從日本一周到隔離兩週，工作假期遊記 (2) 東北關東篇

留名支持
都唔知幾時先有得再去日本 

留名

留名

新po留名

new po lm

留名

lm

巴打諗住搵咩工、有咩專業技能

巴打入嚟幫你補張盛岡冷麵嘅圖先

你指我喺岩手搵咩工？特登留番下次講，請繼續支持
身為一條毒撚，會有乜專業技術吖
除左N2之外頂多計埋first aid咁大把

P牌仔正皮唔刀

之前有一次七月去食係用西瓜嘅，不過無圖唯有用張四月嘅頂住先

莫非巴打去咗搵溫泉旅館或者農場工

喺正文開始之前補充返上一章無講嘅搵工方法先
我就用三種，WWOOF、ボラバイト、背包客棧。
WWOOF就全世界都有嘅(香港都有)，我諗去過歐洲做背包客或者去過澳洲WH嘅人都好熟。俾完錢做會員(每個國家各自為政，所以會員唔係世界通行)，然後揀啱心水嘅host再send信問佢收唔收。純粹打工換宿，無錢
背包客棧就唔洗講啦，全中文，資源又多，我事前蒐集WH嘅資料都係靠佢

最主要係想講ボラバイト。Volunteer+Albeit。
ボラバイト可以喺全日本(北海道居多)搵到由農/牧業，旅館，露營場，去到滑雪場都有嘅工。留意返有啲工係季節限定，後兩者好明顯就係
做會員唔洗錢，登記好個人資料同履歷就搵得工(証明都唔洗)，不過因為好多工都係農業/老闆唔識外語，ボラバイト會email問你識唔識講日文，用日文覆返証明自己嘅能力就ok喇。
搵啱工可以叫職員send詳細資料(地址、工作內容、注意事項之類)，冇問題就再寫埋求職動機，send得。
等到顧主話可以面試嗰陣就打電話面試。留意返每次只可以見一份工，成唔成功都要同ボラバイト匯報，攞詳細資料就無限。
話到明volunteer，唔好預賺到好多錢。唔計服務業，一般工作用日薪計都係￥4~5000，3000都有。 名義上係因為人工扣除左食宿。

唔關ボラバイト事，聽講之前沖繩有間香港人開嘅潛水用品店用極低價請WH緊嘅香港台灣人

Anyway，我諗佢原意係俾想國內城市人或者學生做廉價勞工親親大自然兼賺外快，係有啲識窿路嘅台灣人帶頭，我地呢啲後人受惠

另外重有叫リゾートバイト(resort-beit)嘅方法，簡單黎講就係派遣去渡假旅館打工。リゾバ有好多中介公司(リゾートバイト同リゾバ本身就係其中兩個網站)，同一間旅館 唔同中介 人工都唔同。我原本都有打算做リゾバ，不過做會員嘅話就要上佢地公司辦手續，我嫌麻煩又唔想面對面，最後都冇搞度。 內向撚嘅我

講左咁耐都唔知我打乜工? 枉我上一篇暗示左咁耐


係露營場啊△露營！帳篷△！

頂我仲以為啲△係亂碼

呢份工係喺開工前一個月，重喺北海道嗰時搵嘅。當時host媽媽好反對我去東北做野，驚輻射影響。
不過事後諗返，我之前香港份工都已經日日吸致癌物吸左幾年啦，區區嗰兩個月擔心咁多做乜


返黎份工。其實樓上巴打無估錯，我真係喺溫泉旅館做野，不過崗位係佢附屬嘅露營場姐。你肯定google map過啦
間旅館(休暇村)喺全國都有分店，所謂國民旅館。我諗好多間都有提供露營住宿，至少我去到大久野島嗰陣都見到同樣嘅帳篷。
一人一晚7500，貴少少嘅hostel都要4000啦，但係呢度再加埋早晚餐同一片星空同埋露營+溫泉。就算係我呢條窮撚都覺得幾抵。


工作內容就好簡單姐，以午更黎講 上晝就根據嗰日客人數目搭/拆帳篷，再好似上圖咁砌好所有野--執餐具、換汽罐、鋪膠地墊睡袋等等。(地墊洗唔到所以要噴清新劑)
睇過行山少女(ヤマノススメ)所以對搭營有少少認識，至少聽得明ペグ係解營釘

唔好見到有捲線器就覺得個個都有得用，呢個係Delux套餐先包，盛惠9000/人 (另外唔係用地墊而係吹氣床墊)
上上圖嗰個藍色篷同隔籬個白色帳篷都係delux價錢，係Ladies套餐。砌個白色帳篷好煩，基本上好似馬戲團嗰種帳篷一柱擎天，要捐入個勁矮嘅入口棟碌柱喺正中間，入口重要棟支倒V型嘅紅色柱撑著(成個hi...咳咳)。然後外圍嘅營釘要搨得好正，唔係個帳篷會歪黎歪斜好難睇，最麻煩係唔係日日都有ladies，所以用得一日就要拆

