從日本一周到隔離兩週，工作假期遊記 (2) 東北關東篇

留名支持 
呢類經歷一生難忘，尤其而家唔知幾時先有得再去旅行 

上星期去左八戶 好正

講起八戶，有間成日落海鷗屎嘅神社（蕪嶋神社），聽落好正
利申冇去過八戶

去過一次 第二次去點知比人燒左 見到d海鷗生蛋好得意

去左

坐車經過過一次

好正
張相好有氣氛
好想去淋屎雨

外出要從旅館搭巴士去盛岡，如果揀搭JR去唔同地方 又要等車又要轉車來回好花時間
穿梭巴最後一班車只係去到四五點，一個唔小心就會遲到甚至甩左(司機好好人所以會等多陣，不過始終影響到客人，返到去聽俾老闆話) 利申:無遲到過
所以我就同識揸車嘅シャさん租車一齊去秋田喇


從盛岡往秋田方向嘅公路起喺峽谷上，沿路欣賞窗外山巒起伏，做坐車嗰個好爽

16/7，得一日時間玩，所以去比較近嘅角館。泊車位置隔籬就係檜木內川河堤，睇番資料嗰度係賞櫻景點，每年4，5月都有祭典



雖然停車場有幾駕旅遊巴，不過入到角館町就小貓三四隻。環境好寧靜，配合一條林蔭馬路，好有氣氛
一到秋天，成條馬路都係紅葉，可以想像到個景會更靚。不過到時肯定迫爆人，而且肯定會聽到大媽大叔用中文(不限於普通話)大大聲講野


喺我份WH申請書入面我寫(老吹)過我想睇日本四季嘅顏色。枝木繁盛嘅綠葉係夏天嘅象徵 。 但係我嗰時寫夏天係藍色，春天先係綠色


自從睇過高岡市(富山縣)嘅古建築之後特別留意樑上嘅彫刻(唔知正確名稱)。呢間嘅特別之處係鏤空木板，俾光線穿過投影喺白色單調嘅牆上。


對秋田歷史冇乜印象。講到近代，平賀源內(江戶時代西洋學家)曾經喺角館教過當地畫師西洋畫畫技法，後來興起左"秋田蘭畫"畫派。去秋田嘅美術館應該會見到。


食晏求其搵間餐廳就算好味
大佬:去到秋田點解唔食きりたんぽ*?
街邊都係一串串賣，睇落唔夠飽肚所以冇食到
*きりたんぽ:烤米棒。除左一串串食之外都可以落火鍋度食。卡樂B嗰隻薯片與其話係きりたんぽ鍋味不如話係牛蒡味


武家屋敷範圍外都有各種舊建築，冇樹蔭好熱





去抱返溪谷先係我真正目的。 沿著溪谷步道一路望著碧綠色嘅河水，旁邊又有奇岩怪石，成條路行得好舒服(除左我著拖鞋行喺碎石路上之外)


行到尾段出隧道，T字路轉彎一望，靚到成個人呆左
瀑布喺隧道旁邊，掉轉頭先見到，難怪叫回顧之瀧


返到入口。橋上嗰對情侶，唔好以為成場得你地係香港人


把握最後時間去田澤湖。赤腳踩喺灘上感受湖水嘅清涼好爽
不過隻腳黐晒沙，好驚俾租車店職員話整污糟駕車

22/7，三個人一齊放假，今次去平泉。從盛岡租車出發都好晒時間，只好俾錢上高速公路
迷下路，中途停下車，食埋晏，去到中尊寺已經差唔多1點


中尊寺係平安時代中後其由 奧州藤原氏初代 藤原清衡建成，經歷四代百年歷史，形成獨自嘅文化，亦令平泉成為僅次於京城嘅大城市。直到平安時代完結前幾年イイクニ作ろう鎌倉幕府源賴朝以藤原泰衡(第四代)匿藏源義經為由進攻，奥州藤原氏一族被滅(wiki)
(今朝咁啱有另一位ching嘅聖地巡禮post講平泉，有興趣可以參考下。雖然估計到，不過真係咁啱同一日post架)


