梨花:我....係咪又死咗呀...?羽入....
姐係...我又要重複嚟過依個昭和58年嘅6月?
羽入...話我知吖...究竟點解我又要輪迴過?
羽入:對唔住呀...依家嘅我...咩都答唔到你...
梨花:吓!?咩叫答唔到我!?一直以嚟我都係因為你嘅力量,所以我先可以每次死完又再嚟過,唔係咩!?
羽入:...你擺脫咗以前嘅輪迴嗰時...梨花你終於可以過翻似翻一個人嘅生活,我就離開咗人間,陷入咗沉睡之中
由嗰刻開始...我可以幫你由頭嚟過嘅嗰個力量...應該消失咗至係...
所以...點解會變成依家咁...依家嘅我真係完全唔知...
梨花:咁樣算係點呀!?咁啱啱嗰個世界呢?
我輪迴嘅100年入面,發生啲咁嘅事嘅世界之前從來都冇!
嗰個碎片嘅世界本來應該係k1疑神疑鬼,之後殺咗禮奈同魅音!所以我已經同k1講咗懷疑嘅唔應該係禮奈,而係佢自己!
但係最終慘劇都係發生咗...連我都比人殺埋!
求吓你...乜嘢都好...如果你知道乜嘢求吓你話比我知...
我已經唔想再繼續咁樣比人殺啦.....
已經發生咗好多次...好多次...好多次...
唔通100年仲唔夠咩....
羽入:梨花...真係好對唔住...
梨花:好,冇所謂
依家嘅我同嗰個 ‘乜嘢都唔知,單純只係靠運氣’嘅時候唔同
我會企起身,面對依個命運
只要我同朋友一齊嘅話,一定可以打破佢
羽入:梨花之前已經打破過一次,你一定可以再戰勝佢架
梨花:
我一定會,攞返我地贏咗嗰個未來