大家好 我今年4月收養左兩隻小貓 眨眼間佢地已經八個月大 一直都健健康康 點知23/11凌晨 妹妹麻子無啦啦瀨尿同低嗚 睇醫生發現佢突然失明 而且兩隻後腿無知覺 住院兩日之後後腿可以行返所以出院 但仍然失明
點知麻子上星期又病發 出現流口水、癲癇、無精神、繼續失明 醫生開頭診斷係腦缺氧、腦中風、神經有問題等等 但照曬xray超聲波驗血都一切正常
於是即刻轉介麻子去cityu動物醫院 岩岩(30/11)CT出報告 醫生發現係肝門靜脈分流 簡單黎講就係肝部無啦啦多左條血管 令到大部分毒素會聚集係貓貓嘅肝臟入面 身體所有毒素同污糟嘢都分解唔到 令到佢痛不欲生 甚至係岩岩CT個陣嘅麻醉 貓貓都分解唔曬 宜家復康階段 麻子出現局部抽搐嘅問題 又再入左icu觀察
慢慢查資料 發現佢一直以黎嘅不正常都解得通:身形比哥哥(都係八個月)/普通貓細左一倍、經常口渴要飲水、平衡感好差、玩棒會向後仆同搖下搖下、有時會無啦啦面壁等等
醫生話有2個options 一係保守療法 食藥食一世 但只係可以降低毒素積聚量 有機會不斷病發甚至死亡 我自己上網查完 食藥係治標不治本 貓貓有機會係2個月-2年內病發死亡
第二個方法就係做手術 手術係有好大風險 因為要全身麻醉 但成功嘅話係可以閉合到增生嘅血管 完全醫好 而手術費連住院驗血等等報價大約要8萬
我地嘅決定係做手術 因為唔想麻子繼續受苦 兩次入院嘅經歷我真係承受唔到 望到佢痛到震曬、縮埋一舊我真係心痛喊曬 好希望自己可以承擔少少佢嘅痛楚 我地感受到佢係有強烈嘅生存意志 因為係醫院個陣 儘管幾痛幾唔舒服 只要一叫佢個名 同佢講加油 佢一定一定會喵返一聲回應我(打到呢到又忍唔住做左淚人) 而且醫生都建議要徹底根治問題就一定要做手術
呢個係先天性嘅病 所以claim唔到保險 你可能會話:好心無錢唔好養寵物咁唔負責任 其實 呢幾個星期嘅留院、診金、藥物、ct、超聲波等等差唔到已有4萬以上(下有收據證明) 我地已經用曬啲儲蓄比曬 宜家距離做手術仲有少少時間 我地已經問緊身邊朋友借錢 但都係籌集唔到咁多(當你有事 先發現你身邊嘅朋友係唔會幫你...)
所以想係呢到發聲 希望大家可以幫手 少少都好 救下麻子 佢仲有好多時間可以長大 如果只係錢嘅問題而失去呢個小生命 我真係對唔住自己 都對唔住佢 所以真心誠心求下各位可以幫忙眾籌 我地都有係其他群組post
如果可以支持手術費嘅可以過數去以下嘅戶口 參考其他人眾籌嘅post 我地會整個excel 打曬所有捐款者嘅姓氏同金額 一切透明公開 絕不兒戲
恒生銀行343-110177-668
Wong K** L****
中國銀行012-653-1-048948-8
Wong K** L****
宜家想眾籌8萬 一夠錢我地就會通知暫停 所有費用只會用係醫療用途 我地會keep住update麻子嘅情況同貼上所有費用嘅收據 有多嘅會全數捐去其他動物協會 麻煩曬 多謝大家
警世:呢個病好多貓仔狗仔都會有 如果發現你嘅寵物比正常嘅體形細好多好多 而且食好多都好瘦弱嘅 記得記得盡早求醫 要驗肝同膽汁酸嘅test 因為好多都會誤診/搵唔到原因!等到病發嘅時候 相信佢地已經係已經承受左巨大嘅痛楚