關山 中尊寺 (日本每間寺都有個山號，就算起喺平地都有)
大佬:喺中尊寺收印收窮你啊
中尊寺境內十幾間佛寺，間間都有朱印，平均一個300，我先冇咁笨間間都收，要出名嗰啲就夠。
中尊寺本堂同其餘同樣由慈覺大師開山嘅四座寺有合作，推出四寺廻廊專用朱印紙，不過no thanks (當然四座去晒)

中尊寺金色堂覆堂，入去境內要800，收印又要錢，錢錢錢錢
而且展品同堂內都唔俾影相 btw入面好多展品都係出面見唔到，好值得睇下
金色堂係藤原四代嘅墓，四代人嘅木乃伊喺齊度。叫得金色堂，成個堂真係鋪滿金箔，另外柱上重有蒔繪螺鈿*，揮金如土啊
*螺鈿係用貝殼內側彩色部分嵌上柒器上嘅技法，中國周朝發明，
蒔繪(まきえ)就用金/銀粉取代貝殼，用粉撤(まき)喺塗左膠水嘅柒器上面
平時都係用喺盒、刀具呢啲面積細嘅野上，藤原氏奢侈到用喺柱上



其他都係寺院，無乜特別要講，向下一站出發

漆左
更正番，蒔繪係利用漆（樹脂）本身嘅黏性黐著金粉
另外唔係柒器，係漆器
No one cares

大佬有云: 去平泉要試下郭公團子，嗰度會將啲團子用纜索飛過溪谷，幾有趣
但係點解係台灣國旗


饀就左到右分紅豆芝麻醬油。味道就
整體黎講好微妙，紅豆芝麻一啲都唔甜，唔係香港人讚甜品唔甜嗰種，係真係冇甜味。醬油味更加奇怪，又鹹又黏咁。好雞肋，最後兩位冇再食，得我一個人清埋盒野。


不過成條嚴美溪都好有氣勢，坐喺涼亭邊食邊賞溪係幾風流嘅
食完再沿溪谷走走。成條溪谷種滿櫻木，春天嗰陣就有好野睇
隔籬個主題樂園無乜人，看板又舊，我一直以為係荒廢左



身為效率至上主義者，我唔明點解兩位司機會去左最北嘅中尊寺之後去最南嘅嚴美溪再兜番上北面睇其他景點
But anyway，沿公路北上到達 達谷窟毘沙門堂，又係田村麿起嘅寺，用黎慶祝自己打贏仗。三個人入到去欣賞緊個石窟廟嗰陣，有個旅行團嘅大叔走過黎，話乜樓上好危險，隨時死得人，你地三個上到去要有犧牲一個人嘅覺悟云云。我冇聽明晒佢講乜，以為佢講緊係個廟入面個神好惡，唔好老脾就會作祟之類(畢竟間寺廟有供奉牛頭天王*)
*牛頭天王喺神佛混淆時代被視為素戔嗚尊荒魂嘅化身，素戔嗚尊出名爛仔(神)一名，佢嘅荒魂(神 凶猛暴力嘅一面)就更加危險

上到入口，嗯，阿叔乜你講緊呢樣啊


廟入面冇燈光，影唔到相只好影下出面。
上面有自稱全日本最強護符賣。擺著牛頭天王個名，說服力好似即刻高左唔少。But no thanks
出到去有座石雕佛像(磨崖佛)，有說係大日如來或者係阿彌陀佛(wiki)。不過個個佛都一樣樣，得塊面分唔到囉


行多一陣，又見到啱啱嗰位阿叔，喺佢盛意拳拳(半強迫)下三人合照
我先唔會俾你地見到我舊豬腩肉


奉拜
藥師如來
平泉 毛戉寺
(佛寺嘅朱印寫得特別潦，解讀上有啲難道)
毛越寺(讀もうつうじ，越字係特別讀法)，四寺廻廊其二。成個庭園圍著個湖，個湖淨係得一舊石，好WABISABI。
舊石曾經喺地震中震歪左幾度，要特登搵專人擺番正。我以為舊石係唔係有乜特別，喺任何角度都會見到舊石方向唔變之類。唔係，好正常嘅一舊石，藝術呢家野我真係識條鐵。