搞掂晒就清潔廁所，抹馬桶掃地補廁紙咁。男廁都好啲，清潔女廁要處理埋M巾
再等埋食材黎到就可以等食晏
中間有好多休息時間，大家都係坐喺炊事棟入面吹水上網咁。不過畢竟係山上，我張docomo sim卡完全收唔到訊號，又話どこも[任何地方(都聯繫到)]嘅。最後靠川岸さん(大佬)嘅wifi蛋先上到網。

食完晏就準備砌營火、生火、預備下一日嘅燒烤爐、醃肉切菜。然後直至啲客黎為止又係一段休息時間
除左吹水之外都可以玩下營場提供俾客嘅波同飛碟

等到客黎就帶佢地入帳篷，介紹場地，教佢地開爐，再問埋佢地想幾時攞食材(因為有啲客會想玩一陣/浸溫泉先)。
個個客都係日本人，介紹嗰時緊係全日文啦，我同另一個台灣拍檔シャ(謝)さん淨係聽左一次大佬介紹之後就要打真軍。兩個月內從兩個人一齊甩甩咳咳到自已一個搞掂晒，真係好感覺到自己嘅成長


食材好豐富，除左燒烤用嘅肉同菜(送燒肉醬)，又有飯團、炒麵、又有ポトフ(Pot-au-feu)，想食飯又可以額外要求
等到客人開始起火燒野食，我地重會煮埋烤雞俾客食
第一次見到荷蘭鍋。用薯仔洋蔥墊著雞肉喺荷蘭鍋入面烤，烤到咁上下就開蓋睇睇，顏色差唔多(日文黎講係きつね色)就上菜
我地三個成日都會互相問意見:
...:點啊
:嗯~~まだですね~~等多五分鐘啦(扮晒專家咁款)...
基本上大佬好信得過我地，我地話得就上得俾客
不過烤完後啲菜又生又燶咁唔係人食，大佬都直接同啲客講下面啲菜只係裝飾唔洗勉強去食，不過真係有客食晒
最麻煩係遲到嘅客，遲黎→遲攞食材→遲烤雞，分分鐘影響我地收工時間
同理，如果個個客都早收食材，我地都可以早收工。

個爐除左烤雞之外重可以喺啲客 起唔到火/火熄左 嘅時候俾炭佢地，順便幫佢地撥火
，重要扮晒專家咁款教佢地撥火嘅竅門


材料有剩就攞黎自己食，大佬教落，蒜頭加橄欖油落椒鹽丟入火烤，燒得好啲蒜頭就會好腍好香

最後等到差唔多收工就派營火俾客夜晚點著，雖然有時會唔著
收工就喺本館食埋晚餐浸埋溫泉(反正我做野著便服，唔驚啲客屌我地公器私用) 返去宿舍hea



如果客人放飛機，啲食材點算?
スタッフさんがおいしくいただきます
重要喺客面前燒 (當然留番喺宿舍自己煮都得)

諗番起好多事，睇黎又會係一大堆文字

早更就重簡單，一朝早返本館打完卡就沖咖啡(好酸好難飲)攞早餐去露營場，早更通常都係大佬負責嘅(重會頂晒早午兩更)，咁佢就可以揸車車晒所有野好方便，但係有時佢放假或者頂reception更就交俾我地，我地冇車揸就要一手咖啡壺一手五六袋早餐(帶把遮串起晒啲袋就方便啲)行去露營場
Set好晒就等啲客起身自己拎。等佢地走埋就清理帳篷同洗乾淨所有廚具。荷蘭鍋好難洗，次次都要用鋼絲刷係咁省
等到午更黎到交更放工。又係好多空閑時間，不過得自己一個冇得上網，只好影相睇書訓教
隻貓會捐入帳篷，所以見到就要打死佢 正一クソ猫 by大佬

清理帳篷嗰陣好容易睇到班客嘅人品，有啲客(一般係家庭)，尤其中年阿叔會擗晒啲檯檯凳凳喺出面落雨都唔理，食剩又唔洗野;相反年輕夫婦/情侶通常會執得好乾淨，甚至有啲會摺埋睡袋先走。呢啲小動作好影響到小朋友，會有樣學樣架嘛


戶外工作緊係會遇著天氣唔好嘅時候。
返左幾日工就遇著雨天，但係又要做野，係時候出動喺北海道買嘅￥100雨褸喇，然後用幾用就爛左喇。(伏筆回收) 大佬好有心幫我用膠紙黐番好，不過之後落雨都係著番諗著冬天用嘅滑雪褸好過

