因唔係出於邪惡既目的，好難將佢睇成壞人boss。呢種冇壞人boss既劇情，令希望主角打敗壞人boss既期待落空。

2. 電鋸人氣氛比炎拳輕鬆，
主角電次基本上係一個頭腦簡單既人，個人癲癲下幾搞笑，即使遇到不幸，但好快可以恢復，係一個好硬正既人。power又係on99。相反，主角阿格尼就太認真太執著，搞到炎拳個氣氛好沈重，搞笑輕鬆位基乎喺晒利賀田。而且炎拳既背景設定得太嚴酷，真係冇咩機會可以搞下笑。

雖然去評價一部未完成既作品對作品本身好唔公平，但我依然不自覺覺得炎拳好睇啲

利申：我好鐘意電鋸人，唔係踩緊佢

作者都講咗佢今次故意畫得易明左， 雖然到後尾佢話完全唔記得咗啲件事
其實我覺得電鋸人喺各方面上都比炎拳有好多長進，架構、伏筆、分鏡等等
只係唔知係咪為咗貼合大眾口味，嗰一種作者出盡全力講出佢想講既故仔嘅感覺少咗

本日発売の週刊少年ジャンプに『チェンソーマン』最終９７話がセンターカラーにて掲載中！アニメ化＆第２部連載決定しました！読者の皆様の応援の御蔭でございます！引き続き、『チェンソーマン』の全てを楽しんで頂けたら嬉しいです！ #チェンソーマン

新人留名

Chainsaw man
Chainsaw man
Chainsaw man

新po lm

第二季係咪未有消息幾時係JUMP+上?
動畫又唔知等到幾時我想睇電鋸呀

留名

起碼半年以上
寓言殺手上年年尾完第一部之後
依家仲未開第二部

小畫家

發現動畫化公告左好多弱智惡魔入左嚟

之前電鋸vs咒術個po仲多

引戰post
不過無個post都唔知電鋸lead咁多

電鋸人係有少少王道元素嘅邪道cult
咒術就係有少少邪道元素嘅熱血王道
相對王道，邪道應該啱啱連登仔口味多啲

應該唔洗咁耐
又唔係開新作

拎過諾貝爾獎係唔同啲
煮嘢食都好味過人

🪚🪚🪚

你覺得故仔少左啲野，係因為電鋸人既主題唔明顯，所以有人話睇得明炎拳但睇唔明電鋸人

就算唔知炎拳講咩，但起碼知道主題係講活下去、扮演角色自欺欺人等等

但電鋸人主題呢? 我之前有講過，電鋸人其中一個主題係由兒子角度睇母愛同兒子既成長。我覺得呢個主題本身已經比較難睇得出。
如果電鋸人淨係講愛同成長，點解要安排mkm同槍之惡魔對決? 點解又要特登加插光熙既無知是福? 點解又要加入岸邊槍殺mkm? 感覺上電鋸人既故事結構好散亂

有人可能話，加插槍之惡魔既原因，係因為電鋸人既主題係自由同支配。mkm係支配惡魔，支配惡魔最後死左，所以自由嬴左，電次打mkm代表爭取自由。
但如果想帶出自由能戰勝支配，咁點解藤本一早就安排象徵自由既槍之惡魔同支配惡魔對決，而結果係槍之惡魔輸左?
如果想帶出自由能戰勝支配，理論上劇情發展應該係
1. 電次發現mkm真正目的
2. 電次同槍之惡魔聯手
3. 槍之惡魔打敗mkm
藤本安排槍之惡魔一早退場，真係純粹既為左想畫自由奔放既劇情?
藤本既故事從來都係合情合理，只要你有認真睇過炎拳就知

我認為電鋸人第一部係講支配擊敗自由

藤本首先透過電次講出人類渴望支配
1. 電次基本上一直服從mkm，只要有得食有屋住就得
2. 電次向mkm講想做佢隻狗：電次好後悔殺死秋，認為除左殺死秋，可能仲有其他方法，認為自己做錯左。自由就係選擇，當人有自由，就要為自己所作既選擇負責。電次感受到自由既痛苦，想逃離自由，投入支配既懷抱

然後，藤本講出人類對被支配感到絕望到不會反抗
1. 電次選擇不反抗: 當電次知道mkm直正目的，發覺一直被mkm支配整個人生，感受到支配既可怕
2. 光熙選擇不反抗: 光熙係實力超強既惡魔人，但甘願服從國家既支配，而佢既女人竟然係冇人權
3. 光熙既無知之福: 知道岸邊想殺死mkm，光熙即刻講「想在這世界活得快活，訣竅就是做個無知的白痴」。佢既意思係: 只要無視被支配既事實同恐懼，假裝活得自由，就可以幸福生活落去，反抗既結果只有係悲劇
4. 光熙向mkm投降: 一見到mkm現身，即刻投降。相反，岸邊即使知道左mkm有無限復活既契約，依然擎槍指向mkm

跟住，藤本借小小紅，講出支配一直就係存在喺生活入面，被支配係好普通

另外，藤本都帶出天生嚮往自由，勇於為自由反抗支配既人，佢地既力量好薄弱，而現實中既支配太強大，自由反抗支配係雞蛋對高牆
1. 支配惡魔被秒殺
2. 岸邊試圖殺死mkm，手下甚至犠牲性命召換地獄惡魔，但徒勞無功

電次打敗mkm一事，應該被睇成生存慾望戰勝支配
電次想打敗mkm，係因為佢仍然想過普通既生活。想過普通既生活，首先要活下去。
Mkm既目的係阻止電次活下去，所以電次唯有殺死mkm
電次所象徵既係生存慾望，而不是自由

你可能會講，自由包括生存自由，而巨人既艾倫都係爭取生存自由，所以電次都可以象徵自由。
但艾倫其實唔只想爭取生存自由，佢由細個開始，已經想走出城牆外。佢想要不被束縛既自由。如果電次出現喺巨人，我諗電次只會想留喺城牆內，為每日得到温飽而感到滿足

你可以話電次係代表自由入面既一種，但當自由只係僅僅剩下生存自由，咁呢種自由仲係咪我地口中成日講既自由?

所以，我認為mkm象徵支配，槍之惡魔同岸邊象徵自由，電次係象徵生存。
由第一集開始，電次就企喺mkm嗰邊，代表人為生存而選擇支配
結尾，電次企喺岸邊嗰邊，代表當生存受到威脅，人會為了生存才反抗支配
而第一部想講，只要支配唔威脅到人類生存，自由係打唔嬴支配。大多數人渴望被支配，就算恐懼支配，都唔會反抗

第一部結尾，支配惡魔nayuta出場，今次企喺岸邊同電次嗰邊，可能係想講支配、自由以及生存係可以同時存在，互不衝突，關鍵之處係揾出平衡點

我地直覺認為支配係壞、係可怕、係邪惡。但支配其實有好多種，極權只係壞嘅支配
好既支配有父母教育子女：
令子女得到適當既保護、教導正確既價值觀。當仔女大個左，父母就要放手，解除對子女既支配

好期待第二部

你講既架構其實係指咩？可唔可以講下？

你講既伏筆包唔包括象徵？如果包，咁炎拳就有：
1. 炎拳：生存意志
2. 戲院：死亡
3. 名字桑同露娜：希臘神話兄妹既太陽神同月亮女神

其實點為之係好既伏筆？感覺上電鋸人係超多伏筆，但我唔識分究竟好唔好

同埋我完全唔識評價分鏡

新PO表白