遺留著平安時期庭園嘅引水河(遣水)，而家一般講起嘅枯山水庭園係室町時代嘅產物

文人貴族唔少得要玩曲水流觴


陸中國一之宮，供奉駒形山，以馬做守護神，有傳係因為附近係軍馬產地
附近有個藤原之鄉，係好多劇集嘅取景地，太晏去唔刀


傍晚上到北上市，喺家庭餐廳食晚餐，千幾円包鋸扒，沙津吧，湯同咖哩飯任添，無錯係咖哩飯任添
夜晚帶埋兩位去快活club訓一晚，聽日繼續

北上市除左好多雞叫之外無乜印象 by大佬
つづく

第二日23/7，リンさん要番工，順路車左佢去花卷坐JR返盛岡，得番我同シャさん。好彩佢咁啱番午更，趕得切返去


時間尚早，去左宮澤賢治童話村，不過早過頭未開
宮澤賢治同嗰個廢青作家石川啄木(參考上一章)都係岩手出身。講到宮澤賢治最出名應該係銀河鐵道之夜，後世好多作品都受佢嘅影響/以佢致敬，似銀河鐵道999。唔好同我講重有嗰套舞台劇漫畫

連帶縣內有關鐵路嘅都不其然同銀河鐵道之夜有關係，IGR岩手銀河鐵道唔講，雫石站成個站都係以佢為靈感設計。另外雫石站係東北100名車站之一。


一路向東，不斷喺山谷同田野穿插。望向煙雨朦朧嘅山同田好似身處蟲師嘅世界



黎到遠野，最大目的係聖地巡禮，穿過市中心到遠野故鄉村。(遠野俾人叫做日本嘅故鄉)
市中心時間好似停留喺昭和咁，無高樓大廈人又少。睇黎年輕人都出晒城住，得番啲老人家

好多劇集都喺故鄉村取景，真田丸都有，應該係幸村童年期嘅景?


村入面好多同款嘅屋，都係完全仿照遠野民居嘅設計而起。
講真間間差唔多，嗰時除左茅屋頂之外唔知有乜特別，睇到有啲悶。不過近排睇左遠野物語之後先知成間屋嘅構造。

首先係成間屋呈L字型

從ホラマエ入去。

馬厩(ウマヤ)

馬厩灶(馬のカマ)，有真人示範煮野

廚房(ダイ所)

起居室s

倉庫(クラ)

緣側


無乜娛樂嘅古代小朋友嘅娛樂

すごく。。。おおきです
呢個高過個人嘅稻草人其實喺東北其他地方都有(至少電影節目話秋田有)
相關祭典就全日本都有。喺二百十日(立春起計210日)特別易有台風，吹毀農作物。所以農民會喺祈求風平浪靜(wiki)
...(盂蘭)盆之雨風祭之時以藁扎成比人大的人偶，送其立於岔路上。以紙畫上面容，以瓜作陰陽之形(即係閪同屌)，(後略)...(遠野物語--109)
sor for譯得不倫不類。遠野物語原文係近代白話文(徐志摩嗰種)，睇得好辛苦

ゴンゲサマ
好似好惡死，傳說話有兩隻唔同村嘅ゴンゲサマ打交，打到其中一隻甩左隻耳。
另外有保佑火災同小朋友無病嘅功效(個方法係食火同咬病)(遠野物語--110)


順路去埋福泉寺


講到遠野唔少得河童。但係要強調一點，遠野嘅河童係紅色嘅(遠野物語--59)，不過當地人好似都唔理咁多，河童=青皮膚
但係我去到九州先知大分先係河童發源地以而家進度九州篇至少係半年後先寫到，睇下我爛尾先定九州篇先

傳承園看板娘
開頭我以為係用遠野做背景嘅動畫嘅角色
(不過動畫真係有，搵埋岩手出身嘅桑島法子配音)
詳情參考:
https://www.youtube.com/watch?v=NBzc3DSluuk


