從日本一周到隔離兩週，工作假期遊記 (2) 東北關東篇

TG咗等你覆
希望俾到參考你

一朝早落大雨行去車站，孭著背囊好狼狽。
行到中途先發現頂帽唔見左，Decathlon! I'm sorry! I'm sorry, Decathlon
去到JR買個早餐，不過我唔會空肚食早餐嘅，食左毛豆味爆谷先，不過冇毛豆味，話說毛豆係咩味
仙台→會津若松再轉車，喺月台食早餐，隔籬凳又咁啱有個外國人食緊早餐


唔洗心急，聽日到你


途經蘆野溫泉，唔係蘿莉飛得


湯野上溫泉站落車，好有風味，呢個喺我記憶中唯二茅屋頂嘅車站(另一個喺大分)
留意下右下角寫著"来て。"嘅旗，係福島縣嘅宣傳標語。一眼睇落去好似好求其咁，但係考慮到個標語係311後先有，總係覺得有種悲壯感 (快啲黎啦 ←咁樣)
喺車站買好pass，再喺出面等巴士。
啱啱個外國人走黎搭訕，係同路人，佢之後再搭多個日本人訕，三人成行。
不愧係外國人，毒撚嘅我好羨慕，我都想喺旅行嗰陣再積極啲搭訕。



大內宿，叫得乜乜宿嘅都係以前旅客/商人嘅落腳點，簡單啲黎講即係酒店區


Nemo(個外國人，真係海底奇兵個Nemo)特登走去問婆婆影相，阿婆露出一副腼腆笑容


行到盡頭上山





一直線俯瞰大內宿街道。個天咁濛，同茅屋配搭有種特別氣氛。
本來我地有合照，不過搵唔番


落山食飯，本來無諗著食，不過既然兩位都想食只好陪佢地。
嗰度出名用一碌蔥食麵，唔浪費餐具好環保?(圖中嗰位就係同行嘅日本人ゆうや)


行返去巴士站又開始落大雨，返到去會津若松先至停，孭著狽狼好囊背。

大內宿望落真係幾正好舒服既感覺
用蔥食蕎麥麵

去過兩次仙台 好撚正 車站既毛豆奶昔同毛豆年輪蛋糕都好撚好味

同埋青葉城一定要食果間牛舌

留名

返到會津若松，同Nemo分開。唔知佢之後係唔係聽ゆうや推薦去姬路城，重要坐新幹線去。明明前幾日先去完妻籠/馬籠宿(長野/岐阜之間)，而家又兜返轉頭，何等財力




喺JR出口一直線行，沿路同ゆうや吹水，佢原本住九州，讀緊大學去關東做intern，趁未開工前去個旅遊咁話。佢又話好想黎香港玩...過左成年香港都係唔適合黎

會津榮螺堂(円通三匝堂)，據官方講法係世界唯一雙螺旋木造建築。另外叫三匝堂係因為佛教有順時針兜三圈(匝)參拜嘅儀式而得名(wiki)，兜圈+參拜二合一好方便
成個塔好似扭曲左，驟眼睇有啲詭異


upm9


喺飯盛山行過少少，去到白虎隊墓地。
戊辰戰爭時會津藩(幕府軍)分四個戰隊，依年紀/戰力分配，白虎隊就由青年組成。當時新政府軍步槍大炮乜都齊，相反東北嘅幕府軍重係用緊前世代嘅火繩槍，屈晒機。結果二番隊敗退到飯盛山，一班傷兵根本打唔贏，就一齊切腹。勇武派(雖然係親政府)
不過有啲死唔去，重好長命下 總之自殺ダメ、絶対
墨索里尼聽到好感動，送左碌龐貝嘅羅馬石柱黎做紀念碑
再隔籬重有近藤勇(新撰組長)墓，不過就無去

行返去JR附近
我 :行唔行埋鶴城啊，附近重有條幾有趣嘅街喎
ゆうや:好想去但係時間好似唔係好夠，我重要坐車去仙台(咁啱又係住nine hours)
:我查過重可以遲多一班喎，真係唔去?
:嗯~~~都係唔喇
: OK bye~
引誘失敗，自己一個去


七日町通，成條街沿路都係江戶至昭和風格嘅建築，而且有啲賣飾物、時裝、甜品嘅鋪頭，文青啱晒 最緊要係會津若松唔係一線景點，好少人
順帶一題，野口英世係會津人

會津，戊辰戰爭，新撰組，薄櫻鬼，OK...


