從日本一周到隔離兩週，工作假期遊記 (2) 東北關東篇

好想返東北玩
差唔多年年都會去一次

又最後一(半)日


7點幾從東京向GUNMA出發履新。
我要返工人地都要返工，返工時間好多人無位坐。



高崎JR轉上信電鐵。沿線有間大學，所以朝早同班大學生一齊坐。
鐵道娘好啱口味
仔細觀察佢個人設，富岡+しるく(silk)→富岡紡紗廠，不倒翁→少林山達磨寺不過唔關呢條鐵路事



上野(係こうずけ唔係うえの)國一之宮。
天氣咁熱重要上山差啲以為自己會中暑，都唔知邊個話點都要去拜神。
講返正題，貫前神社係日本好少見，要落斜參拜嘅神社(其餘兩間出名嘅喺宮崎熊本)。而富岡一帶出名養蠶，拜嘅神都係同養蠶妨織有關。
上信電鐵個上字就係上野嘅意思，信就信濃(現長野縣一帶)



既然同一條鐵路，唔少得去埋富岡紡紗廠。2014年成為世界遺產，所以入場費都幾狼下
講返少少背景資料。19世紀日本啱啱開國，咁啱嗰陣歐洲蠶蟲疫病蔓延，支那又有太平天國作亂，各國對日本嘅絲綢需求大增。但係當時粗製濫造令國際聲譽受損，明治政府於是喺法國請人引入技術，最後選址富岡市建廠。


一入去就有真人示範抽絲剝繭。好殘忍，有無人關心蠶蟲嘅權益


上二樓，乜都無，好似未set好個場咁，啲展品擺埋晒一邊


西翼重要裝修緊唔入得。 據職員講係要換屋頂，會將個屋頂成個移走咁話


搖紗機(reeling machine)需要靠呢部蒸汽機推動。
都出左cyberpunk2077，幾時先有steampunk1760玩



當時嘅絲綢都係靠女工生產，佢地起居飲食都係喺晒廠入面。佢地福利好好，返6日8個鐘，又有長假放，得閑可以煮幾味又有診所免費睇病。一啲都唔社畜
建廠初期嗰位法國人一家都喺度住左幾年。請得外國人，人工一定唔平，年薪係普通工人嘅百倍有多，所以間廠要等班外國人完約走人先轉虧為盈。


構圖明明好正，但可唔可以除左啲膠膜去
見到啲複雜機關又勾起我對steampunk嘅幻想



行完12點半返去高崎站，轉車去萬座鹿澤站3點半，老闆喺嗰度等我
面試嗰陣聽老闆講份工好辛苦，不過無計我無乜選擇，我會努力架喇。老闆都係聽到我話會努力先請我。


おわり