...睇黎前面冇河童喇...
你估pokemon go咩





入到去。想像下俾咁多上面嗰兩款木公仔包圍嘅情況。好詭異，好在館內唔係得我一個人
雖然話用黎祈福，家家戶戶都有，但係我唔會想擺喺屋企，尤其係人樣嗰個
...古時有一貧窮農家，喪妻而有一個美麗女兒。亦養有一馬。女兒深愛其馬然每晚於馬厩共寢，遂結為連理。某夜父親得知此事，翌日瞞著女兒縊死馬匹於桑榭下。晚上女兒從父得知，走到樹下，偎著馬頭痛哭，父親看不過眼用斧砍斷馬頭，女兒轉即乘著馬頭升天。大白神(オシラサマ)為此事後而生的神也...(遠野物語--69)
重有各種版本(印度版都有)，不過不外乎都係阿囡人馬交，老竇殺馬，馬囡齊齊升天嘅情節。
而オシラサマ都有好多唔同版本，從蠶蟲神(桑葉相關)到狩獵神(告知オシラせ有利狩獵嘅方向)都有 (遠野物語拾遺--75~85)



行落少少穿過常堅寺就係河童淵。 連狛犬都係河童形


俾200就可以買張釣河童証書，加俾你青瓜同漁竿釣河童


重申一次，遠野嘅河童(略)


水光園，本身係旅館，不過我地當係景點遊覽

成個撚樣應該係コンセサマ? (遠野物語--16)


食埋晏就要返去等巴士
求其搵左一間食堂。我叫左韮菜豬潤，加啲醬油好好味，如果有蠔油就更好(香港人思維)


好耐冇喺筆記畫畫，結果唔係畫景點



つづく

返完早更好攰本來想留喺宿舍hea，結果俾兩位放假嘅台灣同事叫左出黎
約左喺貓頭鷹cafe等。間野喺ガスト門口前面條樓梯下面，搵左我好耐

「陣間大佬會請我地食飯」 「O RLY?」 (設計對白)


8月2號。每年八月頭4日都會有盛岡さんさ踊り祭，好似上幾篇講嘅咁，さんさ踊り本來係慶祝擊退惡鬼嘅舞。而さんさ係歡呼聲咁話.....黑人問號


JC



https://youtu.be/4z261BCCOss





同岩手嗰種樸實寡言毒撚嘅縣民性好唔同，成個祭典充滿太鼓聲同人聲，好熱鬧
佢係東北三大祭之一?定係五大祭之一? 你想佢係幾多大都得
所以N大祭祗不過係一句口號，同高岡大佛自稱三大佛之一其實都係一樣



8月5號。大家去罷工，我就去放假
唔知係唔係番工第一日就同老細講左想八月頭放假，結果真係俾左兩日假我
青森蘋果，我返黎喇


一朝早出發，到青森都已經4,5點。 不過對祭典黎講重好早，喺十字路口霸好靚位慢慢等。
差唔多開始嗰陣個個都坐喺路駁等，我身後面企左對香港嘅中年夫婦，佢地猶豫緊坐唔坐好
我:可以坐架(廣東話)
婦:...我知啊，係我諗緊坐唔坐芝麻
我:
屌，最後又咪係坐


月黑風高，正係我地搞野之時


佞武多......?

https://youtu.be/GuU1QhIkJX8








最鐘意都係上面呢個，佢個彩虹光唔似傳統佞武多
。查番原來係現時唯一一個女性佞武多師設計，難怪咁破格




另外有啲業餘/學生作品


佞武多祭......?


每逢祭典期間，青森(唔止青森市)旅館都係迫爆，連我上次住嗰間4000嘅昭和煙臭酒店都漲價成萬幾円一晚。
所以有啲人會一年前訂好酒店，誇張啲嘅帶埋帳篷公園野宿。
我呢，無錯又係快活club。 不過一樣無晒房，只可以趴喺開放位嘅檯度睏，第二朝好似無睏過咁


返去之前行多陣。 見到八甲田丸，又係津輕海峽冬景色


黎到青森，去睡魔之家是常識吧


佞武多最正嘅係張平時2D嘅水墨畫/浮世繪用3D方式表達，畫入面表現唔到嘅仔細位都做到出黎，所以可以喺唔同角度睇，而且更有氣勢


一直以為佞武多題材只限中日神話歷史，竟然連拉美西斯二世都有
(另外可以睇下OVA武士蝙蝠俠，入面用左佞武多嘅方式介紹敵人陣營。神風動畫真神也)