若松城(鶴ヶ城)，戊辰戰爭激戰地，對歷史唔熟，淨係知會津係成個戰爭中好重要嘅一個地方
查維基發現到一啲趣事:
1986年山口縣萩市 (長州藩首府，即係新政府軍嘅核心) 想趁會津戰爭120周年，同會津若松市就戰爭和解兼結成友好都市。會津若松市以未夠120年為由拒絕。
另外有 會津地方嘅父母唔准仔囡同長州嘅人結婚 嘅講法
アイツまだ怒ってる 唔明都係問下識日文嘅朋友

夜晚又係住快活Club，不過有得沖涼嗰間喺JR嘅另一邊3公里外，所以行返轉頭
不過又可以沿途欣賞舊建築


之前cctvb有節目介紹過會津百年老店，不過人地一早收左門
Anyway，總之搵到代表會津嘅野食就得喇。
當地人習慣鋪左椰菜先擺豬扒
味道唔錯

つづく

樓主竟然會去會津

我兩年前去嗰時嗰邊都係無咩遊客咁滯，好靜但係好舒服除咗大內宿會有團客比較多人之外

宜家有鬼滅帶起同埋 go to travel，都希望佢哋多啲人去吓

青葉城上面都冇咩睇

又關鬼滅事
以為除左奈良姑且計埋東京之外無聖地

凌晨5點幾出發，又落雨。不過落得呢場，之後個天都算唔錯。
返到JR坐另一條線，乘客意外地唔少，當中不乏鐵道撚同龍友。


深入奧會津，愈黎愈多會津嘅傳統紅屋頂。其實唔只紅色


會津川口站落車。一落車個個都走上車頭影相
2011年只見線有暴雨，山泥傾瀉之類搞到只見線後段通唔到車，而家(2020)都未修復好，所以如果想去埋剩底嘅站就要坐接駁巴士。
差唔多個個都坐巴士走，我就志不在此


沿馬路行返轉頭一公里，去到鐵橋再過少少有個かねやまふれあい広場。公園細細地不過係只見線嘅打卡熱點(初心者向)


離下一班車重有20分鐘左右，慢慢調整相機先
一片煙雨雲山下，紅屋頂嘅村莊特別顯眼，配合只見川彎曲嘅河流，好似身處歐洲山區咁


我黎福島最大原因都係為左坐只見線同影呢張相 影得靚唔靚另計
雖然冬天更靚，但係心滿意足喇













繼續向下一站出發


其中一張好鐘意嘅相，好有意境，老鷹(?)翱翔山雲間


會津中川站附近，離下一班車重有兩個鐘，喺道之驛訓下先


咁少香港人嘅!?唔識野。其實去到無乜香港人去過嘅地方，我反而重開心
兩男兩女...情侶黎嘅




時間好多，放慢腳步行


兜完一圈去車站，向下一站出發


會津西方站落車，google map見到有餐廳，一點幾，食埋先。
好似黎得唔啱時候，去到老闆夫婦重訓緊
而且無晒麵，要即刻整。味道都唔錯


回頭路返去T字路口，今次直行去歲時記橋。
只見線嘅打卡熱點(初心者向)之二。不過通常都係晨早去，影埋煙霞先靚，感覺大概係火車上面，中間夾著煙霞，下面倒影。


返到車站重要等個幾鐘先有車
而家睇返轉頭，我應該上埋道之驛影一號橋先啱




つづく

咁就見人見志啦
至少我覺得臨上到頂嗰個石垣幾壯觀。城外個景好天嘅話都唔錯
打個卡，到此一遊姐

俾人話好似無限城個座旅館咪喺會津蘆之牧溫泉囉

9月5號。朝早睇完阿弐喂川搭車出發。
*阿武熊川係東北繼北上川第二長嘅河流，好奇妙嘅緣份(?)



