其實個PT牌只係入場劵,讀邊間其實影響唔太大,就正如大把人考完車牌,出到街都係唔識揸車一樣,你要比好多時間操車攞經驗,唔同既路面情況要點做。PT牌只會教你理論,又或者你自己本身操左好多年,但你識唔識點教人,點表達令人明白又係另一回事。
當年我同你差唔多,想轉行,我問一個做緊PT既朋友,佢話初入行冇經驗可以入大場做先,環境好啲,同事多,工具多,地方多,都係令你容易啲吸收經驗。但大場都有分好唔好,佢當時叫我一係揀最好,一係揀最差(即係兩間P字頭)最好唔洗解釋,最差係因為如果咁差你都生存到,以後你就係無敵
同埋建議你兩年內都唔好入行,牌就考左先冇乜所謂。