食埋晏返歸




乜話!?你話你地無罷工!?
つづく

好有心機support下先
夜晚長曝光嗰幾張好似百鬼夜行
邊度打工都係，揾啱大佬跟真係好緊要

重以為個post沉左冇人睇

感謝▪▪▪っ！
圧倒的感謝▪▪▪っ！

浮上水面推一推先

BTW樓主出密啲

9月1號，又係時候展開旅程向下份工出發。
屌，尋日831睇live睇到勁嬲，搞到乜旅遊mood都無晒，但係自己乜都做唔到


總之點都要做啲野支持下同俾自己個心好過啲
所以呢段旅程都係戴著張紙皮行。(伏筆)
不過之後無喇，恥力唔夠


一朝早同大佬同其實關照過我嘅同事道別，同シャさん一齊去盛岡。(佢9月2先出發，所以佢係陪我出去兼hea多日)
再見喇，拍檔!
上到車，連張紙皮都唔見左喇
所以上面嗰張野係第二代，喺火車上臨急臨忙寫出黎



盛岡站→松島站。JR站名成日都有個問題，個站同埋同名景點硬係有一大段距離，起碼行左半個鐘先到松島。
途中入左みちのく伊達政宗歴史館，入場費成千，我掙扎左好耐先俾錢，點知係伏
得堆蠟像同一堆文字，咁就1000


日本三景之一，一片汪洋上浮著形態各異嘅小島，呢個就係胡適咁鐘意松島嘅原因?
不過我冇乜心情欣賞個景，831、好商業化、好多人




瑞巖寺，四寺廻廊其三。參道沿路都係石窟同磨崖佛(石壁浮雕佛像)，喺其他寺廟好少見
本堂要除鞋入，成條走廊有一少段距離，望向室外有庭園，室內就有國寶，可以慢慢行感受下氣氛
不過no photograph



松島海岸站個設計好正，個月台可以直接望到松島停車場
隔籬間餐廳都好有海邊城市feel



南下仙台之前中途落車拜下神先，本鹽釜站。東北百名站之一
海港城市獨有依山而建一層一層嘅屋


影影下先發覺個白平衡有啲唔妥


陸奧國一之宮鹽竈神社。 呢度個竈同釜一樣讀がま唔係かまど，唔好睇完鬼滅就衝出黎柒
古代嘅當地人用鹽釜製鹽(簡單黎講就係煲乾海水)所以呢度叫鹽釜/竈
座神社喺山上面，可以俯瞰市內風景 我懶無去睇

二合一朱印，好型，啱啱好相連太好喇


Here we go! 仙台 let's party!
臨到仙台前有班印度婦女上車，一個二個都着著莎麗，應該係當地居民。而且佢地有講有笑，其他人都冇點理。呢樣令我對仙台加分唔少，令我覺得仙台係個包容多元文化嘅地方，不慨係第一個同教宗有來往嘅日本地方(國家)


仙台唔少得食牛脷，好味


＜=To Be Continued | \ | /

試下更新密少少，不過有時會寫短啲，唔係次次寫幾個鐘真係唔掂


我話去仙台party? 呃你咋
去左隔離個山形先
去到山寺站先法覺無帶相機電池
不過一朝早黎見到煙霞實在太好


從JR行去對岸會見到心型石


登面白山好面白(有趣)


立石寺，四寺廻廊之四。之前喺niconico見到日本網民題起山形就會諗到立石寺


題到立石寺當然唔少得芭蕉，記著芭蕉只係一個普通嘅俳句阿叔，佢無用肉身抵擋最上川嘅流水，亦都唔識用HAIKU嘅力量同NINJA對抗


去到七點半，不過山上八點先開門
兜多陣路








夠鐘，入去，貓貓


雖然有啲人，但係成個環境好靜又涼爽，慢慢行好享受


閑さや岩にしみ入る蝉の声...
蟬聲就無喇，落山嗰陣就有選舉宣傳嘅聲囉
喺誠品見到本芭蕉詩集中文版譯得唔錯，不過唔記得左譯文，無謂上網搵啲唔啱心水嘅/自己譯啦


山(寺)頂拜拜先，不過重點明顯唔喺度


納經堂。秋冬黎就更靚嘅，不過到時就好多人。
[有啲似武俠小說修煉武功嘅地方 xx:xx]