磐城棚倉站落車，目的又係為左拜神
為左攞朱印特登兜路去埋啲無乜野睇嘅地方，開始產生左後悔嘅念頭，但係呢個係最開頭set 好嘅目標，不想放棄只好繼續
...個鳥居好似歪左喎
而且周圍好殘破，好似好耐冇人修葺過咁，我係唔係去錯地方。
不過咁殘舊反而有神秘感，パワースポット

拜完，過左開門時間都未有人，算數走人。
正門黎左一個阿伯，佢一身polo我以為佢係黎晨運。佢問我係唔係黎攞朱印。乜佢係神主啊。
好似好耐無人參拜咁，佢同我講好多神社嘅歷史。
最後佢返左屋企幫我寫朱印。間屋就喺神社隔籬，跟著我先發現原來告示板寫著"想要朱印請到隔籬屋"

陸奧國一之宮其二，另外有另一兩間同名嘅，不過神主稱自己呢間(馬場)先係正宗，拜左呢度唔洗去其他度拜



聽左神主嘅歷史堂，對神社附近嘅棚倉城(龜城)有啲期待。畢竟係當年伊達政宗都久攻不下嘅城(防守力高所以叫龜城)，而且係安土城設計師個仔嘅設計。去到得個公園
前日鶴城，今日龜城，好奇妙嘅緣份(?)

關東


晒左成個上晝終於到關東，原本喺磐城棚倉站沿線直落可以去水戶市，不過一來茨城縣已經去過(大洗)，最重要嘅又係要拜拜。所以要U turn轉去餃子...唔係，宇都宮市(栃木縣)。


又猴頭又蛇(へび)又鱉油(スッポン油)咁乜事


宇都宮二荒山神社。下野(しもつけ)國一之宮。
嗯?你話日光嗰度都有一座二荒山神社? Of course 去ed
順帶一題: 補陀洛(ふだらく)→二荒(ふたら)→二荒(にこう)→日光(にっこう)


神社對面就係美食(餃子)廣場，一個套餐額外叫多碟餃子都係800，不愧係餃子縣，鐘意食餃子嘅人如我抗拒唔到 [日本興珍珠(タピオカ)奶茶到一個點呢...]
其實栃木縣重出名士多啤梨同葫蘆同檸檬味牛奶。但係個個都食餃子又有邊個會理


宇都宮城，不倫不類咁已經唔知俾乜意見好
影影下相，有班日本大媽經過見到我塊紙皮。同佢地講左我係香港人之後，有個大媽講"你又咪係過黎玩"。
駁唔刀


返到車站。聽到樓下政黨宣傳，咁啱講緊香港
幸福實現黨，內容又係啲咩香港人嘅幸福就係我地嘅幸福
個名已經夠柒，講埋啲野又虛無縹緲，記得個黨好似有宗教背景添。
我真係完全對日本政黨無好感
利申無意分化

今篇無乜景點對唔著
つづく

上一章講左今次去GUNMA打工，但係關東重有好多地方未去過。尋日向反方向嘅東京停留一晚，今日(9月6號)去千葉縣。
佐原站落車，行去大馬路對面嘅遊客中心租單車。


來回6公里好晒時間，踩單車好過。
香取神宮參道個門口，點講好呢，硬係覺得柒柒地，好似made in支那嗰種庸俗感。
店舖就多數賣和果子之類傳統野，偶然有間cafe咁。


下總(しもうさ)國一之宮。千葉縣喺古代盛產麻(ふさ)，所以以前成個千葉叫做總國(ふさのくに)，之後6世紀左右再分成上下兩國。無錯千葉上半部係叫下總，下半部叫上總，呢個係以京城為標準，近京都啲就會叫上。日本嘅上下左右係唔同啲。(同樣例子可以參考左京同右京)
如果去過劍道嘅道場，應該會見到道場個祭壇左右掛著香取大明神同鹿島大明神兩條掛軸。咁係因為兩間神社嘅祭神都係武神，曾經一齊下凡平定日本。香取同鹿島從好多方面上都係姐妹關係。(另外東國三社中重有座息栖神社，不過唔多講)


拜完踩去道之驛休息下，食個晏。雖然話食晏，其實淨係食蘋果
望著利根川，對面就係茨城縣。
利根川係全日第二長河，流域面積最大，日本三大河之一。
休息嗰陣見到有個backpacker都喺度休息緊。臨走搭佢訕。