有一次咁啱生日嗰日番工，點知撞正暴風雨，返到本館先知唔洗返工，結果暴雨中原路折返，個天真係俾左份好大嘅禮物黎。不過真正嘅生日禮物係818先真
話說今年差唔多時候又打八號，個天又送我禮物

重有一次預報話有大風大雨，大老細落order要拆晒所有帳篷，我唔洗返工所以無去拆。不過第二日有客到，要一朝早重新搭番好5,6個帳篷。我地三個人好難喺咁短時間內set好晒成個場啦，結果大老細親自出手帶埋幾個餐飲部嘅人(不時會搵佢地幫手，反之亦然)一齊搞掂，好老闆


做野嗰時成日見到啲小朋友捉蟲(隻甲蟲好罕見 by 大佬) 打波好outgoing，有一次重同對兄弟玩埋一份。
做細佬緊係成日輸俾阿哥啦，打羽毛球打打下細佬發忟憎大叫:ぶっ殺してやるううう！(我要轟撚死你啊啊啊!) 真係一對好兄弟
第二日聽番大佬講，細佬臨走前重問我去左邊。佢地係常客年年都黎，不過下年我就唔喺度喇，一期一會bye

香港啲蜻蜓好過度活躍，舉起隻手佢地都唔識降落

叫得溫泉旅館緊係有得浸溫泉，呢樣野上面都講左
旅館分左四個溫泉，兩個室內，一個足湯，一個露天混浴(上圖)......叫得混浴緊係得一班阿叔浸架啦，你想點
我有次早更，放工一時興起走去浸，去到得我一個同一個大叔。我要囡囡啊


放工後嘅活動除左浸溫泉同hea，大佬成日都車我地出城請食野。去左幾次日本都發覺周街都有痴線佬之外日本人好鐘意自然自語，揸車嗰陣都係。大佬次次兜彎嗰陣都會叫: 行け行け！オラーー！(去啦去啦!啊啦--!)
我話大佬你，叫雞屌閪嗰陣係唔係都係成日叫イけイけ!オラ!架 (睇唔明可以問下識日文嘅朋友或者睇多啲AV進修下)

大佬(圖左)大阪出身，典型關西人性格。直腸直肚，好照顧啲細嘅(尤其請食野好重手)，不過鬧人鬧得好甘
右邊嗰個唔係シャさん，係另一個台灣人リンさん，佢餐飲部嘅，不過我地三個住同一層連續三個單位加上同鄉人，所以成日一齊玩同黐餐食
旅館經常請外國人，除左我地三個，重有韓國/馬拉人打工(全部餐飲部)。可能因為咁，旅館無歧視外藉員工嘅問題，大家都有傾有講

拳頭咁大嘅炸雞見過未? by 大佬

ニンニクマシマシヤサイマシマシアブラマシマシマシマシマシ
(For someone who interested，一間叫盛岡食堂，一間叫踊ろうサンダーバード，另一間唔記得)


工作期間正值運動最高潮時間，721唔少得。對唔著各位我太遲覺醒又黎唔到參加遊行，次次隔空睇著live都好心痛
京都動畫都係差唔多時候火災，請大家多多支持去睇紫羅蘭劇場版，呢套係好多人嘅遺作(利申無睇動畫版，諗著追返)



シャさん有車牌，所以如果我地一齊放假，佢可以租車車埋我出去玩。
シャ:　イっちゃう？イっちゃう？
我:　イく！イく！イっちゃううう～
講緊兜彎嗰時
つづく

都算估得中
我估到你做邊範都唔係靠google maps，純粹係我幾年內去咗四次東北，每次都住/經過盛岡連雫石同田澤湖嗰邊都去過兩次，先知到盛岡/八幡平嗰邊嘅山區嘅工最大機會係溫泉或者農場

話說休暇村嗰邊唔係秋田縣仙北市咩

利申：住過隔離鶴之湯兩次，仲有一次係本陣

巴打識野

仙北市係有休暇村(乳頭溫泉鄉)，不過雫石都有(網張溫泉)
休暇村喺全日本差唔多30個縣都有分店，價錢又大眾化，所以點解叫國民旅館

順便喺度劇透一下。
我搵到下一份工之後二老闆(接我車嗰個)問我做乜。
:下一站去收割椰菜
老闆:啊~你去嬬戀村啊
:你點知架
:我地喺嗰度有分店吖嘛(嬬恋鹿沢)，而且嗰度出名椰菜。淺間山近排有機會爆發喎，不如喺度做多陣先啦

真係緊有一間喺左近

原來個位咁刁鑽喺八幡平同雫石中間，無點自駕遊過所以真係去唔到

你搞到我諗咗一秒東北邊度有淺間山

Lm g chi