寺廟有好多岔路，有啲危險嘅無行/唔俾行。對面山谷就係咁


一覽山寺嘅里山景色。上有煙霞群山，下有河流村落同政客宣傳


...請不要塗鴉，這是國家指定史蹟及名勝境內的建築物。日本的寶物是大家的寶物...
一切都好諷刺


法燈ゕ滅? 解唔到，但係好型
落山開始多人，而且有旅遊團，早黎係啱嘅


號稱唔溶嘅雪條，加左葛粉，食落似蒟蒻，無蘋果味揀
食埋山寺特產 力蒟蒻，醬油味，食落唔似蒟蒻，再硬身啲爽啲。其實食左至上山先係順序(食完有力氣上山咁話)


臨返去前再上車站個觀景台
山形咁就bye喇，原本諗著最後一程旅行會返黎山形睇出羽三山+鳥海山，但係個plan轉左，差唔多成個北陸/東北西部都去唔成

萬籟俱無聲/夏蟬嘒嘒鳴叫響/沁入苔岩中
<=To Be Continued |\|/

11點幾返到仙台JR。我嗰時先知道青春18可以直接插入閘機出閘
以前公司上司好鐘意麵包超人，特登兜路去麵包超人博物館，影啲相釣下佢胃口先


去返JR另一面出口行街。又影相釣啲鐘意小精靈嘅fd
三次元小精靈中心.....喬伊先生?


OWSON，無串錯係OWSON


穿過廣瀨川，上到瑞鳳殿，伊達政宗靈廟。 瑞鳳get....?
與其話岩木山神社抄東照宮，不如話瑞鳳殿抄東照宮啦。瑞鳳殿遲起過東照宮，而且大家都係桃山時代建築風格。
而且記憶中德川家康成日試探伊達政宗嘅忠誠。當然唔排除伊達真心尊敬德川，但係我有理由懷疑佢為洗脫嫌疑而將瑞鳳殿起到似東照宮。
不過伊達政宗雖然身為德川臣下，但係為守承諾而匿藏德川家康嘅死對頭，真田幸村嘅子女，真漢子也順便收養子/許配俾家臣添啊


唔係胡適係魯迅，屌又寫錯野
佢棄醫從文係因為佢覺得寫文可以救到更多人，絕對唔係因為佢讀唔成書


身水身汗毛毛雨由公園行上青葉(仙台)城，然後見到個個都搭巴士黎。 青葉get


城上重有手信鋪同餐廳。講起食，伊達政宗最出名嘅發明就係蛋黃醬毛豆蓉(ずんだ) (有其他說法，不過多數都同伊達有關)。食團子不如飲奶昔
飲唔出毛豆味


喺日本各大城市(東京大阪名古屋之類)之中特別鐘意仙台。馬路網絡冇咁四四正正一格格，又時上時落。鋪頭又時尚，成個城市好有生活感



去杜王町聖地巡禮唔少得去蜈蚣屋吧，不過啲野好貴又無野啱
最後老闆娘睇穿我嘅意圖，推薦我買爆谷。對唔著買唔起貴野
捉到你喇，吉良吉影!張收據
不過近排想摷返張收據發覺唔見左
明明之前重見到，又俾吉良吉影走甩喇

つづく

小小蛇足
呢兩日訓左間叫nine hours嘅hostel。叫得9hr真係住得九個鐘，每日要重新check in。另外佢係少數我訓過有睡袍用既hostel。不過重點係佢個沐浴露陣味好攻鼻，用佢洗衫搞到件衫臭左好耐，擺入locker想涼乾佢給果整臭埋個locker

個朱印應該係法燈不滅？

btw 返嚟支持吓巴打

查番法燈不滅來源至比叡山，之後比叡山大火熄左，而家嘅燈火係由立石寺分出黎。（wiki)
學到野

有追 留名支持
Btw可唔可以唔好quote咁長 好難追