佢法國人，自己一個環遊世界，之前去左東歐俄羅斯而家黎日本。已經孭著個80L嘅背囊行左幾日路。
我地行左一陣，之後佢繼續搵住宿，我繼續行程



好在時間尚早，未有好多人。小橋，流水，垂柳，古宅。佐原嘅小京都。


伊能忠敬舊宅。講到日本一周，佢係位大前輩。中年中途出家學做地圖測繪，畫左日本第一張全國地圖。宗谷岬嗰位間宮林藏都係佢弟子


又見到頭先位法國女仔，佢搵唔到平價住宿遊蕩緊。不過附近得傳統旅館，貴野


回程返JR

live

會津若松前後行左幾耐

剩係計會津若松市中心，行左3~4個鐘
如果想去埋豬苗代湖，預一整日都得

順時針兜千葉縣一圈黎到上總國一之宮，玉前神社
關於祭神，神話寫道佢受姐姐委託照顧啱啱出世嘅甥仔，之後兩個結埋婚。所以有結緣、安產同おねショウタ等等嘅神德。
另外春分秋分時候太陽光啱啱好貫穿玉前神社，富士山同出雲大社。係唔係特登就唔知，不過日本好多呢類野(google"京都 五芒星")

請巫女寫朱印，結果佢滴左幾滴墨落隔籬版，你要點賠返俾我。
算啦話唔定係神嘅旨意


坐著火車遊海岸線係好賞心悅目嘅事，不過有啲大浪，天氣預告都話有個風黎緊


落到房總半島底再轉巴士。安房(あわ)國一之宮，安房神社。阿波國(現德島縣)都係叫あわ，因為係古代阿波國人坐船去左千葉縣南部開墾(麻都係佢地帶黎種)，之後就將呢度叫あわ。另外房總半島就係安房同總國合稱。
離下一班巴士得30分鐘，無行好耐就忍痛急腳行返去巴士站。結果都係趕唔切，而且嗰日係假期，下一班車係兩個鐘之後。嗰日東京有個講反送中嘅講座，遲左就聽唔到。
嗯?咁而家咪係截順風車嘅時候。
今次毫不猶豫咁舉姆指，一直掛著紙皮訓練恥力係唔同啲嘅。
可能我柒企喺巴士站度截，等左十廿幾分鐘都無車理。 結果身旁T字路突然彈出一駕車，問我係唔係截順風車。 報復成功
如是者上左車返去JR。雖然途中兜路送司機朋友/親戚落車，不過唔洗等兩個鐘車已經好好。
同司機途中吹水，佢本身喺JR附近嘅hostel打工，呢日咁啱要帶仔仔上興趣班。可能佢做開hostel同埋係媽媽，對幫人/旅客特別上心所以先肯載我
不過都係趕唔切班車返東京聽talk，冇辦法。

坐車途中訓訓下聽到廣播 "下一站，ようかいちば"。 嗯?妖怪千葉?
望向車廂屏幕，係八日市場先真。

呢兩日住嘅hostel幾得意，去到無人serve，唔洗check in直接上床訓(當然入門要密碼，而且事前email左俾我，係我無留意到)
尋日(8/9)個天已經愈黎愈差，結果個風吹到正一正，第二朝(9/9)JR停駛，本來想去橫濱都去唔到，困左喺東京。
Fine，咁今日黎個東京一日遊。
有關當日情況個post重喺度:
https://lihkg.com/thread/1554334/page/1


不過起行之前緊係上JR睇下日本社畜有幾鐘意返工先啦。
[已經想像到晏晝4、5點重有人排隊趕返工 同時放工 10:47]


一隻二隻迫晒喺月台
我有雙腿，我有自由


田端→淺草。遊客依然好多，係無乜香港人。心情有啲複雜。


張相嘅主角係晴空塔，唔係阿叔


上野。打完風天氣好屭焗行到身水身汗
孤獨美食家電視劇有介紹過呢間主打羊肉嘅中餐廳。前年無食到，今次補番。員工全部中國山西(?)人，味道應該好正宗，總之就係唔錯啦。


秋葉原。暈暈地身體有啲頂唔順，喺商場坐低休息下。勉強行落去真係會中暑。
神田明神。對LL冇興趣，不過都要入去社務所休息下。話說間社務所又鋁身外牆又落地玻璃咁，好有現代感


上野恩賜公園。動物園閂左門無入去
睇動畫睇上腦，凝著凝著個蓮花池會突然著火。


新日暮里。叫得日暮里，日暮時間真係好靚。不過穿過墓地先去到JR，都係行快兩步

[好啦，俾你預言到喇，你要點負責 18:15]

望著班社畜好愉悅。

行埋聽日就要返工
つづく

4小時比想像中快

冇法國女仔相